IAF Result: అగ్నివీర్ వాయు పరీక్ష ఫలితాలు రాతపరీక్ష ఫలితాలు విడుదల, డైరెక్ట్ లింక్ ఇదే
IAF Agniveer Vayu Result: ఇండియన్ ఎయిర్ఫోర్స్ అగ్నిపథ్ స్కీంలో భాగంగా అగ్నివీర్ వాయు (01/ 2025) నియామకాలకు సంబంధించి రాతపరీక్ష (ఫేజ్-1) ఫలితాలను ఇండియన్ ఎయిర్ఫోర్స్ ఏప్రిల్ 12న విడుదల చేసింది.
IAF Agniveer Vayu Exam Results: ఇండియన్ ఎయిర్ఫోర్స్ అగ్నిపథ్ స్కీంలో భాగంగా అగ్నివీర్ వాయు (01/ 2025) నియామకాలకు సంబంధించి రాతపరీక్ష (ఫేజ్-1) ఫలితాలను ఇండియన్ ఎయిర్ఫోర్స్ ఏప్రిల్ 12న విడుదల చేసింది. అధికారిక వెబ్సైట్లో ఫలితాలను అందుబాటులో ఉంచింది. అభ్యర్థులు తమ Username లేదా Email ID, పాస్వర్డ్ వివరాలు నమోదుచేసి ఫలితాలు చూసుకోవచ్చు. ఫేజ్-1 పరీక్షలో అర్హత సాధించిన అభ్యర్థులకు తర్వాత దశలో ఫేజ్-2 పరీక్షలు నిర్వహించనున్నారు. ఫేజ్-1(ఆన్లైన్ రాత పరీక్ష), ఫేజ్-2(ఫిజికల్ ఫిట్నెస్ టెస్ట్, అడాప్టబిలిటీ టెస్ట్-1, అడాప్టబిలిటీ టెస్ట్-2), ఫేజ్-3(మెడికల్ ఫిట్నెస్ టెస్ట్), సర్టిఫికేట్ వెరిఫికేషన్ ఆధారంగా అభ్యర్థులను ఎంపిక చేస్తారు. ఈ నోటిఫికేషన్ ద్వారా దాదాపు 3500 ఖాళీలను భర్తీచేయనున్నారు.
Agniveervayu Intake 01/2025 Results
ఇండియన్ ఎయిర్ఫోర్స్ అగ్నిపథ్ స్కీంలో భాగంగా అగ్నివీర్ వాయు నియామాకాలకు సంబంధించి అగ్నివీర్ వాయు ఇంటెక్ (01/2025) ఖాళీల భర్తీకి జనవరి మొదటివారంలో నోటిఫికేషన్ వెలువడిన సంగతి తెలిసిందే. సరైన అర్హతలు గల అవివాహిత పురుష, మహిళా అభ్యర్థుల నుంచి జనవరి 17 నుంచి ఫిబ్రవరి 11 వరకు దరఖాస్తులు స్వీకరించారు. ఫిబ్రవరి 20, 21 తేదీల్లో దరఖాస్తుల సవరణకు అవకాశం కల్పించింది. దరఖాస్తు చేసుకున్నవారికి మార్చి 17న రాతపరీక్ష నిర్వహించారు.
వివరాలు...
* ఇండియన్ ఎయిర్ఫోర్స్ అగ్నివీర్ వాయు ఇంటెక్ (01/2025)
అర్హత: కనీసం 50 శాతం మార్కులతో మ్యాథమెటిక్స్, ఫిజిక్స్, ఇంగ్లిష్ సబ్జెక్టులతో ఇంటర్మీడియట్(10+2)/ ఇంటర్మీడియట్(సైన్స్ కాని ఇతర సబ్జెక్టులు)/ ఇంటర్ ఒకేషనల్. లేదా మూడేళ్ల ఇంజినీరింగ్ డిప్లొమా(మెకానికల్/ ఎలక్ట్రికల్/ ఎలక్ట్రానిక్స్/ ఆటోమొబైల్/ కంప్యూటర్ సైన్స్/ ఇన్స్ట్రుమెంటేషన్ టెక్నాలజీ/ ఇన్ఫర్మేషన్ టెక్నాలజీ)/ తత్సమాన ఉత్తీర్ణత. నిర్దిష్ట శారీరక దారుఢ్య/ వైద్య ప్రమాణాలు కలిగి ఉండాలి.
వయోపరిమితి: 02.01.2004 నుంచి 02.07.2007 మధ్య జన్మించి ఉండాలి. ఒకవేళ, ఒక అభ్యర్థి ఎంపిక ప్రక్రియ యొక్క అన్ని దశలను క్లియర్ చేసినట్లయితే, నమోదు చేసుకున్న తేదీ నాటికి గరిష్ట వయోపరిమితి 21 సంవత్సరాలు ఉండాలి.
ఫిజికల్ స్టాండర్డ్స్:
⏩ ఎత్తు: పురుష అభ్యర్థులకు ఎత్తు 152.5 సెం.మీ; మహిళా అభ్యర్థులకు నార్త్ ఈస్ట్ లేదా ఉత్తరాఖండ్లోని కొండ ప్రాంతాలకు చెందిన అభ్యర్థులకు 152 సెం.మీ, తక్కువ కనిష్ట ఎత్తు 147 సెం.మీ. లక్షద్వీప్ అభ్యర్థుల విషయంలో కనీస ఎత్తు 150 సెం.మీ.
⏩ బరువు: ఎత్తు మరియు వయస్సుకు అనులోమానుపాతంలో ఉంటుంది.
చెస్ట్: పురుష అభ్యర్థులకు కనిష్ట ఛాతీ: 77 సెం.మీ ఛాతీ విస్తరణ కనీసం 05 సెం.మీ ఉండాలి, మహిళా అభ్యర్థుల ఛాతీ అనులోమానుపాతంలో ఉండాలి మరియు ఛాతీ విస్తరణ కనిష్టంగా 05 సెం.మీ ఉండాలి.
⏩ వినికిడి: సాధారణ వినికిడిని కలిగి ఉండాలి. అంటే ప్రతి చెవి ద్వారా 06 మీటర్ల దూరం నుండి మాటలు వినగలగాలి.
⏩ డెంటల్: ఆరోగ్యకరమైన చిగుళ్ళు, మంచి దంతాలు మరియు కనీసం 14 డెంటల్ పాయింట్లు ఉండాలి
ఎంపిక ప్రక్రియ: ఫేజ్-1(ఆన్లైన్ రాత పరీక్ష), ఫేజ్-2(ఫిజికల్ ఫిట్నెస్ టెస్ట్, అడాప్టబిలిటీ టెస్ట్-1, అడాప్టబిలిటీ టెస్ట్-2), ఫేజ్-3(మెడికల్ ఫిట్నెస్ టెస్ట్), ధ్రువపత్రాల పరిశీలన తదితరాల ఆధారంగా ఎంపిక ప్రక్రియ నిర్వహిస్తారు.
ముఖ్యమైన తేదీలు..
➥ ఆన్లైన్ రిజిస్ట్రేషన్ ప్రారంభం: 17.01.2024.
➥ ఆన్లైన్ రిజిస్ట్రేషన్ చివరితేదీ: 06.02.2024.
➥ ఆన్లైన్ పరీక్షలు ప్రారంభం: 17.03.2024.
Before You Go
PBKS vs GT Highlights : వరుసగా ఐదో మ్యాచ్ లోనూ ఆఖరి ఓవర్ లోనే ఫలితం | IPL 2023 | ABP Desam
టాప్ హెడ్ లైన్స్
ట్రెండింగ్ వార్తలు
