Air purifier plants: ఈ మొక్కలు మీ ఇంట్లోని గాలిని శుభ్రం చేస్తాయి... ఆక్సిజన్ అందిస్తాయి

కొన్ని ప్రత్యేకమైన మొక్కలు ఎక్కువ మొత్తంలో ఆక్సిజన్‌ను విడుదల చేస్తాయి. మరికొన్ని పగలు, రాత్రి అన్న తేడా లేకుండా 24 గంటల పాటు ఆక్సిజన్‌నే ఉత్పత్తి చేస్తూ.. పరిసరాల్లోని గాలిని శుద్ధి చేస్తాయి.

FOLLOW US: 

మొక్కలన్నీ గాలిలోని కార్బన్‌ డైయాక్సైడ్‌ను పీల్చుకొని తిరిగి ఆక్సిజన్‌ను విడుదల చేస్తుంటాయి కదా మరి అలాంటప్పుడు మళ్లీ ప్రత్యేకంగా గాలిని శుభ్రం చేసే మొక్కలేంటా అని అనుకుంటున్నారా? అన్ని మొక్కలు ఒకే రకంగా, ఒకే విధంగా శ్వాసక్రియను జరుపుకోవు. అదేవిధంగా ఆక్సిజన్‌ను విడుదల చేయవు. కొన్ని మొక్కలు పగటి పూట ఆక్సిజన్‌, రాత్రిపూట కార్బన్‌ డై ఆక్సైడ్‌ను విడుదల చేస్తుంటాయి. అదీగాక అవి విడుదల చేసే ఆక్సిజన్‌ పరిమాణం చాలా తక్కువ. కానీ కొన్ని ప్రత్యేకమైన మొక్కలు ఎక్కువ మొత్తంలో ఆక్సిజన్‌ను విడుదల చేస్తాయి. మరికొన్ని పగలు, రాత్రి అన్న తేడా లేకుండా 24 గంటల పాటు ఆక్సిజన్‌నే ఉత్పత్తి చేస్తూ.. పరిసరాల్లోని గాలిని శుద్ధి చేస్తాయి. ఈ మొక్కలనే బయాలజిస్టులు ఆక్సిజన్‌ మొక్కలుగా పిలుస్తుంటారు. 

పట్టణాల్లో జీవనం సాగించేవారు ఇండ్ల మీద, బాల్కనీ, గోడలపై మొక్కలను పెంచుకుంటూ ఉంటారు. వీరికి మొక్కలను కావల్సినంత ఎక్కువగా పెంచుకునేందుకు స్థలం ఉండదు కాబట్టి... ఉన్న కొద్ది ప్లేసులో ఈ ఆక్సిజన్ మొక్కలను పెంచుకుంటారు. తాజాగా కరోనా నేర్పిన పాఠాల కారణంగా ఈ మొక్కలకు మరింత డిమాండ్ పెరిగింది. ఇదే అదునుగా చేసుకుని నర్సరీ వాళ్లు సైతం రేట్లను అమాంతం పెంచేశారు. ఇంతకీ ఆక్సిజన్ అందించే ఆ మొక్కలేంటో ఇప్పుడు తెలుసుకుందాం.

మనీప్లాంట్‌ ( Money Plant )
ఈ మొక్క సాధారణంగా అందరూ పెంచుకుంటారు. దీన్ని పోథోస్‌ ప్లాంట్‌ అని కూడా అంటారు. అలంకరణ మొక్కగా కూడా దీన్ని ఇంట్లో పెడుతుంటారు. మీకు తెలియని ఓ ప్రత్యేకత ఈ మనీ ప్లాంట్‌కి ఉంది. తెలిస్తే నిజంగా షాకవుతారు. ఈ మనీ ప్లాంట్ 24 గంటల పాటు ఆక్సిజన్‌ను విడుదల చేస్తుంది. ఫార్మాల్డిహైడ్‌, బెంజిన్‌, కార్బన్‌ మోనాక్సైడ్‌ వంటి వాయువులను సైతం ఇది పీల్చుకుంటుంది.

తులసి ( Tulsi )
అనేక ఆయుర్వేద ఔషధగుణాలున్న మొక్క ఇది. అందుకే దీనిని క్వీన్‌ ఆఫ్‌ హెర్బ్స్‌గా పిలుస్తుంటారు. ఈ మొక్క ఇంట్లో ఉంటే పరిసరాలన్నీ స్వచ్ఛంగా ఉంటాయి. రోజులో కనీసం 20 గంటల పాటు ఇది ఆక్సిజన్‌ను విడుదల చేస్తుంటుంది. అదే విధంగా కార్బన్‌ డై యాక్సైడ్‌, కార్బన్‌ మోనాక్సైడ్‌, సల్ఫర్‌ డై యాక్సైడ్‌ వంటి ప్రమాదకర వాయువులను సైతం ఇది పీల్చుకుని ప్రాణవాయువును అందిస్తుంది.

స్పైడర్‌ ప్లాంట్‌ ( Spider Plant )
ఇండోర్‌ ప్లాంట్‌గా ఎక్కువగా ప్రసిద్ధి. ఇంట్లోని గాలిని అధిక శాతం శుద్ధి చేస్తుంది. ఆక్సిజన్‌ను ఎక్కువ మొత్తంలో విడుదల చేస్తుంది. ఈ మొక్క మరో ప్రత్యేకత ఏమిటంటే మనం తీవ్రమైన ఒత్తిడికి గురైన సమయంలో ఈ మొక్క మన సమీపంలో ఉంటే ఆ ఒత్తిడికి దూరం అవుతాం.


వీపింగ్‌ ఫిగ్‌ ( weeping fig )
ఇది ఫైకస్‌ రకానికి చెందిన మొక్క. నాసా గుర్తించిన ఎయిర్‌ ప్యూరిఫైయింగ్‌ మొక్క. ఇంటి పరిసరాల్లో ఉన్న ఫార్మాల్డిహైడ్‌, జైలిన్‌, టౌలిన్‌ తదితర కాలుష్య కారక వాయువులను సైతం ఇది పీల్చుకుంటుంది.


అరెకా ఫామ్‌ ( Areca palm )
ఈ మొక్క ప్రత్యేకతలెన్నో. చక్కటి ఇండోర్‌ ప్లాంట్‌. కార్బన్‌ డైయాక్సైడ్‌నే కాకుండా గాలిలోని కాలుష్యకారక వాయువులన్నింటినీ ఇది పీల్చుకుంటుంది. గాలిని శుద్ధి చేస్తుంది. ఎక్కువ మొత్తంలో ఆక్సిజన్‌ ( Oxygen )ను విడుదల చేస్తుంది.


జెర్బారా డైసీ (Gerbera Daisy)
ఇవి అలంకరణ మొక్కలుగా ప్రసిద్ధి చెందాయి. ఈ మొక్కల పుష్పాలను వేడుకల్లో అలంకరణ కోసం వినియోగిస్తుంటారు. అంతే కాదు ఎక్కువ మొత్తంలో ఆక్సిజన్‌ను విడుదల చేయడం వీటి ప్రత్యేకత. కార్బన్‌తో పాటు ఇతర ప్రమాదకర కాలుష్యకార వాయువులను సైతం ఇది పీల్చుకుని పరిసరాలను శుద్ధి చేస్తుంది.


స్నేక్‌ ప్లాంట్‌ (Snake Plant)
నాసా గుర్తించిన మరో ఎయిర్‌ ప్యూరిఫైయింగ్‌ మొక్క ఇది. అంతేగాక ఎక్కువ మంది ప్రేమించే మొక్క. ఆక్సిజన్‌ను ఎక్కువ శాతం విడుదల చేస్తుంది. ఇంట్లోని గాలిని ఎక్కువగా శుద్ధి చేస్తుంది. కార్బన్‌తో పాటు, ఫార్మాల్డిహైడ్‌, బెంజిన్‌, జైలిన్‌ వాయువులనే కాదు.. ట్రై క్లోరో ఇథలిన్‌, నైట్రోజన్‌ తదితర అధిక కాలుష్యకారక వాయువులను సైతం ఇది పీల్చుకుంటుంది. 

 

Published at : 16 Sep 2021 09:17 PM (IST) Tags: LifeStyle Corona Health covid 19 Plants Air Fresh Air

సంబంధిత కథనాలు

Omicron Variant BA.4 in Hyderabad:  హైదరాబాద్ వాసులకు అలర్ట్ -  కొత్త ఒమిక్రాన్ వేరియంట్ మొదటి కేసు ఇక్కడే !

Omicron Variant BA.4 in Hyderabad: హైదరాబాద్ వాసులకు అలర్ట్ - కొత్త ఒమిక్రాన్ వేరియంట్ మొదటి కేసు ఇక్కడే !

Covid-19 Cases India: దేశంలో కొత్తగా 2259 కరోనా కేసులు- 20 మంది మృతి

Covid-19 Cases India: దేశంలో కొత్తగా 2259 కరోనా కేసులు- 20 మంది మృతి

Fertility: గర్భం ధరించలేకపోతున్నారా? ఒత్తిడి కారణమేమో చూసుకోండి

Fertility: గర్భం ధరించలేకపోతున్నారా? ఒత్తిడి కారణమేమో చూసుకోండి

Natural Painkillers: ఈ ఆహారపదార్థాలలో పెయిన్ కిల్లర్స్ లక్షణాలు అధికం, నొప్పిని తగ్గిస్తాయి

Natural Painkillers: ఈ ఆహారపదార్థాలలో పెయిన్ కిల్లర్స్ లక్షణాలు అధికం, నొప్పిని తగ్గిస్తాయి

Wall Sit: గోడ కుర్చీ శిక్ష కాదు ఆరోగ్యానికి రక్ష, రోజుకు అయిదు నిమిషాలు వేస్తే ఎన్ని ప్రయోజనాలో

Wall Sit: గోడ కుర్చీ శిక్ష కాదు ఆరోగ్యానికి రక్ష, రోజుకు అయిదు నిమిషాలు వేస్తే ఎన్ని ప్రయోజనాలో

టాప్ స్టోరీస్

Sirpurkar Commission Report: దిశ నిందితుల ఎన్ కౌంటర్ బూటకమా - కేసుపై సంచలన విషయాలు వెల్లడించిన సిర్పూర్కర్ రిపోర్ట్‌లో ఏముందంటే !

Sirpurkar Commission Report: దిశ నిందితుల ఎన్ కౌంటర్ బూటకమా - కేసుపై సంచలన విషయాలు వెల్లడించిన సిర్పూర్కర్ రిపోర్ట్‌లో ఏముందంటే !

RR Vs CSK Toss: టాస్ గెలిచి బ్యాటింగ్ ఎంచుకున్న చెన్నై - ఈ మ్యాచ్ రాజస్తాన్‌కే కీలకం

RR Vs CSK Toss: టాస్ గెలిచి బ్యాటింగ్ ఎంచుకున్న చెన్నై - ఈ మ్యాచ్ రాజస్తాన్‌కే కీలకం

Mathura Krishna Janmabhoomi: శ్రీకృష్ణ జన్మభూమి వివాదమేంటి? హిందూ- ముస్లింల ఒప్పందంలో ఏముంది?

Mathura Krishna Janmabhoomi: శ్రీకృష్ణ జన్మభూమి వివాదమేంటి? హిందూ- ముస్లింల ఒప్పందంలో ఏముంది?

Poorna Photos: కుందనపు బొమ్మా నిను చూస్తే మనసుకి వెలుగమ్మా

Poorna Photos: కుందనపు బొమ్మా నిను చూస్తే మనసుకి వెలుగమ్మా