Male Fertility: హీటెడ్ బ్లాంక్లెట్లు, కార్ సీట్ హీటర్లు మగతనాన్ని చంపేస్తున్నాయి - ఈ రిపోర్టు చూస్తే వాటి జోలికెళ్లరు !
Protect Male Fertility: ఎండాకాలంలో వెచ్చదనం కోసం హీటెడ్ బ్లాంక్లెట్లు, కార్ సీట్ హీటర్లు వాడితే స్పెర్మ్ కౌంట్ తగ్గిపోతుందని తాజా పరిశోధనలు వెల్లడించాయి.
stay away from warm blankets and car seats to protect male fertility: ప్రపంచంలో రాను రాను సంతానోత్పత్తి సమస్యలు పెరిగిపోతున్నాయి. పురషుల్లోనూ ఫెర్టిలిటీ సమస్యలు పెరుగుతున్నాయి. దానికి కారణం మారుతున్న లైఫ్స్టైలే. రాను రాను సౌకర్యం కోసం.. అత్యాధునిక వస్తువులు.. వాడకూడని పద్దతుల్లో వాడేస్తున్నాం. అక్కడే సమస్యలు వస్తున్నాయని పరిశోదనల్లో తేలుతున్నాయి
శీతాకాలంలో వెచ్చదనం కోసం హీటెడ్ బ్లాంకెట్లు, కార్ సీట్ హీటర్లు ఉపయోగించడం సౌకర్యవంతంగా ఉన్నప్పటికీ, ఇవి పురుషుల పునరుత్పత్తి ఆరోగ్యానికి హాని కలిగించవచ్చని నిపుణులు తాజాగా గుర్తించారు. వీర్య ఉత్పత్తికి అవసరమైన టెస్టికల్స్ ఉష్ణోగ్రత శరీర ఉష్ణోగ్రత కంటే 2-3 డిగ్రీలు తక్కువగా ఉండాలని, హీటెడ్ బ్లాంకెట్లు, కార్ సీట్ హీటర్లు ఈ ఉష్ణోగ్రతను పెంచి, స్పెర్మ్ కౌంట్ మరియు నాణ్యతను దెబ్బతీస్తాయని పరిశోధనలు సూచిస్తున్నాయి. ఈ సమస్య గురించి ఫెర్టిలిటీ నిపుణులు సలహాలు ఇస్తూ పిల్లలను కనాలనుకునే పురుషులు ఈ జాగ్రత్తలు తీసుకోవాలని సూచిస్తున్నారు.
వీర్య ఉత్పత్తి కోసం టెస్టికల్స్ శరీర ఉష్ణోగ్రత (37°C) కంటే 2-3 డిగ్రీలు తక్కువగా (సుమారు 34-35°C) ఉండాలి. ఈ కారణంగానే టెస్టికల్స్ శరీరం వెలుపల స్క్రోటల్ సాక్లో ఉంటాయి. హీటెడ్ బ్లాంకెట్లు, కార్ సీట్ హీటర్లు, హాట్ బాత్లు, లాప్టాప్లను కాళ్లపై ఉంచడం, టైట్ అండర్వేర్ ధరించడం వంటివి టెస్టికల్స్ ఉష్ణోగ్రతను పెంచి, స్పెర్మ్ కౌంట్, కదలిక సామర్థ్యం, ఆకారంపై ప్రతికూల ప్రభావం చూపుతాయి. ఫెర్టిలిటీ అండ్ స్టెరిలిటీ జర్నల్లో ప్రచురితమైన ఒక అధ్యయనం ప్రకారం, 90 నిమిషాల పాటు హీటెడ్ కార్ సీట్లో కూర్చోవడం స్పెర్మ్ నాణ్యతను దెబ్బతీస్తుంది.
"శీతాకాలంలో హీటెడ్ బ్లాంకెట్లు, కార్ సీట్ హీటర్లు సౌకర్యవంతంగా ఉన్నప్పటికీ, వీటిని ఎక్కువ సమయం వాడితే టెస్టికల్స్ ఓవర్హీట్ అయ్యే ప్రమాదం ఉంది. ఇది స్పెర్మ్ ఉత్పత్తిని దెబ్బతీస్తుంది , గర్భధారణ అవకాశాలను తగ్గిస్తుంది" అని కింగ్స్ ఫెర్టిలిటీ క్లినిక్ డైరెక్టర్ డాక్టర్ ఇప్పోక్రాటిస్ సారిస్ హెచ్చరించారు. యూనివర్సిటీ ఆఫ్ మాంచెస్టర్లో ఆండ్రాలజీ ప్రొఫెసర్ అలన్ పేసీ కూడా, "టైట్ దుస్తులు ధరించడం, ఎక్కువ సమయం కూర్చోవడం, హీటెడ్ సీట్లు, బ్లాంకెట్లు వాడటం వంటివి స్పెర్మ్ కౌంట్ను తగ్గిస్తాయి. కుటుంబ ప్రణాళికలో ఉన్నవారు ఈ అలవాట్లను పరిమితం చేయాలి" అని సూచించారు.
వరల్డ్ హెల్త్ ఆర్గనైజేషన్ (WHO) ప్రకారం, ప్రపంచవ్యాప్తంగా ఆరుగురిలో ఒకరు ఫెర్టిలిటీ సమస్యలను ఎదుర్కొంటున్నారు. ఇందులో 50 శాతం సమస్యలు పురుషుల నుంచి వస్తున్నాయి. గత 40 ఏళ్లలో స్పెర్మ్ కౌంట్ 50 శాతం పైగా తగ్గిందని 2017 అధ్యయనం వెల్లడించింది. ఈ సమస్యలకు ఒత్తిడి, జీవనశైలి, ఆహారపు అలవాట్లతో పాటు హీట్ ఎక్స్పోజర్ కూడా కారణమవుతుంది. శీతాకాలంలో వెచ్చదనం కోసం బదులుగా లూస్ దుస్తులు, సాధారణ బ్లాంకెట్లు వాడడం మంచిదని నిపుణులు సలహాలిస్తున్నారు.
టాప్ హెడ్ లైన్స్
ట్రెండింగ్ వార్తలు
