Omicron Cases: మహారాష్ట్రలో ఒమిక్రాన్ కలకలం... ఒక్కరోజే కొత్తగా 7 కేసులు... దేశంలో 32కు చేరిన కేసుల సంఖ్య

దేశంలో ఒమిక్రాన్ కేసుల సంఖ్య రోజు రోజుకూ పెరుగుతోంది. శుక్రవారం ఒక్కరోజే మహారాష్ట్రలో 7 కొత్త కేసులు నమోదయ్యాయి. దీంతో దేశంలో మొత్తం కేసుల సంఖ్య 32కి చేరింది.

ఒమిక్రాన్ కేసులు(ప్రతీకాత్మక చిత్రం)

కరోనా కొత్త వేరియంట్ ఒమిక్రాన్​భారత్​లో క్రమంగా విస్తరిస్తోంది. మహారాష్ట్రలో ఒమిక్రాన్ కేసులు పెరుగుతున్నాయి. శుక్రవారం ఒక్కరోజే కొత్తగా ఏడు ఒమిక్రాన్​కేసులు నమోదయ్యాయి. ఈ ఏడు కేసుల్లో ముంబయిలో 3, పింప్రి చించ్వాడా మున్సిపల్​ కార్పొరేషన్​ పరిధిలో 4 కేసులు వచ్చాయి. ముంబయి ధారావికి టాంజానియా నుంచి వచ్చిన ఓ వ్యక్తికి ఒమిక్రాన్ సోకింది. బాధితుడిని ఆసుపత్రికి తరలించి వైద్యం అందిస్తున్నారు. తాజా కేసులతో మహారాష్ట్రలో మొత్తం కేసుల సంఖ్య 17కు చేరిందని ఆరోగ్య శాఖ వెల్లడించింది.  దీంతో దేశంలో ఒమిక్రాన్ కేసుల సంఖ్య 32కు చేరింది. మహారాష్ట్రలో  17, రాజస్థాన్ లో 9, గుజరాత్ లో​3, కర్ణాటకలో 2, దిల్లీలో 1 ఒమిక్రాన్ కేసులు నమోదయ్యాయి. 

Maharashtra reports 7 new cases of Omicron- 3 from Mumbai and 4 from Pimpri Chinchwad Municipal Corporation; total Omicron cases in the state at 17 now: Maharashtra Health Department

— ANI (@ANI) December 10, 2021

భారత్‌లో కొత్త వేరియంట్ ఒమిక్రాన్‌ నెమ్మదిగా విస్తరిస్తోంది. మహారాష్ట్రలో ఇటీవల మరో రెండు ఒమిక్రాన్ కేసులు నమోదయ్యాయి. దీంతో మరింత కలవరం పెరిగింది. మహారాష్ట్రలో ఇప్పటికే 10 ఒమిక్రాన్  కేసులు వెలుగుచూశాయి. తాజాగా మరో 7 కేసుల నమోదయ్యాయి. దీంతో మొత్తం కేసుల సంఖ్య 17కి చేరింది. ఒమిక్రాన్ వ్యాప్తి నేపథ్యంలో కరోనా నిబంధనలను తప్పక పాటించాలని ప్రభుత్వం కోరుతోంది. మాస్కులు ధరించాలని, భౌతికదూరం పాటించాలని సూచించింది. ఒమిక్రాన్ వ్యాప్తి ఎక్కువైతే మరో వేవ్ వచ్చే ప్రమాదముందని ఇప్పటికే పలు అధ్యయనాలు హెచ్చరించాయి.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి