అన్వేషించండి

Good Luck Sakhi Video Song: రావే రావే సఖి... మురిసే ముచ్చట్లకి... సరదా సయ్యాటకి!

కీర్తీ సురేష్ ప్రధాన పాత్రలో నటించిన సినిమా 'గుడ్ లుక్ సఖి'. ఇందులో 'బ్యాడ్ లక్ సఖి' వీడియో సాంగ్ ఈ రోజు విడుదల చేశారు.

By : ABP Desam | Updated at : 08 Nov 2021 12:18 PM (IST)

Watch Bad Luck Sakhi Full Video Song from Keerthi Suresh's Good Luck Sakhi Movie Good Luck Sakhi Video Song: రావే రావే సఖి... మురిసే ముచ్చట్లకి... సరదా సయ్యాటకి!

'గుడ్ లక్ సఖి'లో కీర్తీ సురేష్

నగనగా ఓ అమ్మాయి... ఆమె పేరు సఖి. ఊరంతా ఆమెను 'బ్యాడ్ లక్ సఖి... బ్యాడ్ లక్ సఖి' అంటుంటారు. ఎందుకు? అనేది 'గుడ్ లక్ సఖి' సినిమా చూస్తే తెలుస్తుంది. ఆమెను 'బ్యాడ్ లక్ సఖి' అనడం మీద ఓ సాంగ్ రూపొందించారు. 'రావే రావే సఖి... మురిసే ముచ్చట్లకి... సరదా సయ్యాటకి' అంటూ సాగే ఈ పాటను శ్రీమణి రాశారు. దేవిశ్రీ ప్రసాద్ సంగీతం అందించారు. హరిప్రియ, సమీరా భరద్వాజ్, ఎం.ఎల్.ఆర్ కార్తికేయన్ ఆలపించారు.

'ఇంకెన్నాళ్లే సఖి... నీ పప్పన్నానికి... త్వరగా పో మగనికి...' అంటూ సఖికి ఓ మహిళ చెప్పడం చూస్తుంటే... సఖి పెళ్లి కోసం ఊరిలో జనాలు అందరూ ఎదురు చూస్తున్నారని చెప్పడానికి ఓ సంకేతంగా చూడవచ్చు. ఎవరు ఆమెతో మాట్లాడినా వాళ్లకు ఎదో బ్యాడ్ జరుగుతుందన్నట్టు పాటలో చూపించారు. 'అదిగో అదిగో బ్యాడ్ లక్ సఖి' అంటూ దేవిశ్రీ ప్రసాద్ చక్కటి సంగీతం అందించారు.

కీర్తి సురేష్ టైటిల్‌ పాత్రలో నటించిన ఈ మహిళా ప్రాధాన్య సినిమాలో ఆది పినిశెట్టి హీరోగా నటించారు. జగపతి బాబు కీలక పాత్ర పోషించారు. నగేష్ కుకునూర్ దర్శకత్వంలో 'దిల్‌' రాజు సమర్పణలో వర్త్ ఏ షాట్ మోషన్ ఆర్ట్స్ పతాకంపై సుధీర్ చంద్ర ప‌దిరి నిర్మిస్తున్నారు. ఈ చిత్రానికి శ్రావ్యా వర్మ సహ నిర్మాత. ఈ నెల 26న సినిమా విడుదల కానుంది. క్రీడా నేపథ్యంలో తెరకెక్కిన ఈ సినిమాలో కీర్తీ సురేష్ షూటర్ పాత్రలో కనిపించనున్నారు. ఓ పల్లెటూరి అమ్మాయి నేషనల్ లెవల్ షూటర్ ఎలా అయ్యిందనేది కథ. కీర్తీ సురేష్ కోచ్ పాత్రలో జగపతిబాబు కనిపించనున్నారు. జాతీయ పురస్కార గ్రహీత కీర్తీ సురేష్, విమర్శకుల ప్రశంసలతో పాటు పలు పురస్కారాలు అందుకున్న నగేష్ కుకునూర్ ఫస్ట్ టైమ్ చేసిన సినిమా ఇది.