Walteir Veerayya: వాల్తేరు వీరయ్య టైటిల్ సాంగ్ రిలీజ్ - పవర్‌ఫుల్ ట్యూన్ ఇచ్చిన DSP!
వాల్తేరు వీరయ్య సినిమాలో మూడో పాట ఆన్‌లైన్‌లో విడుదల అయింది.
వాల్తేరు వీరయ్య టైటిల్ సాంగ్‌ను చిత్ర బృందం విడుదల చేసింది. సంగీత దర్శకుడు దేవిశ్రీ ప్రసాద్ ఈ పాటకు పవర్ ఫుల్ ట్యూన్ ఇచ్చారు. ఏదో ఒక పవర్ ఫుల్ యాక్షన్ సీక్వెన్స్‌లో ఈ పాట రానుందని మాత్రం అర్థం చేసుకోవచ్చు. ఈ పాటను ఇంకా యూట్యూబ్‌లో విడుదల చేయలేదు. మ్యూజిక్ ప్లాట్‌ఫాంల్లో ఈ పాటను ఎంజాయ్ చేయవచ్చు. ఈ పాటకు చంద్రబోస్ లిరిక్స్ అందించగా, అనురాగ్ కులకర్థి ఆలపించారు.
ఇప్పటికే ‘నువ్వు శ్రీదేవి అయితే నేను చిరంజీవి అవుతా’,‘బాస్ పార్టీ’ పాటలు విడుదలై చార్ట్ బస్టర్స్ అయ్యాయి. బాస్ పార్టీ పాటపై మొదట కొంత నెగిటివిటీ వచ్చినా, ఇప్పుడు రిపీట్స్‌లో కూడా వింటున్నారు. ఈ పాటను జస్ప్రీత్ జాజ్, సమీరా భరద్వాజ్ ఆలపించారు. బాస్ పార్టీ తరహలోనే దీనికి కూడా లిరిక్స్‌ను దేవిశ్రీ ప్రసాద్‌నే అందించారు. సంక్రాంతి పండగ సందర్భంగా జనవరి 13వ తేదీన ఈ సినిమా ప్రపంచవ్యాప్తంగా విడుదల కానుంది. చిరంజీవి సరసన శ్రుతి హాసన్, రవితేజ సరసన కేథరిన్ ట్రెసా జంటగా నటించారు.
‘నువ్వు శ్రీదేవి అయితే నేను చిరంజీవి అవుతా’ పాటను సౌత్ ఆఫ్ ఫ్రాన్స్ లో స్విజర్లాండ్-ఇటలీ బోర్డర్ లో ఉన్న ఆల్ప్స్ మౌంటెన్ లోయలో చిత్రీకరించారని చిరంజీవి చెప్పారు. అక్కడి లోయలో లొకేషన్స్ చూస్తే చాలా అద్భుతంగా ఉన్నాయని, ఆ లోయ అందాలు చూసి తాను కూడా చాలా ఎగ్జైట్ అయ్యానని అన్నారు.
ఆ ఆనందాన్ని ఆపుకోలేక తానే స్వయంగా అక్కడి లొకేషన్స్ లో కొన్ని వీడియోలను షూట్ చేసి షేర్ చేస్తున్నానని చిరంజీవి తెలిపారు. లొకేషన్స్ చూడటానికి చాలా అందంగా ఉన్నా అక్కడ అంతకుమించిన చలి ఉందని అన్నారు. సాంగ్‌ను షూట్ చేసే సమయంలో మైనస్ 8 డిగ్రీల చలిలో కష్టపడి డాన్స్ చేశామని చెప్పారు.
షూటింగ్ లో స్టెప్స్ వేయడానికి కూడా చాలా కష్టమైందని అయినా సరే ఫ్యాన్స్ ఆనందం కోసం గడ్డకట్టే చలిని కూడా తట్టుకొని డాన్స్ చేశానని అన్నారు మెగాస్టార్. ఈ పాట కోసం టీమ్ లో ఉన్న ప్రతీ ఒక్కరూ చాలా కష్టపడ్డారని, తమ కష్టానికి తగ్గట్టుగానే పాట చాలా బాగా వచ్చిందన్నారు. సినిమాలో ఈ పాట ప్రేక్షకులకు బాగా నచ్చుతుందని కచ్చితంగా తెలిపారు. మైత్రీ మూవీ మేకర్స్ నిర్మాణంలో తెరకెక్కిన ఈ మూవీలో శృతి హాసన్ హీరోయిన్ గా నటిస్తుంది. దేవీ శ్రీ ప్రసాద్ సంగీత దర్శకత్వం వహిస్తున్నారు.
View this post on Instagram
టాప్ హెడ్ లైన్స్
ట్రెండింగ్ వార్తలు
