Ori Devuda Release Date : దీపావళికి 'ఓరి దేవుడా' - స్టైలిష్ మోడ్రన్ భగవంతునిగా వెంకటేష్

విశ్వక్ సేన్ కథానాయకుడిగా, విక్టరీ వెంకటేష్ ప్రత్యేక పాత్రలో నటిస్తున్న సినిమా 'ఓరి దేవుడా'. దీపావళికి ఈ సినిమాను విడుదల చేయనున్నారు.

విశ్వక్ సేన్, వెంకటేష్

విశ్వక్‌ సేన్‌ (Vishwak Sen) కథానాయకుడిగా నటిస్తున్న సినిమా 'ఓరి దేవుడా' (Ori Devuda Telugu Movie). తమిళంలో అశోక్‌ సెల్వన్‌, 'గురు' ఫేమ్‌ రితికా సింగ్‌ జంటగా నటించిన 'ఓ మై కడవులే' సినిమాకు రీమేక్‌ ఇది. ఒరిజినల్‌ సినిమాకు దర్శకత్వం వహించిన అశ్వత్‌ మారిముత్తు తెలుగు సినిమాకూ దర్శకత్వం వహిస్తున్నారు. తెలుగులో విశ్వక్ సేన్‌కు జంటగా హీరోయిన్ మిథిలా పాల్కర్‌ (Mithila Palkar) నటించారు. 

మోడ్రన్ భగవంతునిగా వెంకటేష్    
తమిళ సినిమా 'ఓ మై కడవులే'లో మోడ్రన్ భగవంతుని పాత్ర ఒకటి ఉంటుంది. మక్కల్ సెల్వన్ విజయ్ సేతుపతి దేవుడి ఆ రోల్ చేశారు. తెలుగులో ఆ పాత్రను విక్టరీ వెంకటేష్ చేస్తున్నారు. దేవుడు అనగానే కిరీటం, స్వర్గం వంటివి ఎక్స్‌పెక్ట్‌ చేయవద్దు. మోడ్రన్ మనిషిలా ఉంటారు. వైట్ షర్ట్, బ్లాక్ కోట్ వేసుకుని... మంచి కళ్ళజోడు పెట్టుకుని... బాస్ అన్నట్టు ఉన్నారు. 

Ori Devuda Surprise Glimpse : 'ఓరి దేవుడా' స‌ర్‌ప్రైజ్‌ గ్లింప్స్‌ పేరుతో ఈ రోజు వెంకటేష్ లుక్ రివీల్ చేశారు. ఆయన విజువల్స్ చూపించారు. అందులో ఆయన తనదైన మేనరిజంతో అలరించారు. 'లవ్ కోర్ట్'లో కేసులు పరిష్కరించే వ్యక్తిగా ఆయన కనిపించారు. వెంకీ అసిస్టెంట్ పాత్రలో రాహుల్ రామకృష్ణ కనిపించారు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Sri Venkateswara Creations (@srivenkateswaracreations)

దీపావళికి 'ఓరి దేవుడా' విడుదల
'ఓరి దేవుడా' సినిమా చిత్రీకరణ పూర్తి అయ్యిందని, ప్రస్తుతం పోస్ట్ ప్రొడ‌క్ష‌న్ పనులు శ‌ర‌వేగంగా జ‌రుగుతున్నాయని చిత్ర బృందం తెలిపింది. దీపావ‌ళి సంద‌ర్భంగా ఈ చిత్రాన్ని అక్టోబ‌ర్ 21న విడుద‌ల చేస్తున్నట్లు పేర్కొన్నారు. హీరోగా విశ్వక్ సేన్ 6వ చిత్రమిది. వెంకటేష్, ఆయన కాంబినేషన్ సీన్స్ బాగా వచ్చాయని యూనిట్ సన్నిహిత వర్గాల సమాచారం. 

'ఓరి దేవుడా' చిత్రానికి పెరల్‌ వి పొట్లూరి, పరమ్‌ వి పొట్లూరి, 'దిల్‌' రాజు నిర్మాతలు. శ్రీ వెంకటేశ్వర క్రియేషన్స్‌, పి.వి.పి సినిమా సంస్థలు సంయుక్తంగా నిర్మిస్తున్నాయి. ఈ సినిమాకు యువ దర్శకుడు తరుణ్‌ భాస్కర్‌ దాస్యం డైలాగులు రాస్తున్నారు. లియోన్ జేమ్స్ సంగీతాన్ని అందిస్తుండ‌గా... ఎడిట‌ర్‌గా విజ‌య్, సినిమాటోగ్రాఫ‌ర్‌గా విదు అయ్య‌న్న బాధ్యతలు నిర్వర్తించారు.