(Source: ECI/ABP News/ABP Majha)
Varsha Emmanuel Marriage : వర్ష మెడలో తాళి కట్టిన ఇమ్మాన్యుయేల్
'జబర్దస్త్' ప్రోగ్రామ్ చూసే వాళ్ళకు ఇమ్మాన్యుయేల్, వర్ష లవ్ ట్రాక్ తప్పకుండా తెలిసే ఉంటుంది. ఇప్పుడు వాళ్ళు ఓ అడుగు ముందుకు వేశారు. పోసాని క్లారిటీ అడగంతో వర్ష మెడలో ఇమ్ము తాళి కట్టాడు.
'జబర్దస్త్' స్కిట్స్‌లో ప్రేమలు పెళ్లి పీటల వరకు వెళ్ళవనేది ఒక టాక్. 'సుడిగాలి' సుధీర్ & రష్మీ గౌతమ్ గానీ... మరో జంట గానీ వీక్షకులను ఆకట్టుకోవడం కోసం తమ మధ్య ప్రేమ ఉన్నట్టు నటిస్తారని, టీఆర్పీ రేటింగ్స్ కోసం స్కిట్స్ అలా ప్లాన్ చేస్తున్నారని సామాన్యులు కూడా పసిగట్టారు. అయితే... రాకింగ్ రాకేష్, 'జోర్దార్' సుజాత ప్రేమ పెళ్లి వరకు వెళ్తోందని తెలుస్తోంది. ఇమ్మాన్యుయేల్, వర్ష అయితే 'జబర్దస్త్' స్టేజి మీద పెళ్లి చేసుకున్నట్టు చూపించారు. అసలు వివరాల్లోకి వెళితే...
స్కిట్ తర్వాత తాళి కట్టిన ఇమ్మాన్యుయేల్?
'జబర్దస్త్', 'ఎక్స్ట్రా జబర్దస్త్' (Extra Jabardasth) షోస్‌లో ఇమ్మాన్యుయేల్ (Jabardasth Emmanuel), వర్ష కలిసి చాలా స్కిట్స్‌లో తమ మధ్య ప్రేమ ఉన్నట్టు నటించారు. వాళ్ళిద్దరికీ ఒక స్కిట్‌లో పెళ్లి కూడా జరిగింది. అయితే... ఈసారి అలా కాదు. స్కిట్ తర్వాత వర్ష మెడలో ఇమ్మాన్యుయేల్ తాళి కట్టాడు. అంటే... కట్టినట్టు చూపించారు. అది విశేషం!
'ఎక్స్ట్రా జబర్దస్త్'కు పోసాని కృష్ణమురళి జడ్జ్‌గా వచ్చారు. 'బుల్లెట్' భాస్కర్ స్కిట్‌లో గతంలో ఇమ్మాన్యుయేల్, వర్ష మధ్య ట్రాక్ చూపించారు. అందులో 'మీ అమ్మకు చెప్పు... కోడలు వస్తుందని' డైలాగ్ కూడా ఉంది. ప్రోమో వరకు మాత్రమే డైలాగులు చెబుతుందని వర్షపై ఇమ్మాన్యుయేల్ సెటైర్ వేశారు. తమది స్టేజి మీద లవ్ మాత్రమేనని ఈ మధ్య స్కిట్స్‌లో చెబుతున్నారు. అసలు, వాళ్ళిద్దరి మధ్య ప్రేమ ఉందా? లేదా? అని పోసానికి డౌట్ వచ్చింది.
''ఇమ్మాన్యుయేల్... ఒక క్లారిఫికేషన్ కావాలి. మీ ఇద్దరి మధ్య లవ్ ఉందిగా?'' అని పోసాని కృష్ణమురళి అడిగారు. ''అది ఆ అమ్మాయే చెప్పాలి'' అని అతడు రిప్లై ఇచ్చాడు.
''ఎంత దొంగ నువ్వు?'' అని పోసాని అంటే... ''అందరి ముందు చెబుతున్నాను. ఆ అమ్మాయి లవ్ ఉందంటే చెప్పమనండి. ఇప్పటికి ఇప్పుడే తాళి కట్టేస్తా'' అని ఇమ్మాన్యుయేల్ అన్నాడు. ఆ తర్వాత 'గెటప్' శీను తాళి తీసుకు రావడం, స్టేజి మీద అందరి ముందు ఇమ్మాన్యుయేల్ తాళి కట్టడం జరిగినట్టు ప్రోమోలో చూపించారు. ఇదీ స్క్రిప్ట్‌లో భాగమని నెటిజన్స్ కొందరు కామెంట్ చేస్తున్నారు. ఆ స్కిట్‌లో ఏం జరిగిందనేది తెలియాలంటే నవంబర్ 11న టెలికాస్ట్ అయ్యే ఎపిసోడ్ చూడాలి. సినిమాలకు వస్తే... అల్లు శిరీష్ 'ఊర్వశివో రాక్షసివో' సినిమాలో ఇమ్మాన్యుయేల్ కనిపించారు.
Also Read : రష్మీని తీసేశారు - 'జబర్దస్త్'కు కొత్త యాంకర్ వచ్చిందోయ్
''నా జీవితంలో ఏదైనా అదృష్టం ఉందంటే... అది నా ఇమ్ము మాత్రమే. ఎవరు ఏం అనుకున్నా నో ప్రాబ్లమ్. వీడేంటి? ఆ అమ్మాయి ఏంటి? అదీ... ఇదీ... వీళ్ళిద్దరిదీ అలా ఇలా? అని! ఈ రోజు నేను చెబుతున్నా... ఇమ్మూ అంటే నిజంగా నాకు ఇష్టం'' అని వర్ష ఆ మధ్య 'జబర్దస్త్' స్టేజి మీద వ్యాఖ్యానించారు.
'జబర్దస్త్', 'ఎక్స్ట్రా జబర్దస్త్'తో పాటు 'శ్రీదేవి డ్రామా కంపెనీ'లో ఈ మధ్య టీఆర్పీ కోసం స్పెషల్ స్కిట్స్ చేస్తున్నారు.
View this post on Instagram
టాప్ హెడ్ లైన్స్
ట్రెండింగ్ వార్తలు
