Urfi Javed: ఏలియన్ కాదు, ఉర్ఫీ జావేద్ - ఈ సారి నిండు దుస్తులతో ఆశ్చర్యపరిచిన బిగ్ బాస్ బ్యూటీ!

ఉర్ఫీ జావేద్ గురించి పెద్దగా పరిచయం అవసరం లేదు. వింత వింత డ్రెస్సులకు ఆమె పెట్టింది పేరుగా చెప్పుకోవచ్చు. ఆమె చేసుకునే డ్రెస్సులు చూసి నెటిజన్స్ తలలు బాదుకుంటారు. ఎవరు ఏమన్నా తన పని తాను చేసుకుంటూ వెళ్తుంది. తనకు నచ్చిన డ్రెస్సింగ్ తో అందరినీ ఆశ్చర్యపరుస్తుంది.

మరో వింత డ్రెస్ తో దర్శనం ఇచ్చిన ఉర్ఫీ

తాజాగా ఉర్ఫీ  జావేద్ వేసుకున్న నీలం రంగు డ్రెస్ అందరినీ ఆశ్చర్యపరిచింది. తల నుంచి కాళ్ల వరకు నిండుగా డెనిమ్ గౌను వేసుకుని కనిపించింది. నీలిరంగు డ్రెస్సుకు తోడు ఉర్ఫీ జావేద్ బ్రైట్ రెడ్ బ్లాక్ హీల్స్ ధరించింది. గౌనుకు తోడు చేతులకు  స్లీవ్‌లు వేసుకుంది. ఈ ఫోటోలు, వీడియోలను సోషల్ మీడియాలో షేర్ చేసింది. ఎప్పటిలాగే వింత డ్రెస్స్ తో మళ్లీ తెగ వైరల్ అవుతోంది. ఆమె ఫోటోలు, వీడియోలు నెట్టింట్లో హల్ చల్ చేస్తున్నాయి. ఆమె ఫోటోలను చూసిన నెటిజన్లు కొందరు పాజిటివ్ గా స్పందిస్తుండగా, మరికొంత మంది నెగెటివ్ కామెంట్స్ చేస్తున్నారు. ఉర్ఫీని చూస్తుంటే క్రిష్ సినిమాలో జాదు మాదిరిగా ఉందంటూ ట్రోల్ చేస్తున్నారు. మరికొంత మంది ఏలియన్ లా ఉందని పోస్టులు పెడుతున్నారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by BollywoodMDB (@bollywoodmdb.official)

బిగ్ బాస్ షోతో బాగా పాపులర్ అయిన ఉర్ఫీ

ఓటీటీ బిగ్ బాస్ షో ద్వారా బాగా పాపులర్ అయ్యింది ఉర్ఫీ జావేద్. షో నుంచి ఎలిమినేట్ అయిన తొలి BB OTT కంటెస్టెంట్ ఆమె. హౌస్ నుంచి బయటకు వచ్చిన తర్వాత పలు వివాదాలతో బాగా ఫేమస్ అయ్యింది. ముఖ్యంగా ఆమె వేసుకునే డ్రెస్సులు.. ఉఫ్.. ఉర్ఫీ.. ఇవేం డ్రెస్సులు అనిపించేలా ఉంటాయి. ఆమె వెరైటీ దుస్తుల వల్లే నిత్యం సోషల్ మీడియాలో హల్ చల్ చేస్తోంది. అటు బిగ్ బాస్ OTT షో తర్వాత ఉర్ఫీ పలు టీవీ షోలలో నటించింది. ‘బడే భయ్యా కి దుల్హనియా’లో అవనీ పాత్రను పోషించి బాగా పేరు సంపాదించింది. ALT బాలాజీలో ప్రసారమైన ‘మేరీ దుర్గా’లో ఆర్తిగా, ‘బేపన్నా’లో బెల్లాగా,  ‘పంచ్ బీట్’ సీజన్ 2లో మీరాగా కనిపించింది.

2016 నుండి 2017 వరకు, ఉర్ఫీ స్టార్ ప్లస్ ‘చంద్ర నందిని’లో ఛాయా పాత్రను పోషించింది. 2018లో SAB TV  ‘సాత్ ఫేరో కి హెరా ఫెరీ’లో కామినీ జోషి పాత్రను పోషించింది. 2020లో ఉర్ఫీ జావేద్ ‘యే రిష్తా క్యా కెహ్లతా హై’లో శివాని భాటియాగా చేసింది. ఆ తర్వాత ‘కసౌతి జిందగీ కే’లో తనీషా చక్రవర్తి పాత్ర పోషించింది. ఉర్ఫీ జావేద్ అక్టోబర్ 15, 1997న లక్నోలో జన్మించింది. ఆమెకు అస్ఫీ జావేద్ అనే సోదరి ఉంది. ఆమె లక్నోలోని అమిటీ యూనివర్సిటీ నుంచి మాస్ కమ్యూనికేషన్‌ లో పట్టా అందుకుంది. ఉర్ఫీ జావేద్‌ వెరైటీ డ్రెస్సులతోనే బాగా పాపులర్ అయ్యింది. ఆమె వేసుకునే వింత వింత డ్రెస్సులు నెట్టింట్లో తెగ ట్రోల్ కు గురవుతాయి.

Read Also: డబ్బులిచ్చి నన్ను తిట్టిస్తున్నారు, అది విజయ్ మనిషి పనే: అనసూయ