థియేటర్లు, ఓటీటీల్లో ఈ వారం సందడి చేసే సినిమాలు ఇవే!

ఎప్పటి లాగే ఈ వారం కూడా చాలా సినిమాలు థియేటర్లతో పాటు ఓటీటీలో విడుదలకు రెడీ అయ్యాయి. గత కొద్ది రోజులుగా చిన్న సినిమాలే ఎక్కువగా విడుదల అవుతున్నాయి. ఈ వారం కూడా చిన్న సినిమాలే థియేటర్లలో సందడి చేయనున్నాయి. ఇంతకీ జూన్ రెండో వారంలో ప్రేక్షకులను అలరించే చిత్రాలేవో ఇప్పుడు చూద్దాం..

ఈ వారం థియేటర్లలో విడుదలయ్యే మూవీస్ ఇవే

‘టక్కర్‌’- జూన్‌ 9న విడుదల

 సిద్దార్థ్ హీరోగా కార్తీక్‌ జి.క్రిష్‌ దర్శకత్వంలో తెరకెక్కిన చిత్రం ‘టక్కర్‌’. దివ్యాంశ కౌశిక్‌ హీరోయిన్ గా నటిస్తోంది.   రొమాంటిక్, యాక్షన్‌ మూవీగా ‘టక్కర్‌’ రూపొందింది. ఆశ అనేదే ఈ లోకాన్ని నడిపిస్తుంది, ఆ అనేదే మన జీవితాన్ని నిర్ణయిస్తుంది. ఆశను నెరవేర్చుకోవాలంటే డబ్బు కావాల్సిందే అనే కథాంశంతో ఈ సినిమాను రూపొందించారు. ఈ మూవీ జూన్‌ 9న తెలుగు, తమిళ భాషల్లో ఒకేసారి విడుదల కానుంది.

‘అన్‌స్టాపబుల్‌’- జూన్‌ 9న విడుదల

వి.జె. సన్నీ, సప్తగిరి హీరోలుగా డైమండ్‌ రత్నబాబు రూపొందించిన చిత్రం ‘అన్‌స్టాపబుల్‌’. రజిత్‌ రావు నిర్మాతగా వ్యవహరిస్తున్నారు. నక్షత్ర, అక్సాఖాన్‌ హీరోయిన్లుగా నటిస్తున్నారు. ఈ సినిమా చూస్తే ఒత్తిడి అనేది తగ్గిపోతుందని, రెండు గంటల పాటు అందరూ హాయిగా నవ్వుకోవచ్చని చిత్రబృందం వెల్లడించింది. అన్ని కార్యక్రమాలు పూర్తి చేసుకున్న ఈ చిత్రం జూన్ 9న విడుదల కానుంది.

‘విమానం’- జూన్‌ 9న విడుదల

సముద్రఖని, మాస్టర్‌ ధ్రువన్‌, మీరా జాస్మిన్‌, అనసూయ, రాహుల్‌రామకృష్ణ  కీలక పాత్రల్లో నటిస్తున్న చిత్రం ‘విమానం’. శివ ప్రసాద్‌ యానాల ఈ సినిమాకు దర్శకత్వం వహిస్తున్నారు. ఈ చిత్రాన్ని జీ స్టూడియోస్‌, కిరణ్‌ కొర్రపాటి నిర్మిస్తున్నారు. జూన్‌ 9న ప్రేక్షకుల ముందుకు రానుంది. వీరయ్య దివ్యాంగుడు అయినా కొడుకుని మాత్రం చాలా ప్రేమగా చూసుకుంటాడు. కొడుకు ఎప్పుడూ విమానం ఎక్కాలని కోరుకుంటాడు. చివరకు ఏం జరిగింది? అనేది సినిమాలో చూడాల్సిందే.

‘పోయే ఏనుగు పోయే’ - జూన్‌ 9న విడుదల

మాస్టర్‌ శశాంత్‌ ప్రధాన పాత్రలో నటించిన సినిమా ‘పోయే ఏనుగు పోయే’. కె.ఎస్‌.నాయక్‌ ఈ సినిమాకు దర్శకత్వం వహించారు. పవనమ్మాళ్‌ కేశవన్‌ నిర్మాతగా వ్యవహరిస్తున్నారు. ఏనుగు చుట్టూ తిరిగే కథతో రూపొందించిన ఈ సినిమా జూన్‌ 9న ప్రేక్షకుల ముందుకు రానుంది.  

ఓటీటీలో అలరించే సినిమాలు, వెబ్ సిరీస్ లు ఇవే!  

సోనీలివ్‌

2018- జూన్‌ 07న విడుదల

నెట్‌ఫ్లిక్స్‌

బర్రకుడ క్వీన్స్‌ (వెబ్‌సిరీస్‌) జూన్‌ 05న విడుదల

ఆర్నాల్డ్‌ (వెబ్‌సిరీస్‌) జూన్‌ 07న విడుదల

అమెజాన్‌ ప్రైమ్‌

మై ఫాల్ట్‌ (హాలీవుడ్‌) జూన్‌ 08న విడుదల

జీ5

ది ఐడల్‌ (వెబ్‌సిరీస్‌) జూన్‌ 5న విడుదల

డిస్నీ+హాట్‌స్టార్‌

అవతార్‌: ది వే ఆఫ్‌ వాటర్‌ (హాలీవుడ్) జూన్‌ 07న విడుదల

జియో సినిమా

బ్లడ్‌ డాడీ (హిందీ) జూన్‌ 09

యూపీ 65 (హిందీ సిరీస్‌) జూన్‌ 08

Read Also: బాలీవుడ్‌లో తీవ్ర విషాదం, అలనాటి మేటి నటి సులోచన లట్కర్ కన్నుమూత