Prema Entha Madhuram October 13: పోటీలో ఓడిపోయిన నీరజ్.. ముసలమ్మ కోసం వెతుకుతున్న హంతకులు!

ముసలమ్మని చంపటానికి హంతకులు గుడికి రావటంతో స్టోరీ మరింత ఇంట్రెస్టింగ్ గా ముందుకి సాగుతుంది. ఇక ఈరోజు ఎపిసోడ్ లో ఏం జరిగిందో చూద్దాం.

Image Credit: zee5

Prema Entha Madhuram, October 13, ఈరోజు ఎపిసోడ్​లో రోడ్డు మీద వెళ్తున్న పిల్లల్ని చూసి కారు ఆపి వాళ్ల దగ్గరికి వస్తారు ఆర్య వాళ్ళు. ఒకరిని ఒకరు పలకరించుకుంటారు.

అంజలి: కృష్ణాష్టమి రోజు సడన్​గా అలా మాయమైపోయారు ఏంటి?

అభయ్ : ఆరోజు అమ్మకి పని ఉంది అందుకే వెళ్ళిపోయాం.

జెండె : స్కూల్ ఎగ్గొట్టి ఇలా రోడ్డుమీద తిరుగుతున్నారు ఏమి?

అక్షయ: మేము నీ లెక్క కాదు, స్కూల్లో స్ట్రైక్ ఉందని హాలిడే ఇచ్చారు అయినా మీరు ఆఫీసు ఎగ్గొట్టి ఎక్కడికి వెళ్తున్నారు.

అంజలి: గుడికి వెళ్తున్నాం.

అక్షయ: మా అమ్మ కూడా గుడికి వెళ్ళింది , ఎందుకంటే అంటూ ఇంకా ఏదో మాట్లాడాలోపు అభయ్ ఆపేస్తాడు.

అభయ్ : వాళ్లకి లేట్ అవుతుందేమో అక్కి, వెళ్లనీ.

ఆర్య : మీరు కూడా మాతో పాటు రండి గుడికి వెళ్దాం.

అక్షయ: నేను వస్తాను.

అభయ్ మాత్రం వెళ్లడానికి ఆలోచిస్తాడు కానీ ఆర్య నచ్చ చెప్పడంతోను, అక్షయ బ్రతిమాలడం తోను గుడికి వెళ్లడానికి ఒప్పుకుంటాడు. అందరూ కలిసి గుడికి బయలుదేరుతారు. కారు గుడికి చేరుకున్న వెంటనే ముందుగా కారు దిగి పిల్లలిద్దరూ చెప్పులు విప్పడానికి వెళ్తారు. అక్కడ అభయ్ అను చెప్పులు చూస్తాడు.

అభయ్ : అమ్మ కూడా ఈ గుడికి వచ్చినట్లుగా ఉంది ఇవి అమ్మ చెప్పులు.

అక్షయ: ఇలాంటి చెప్పులు ఒక ఒక్క జతే ఉంటాయి ఏంటి చాలా ఉంటాయి. అయినా ఈరోజు అమ్మ బర్త్​ డే అని ఎందుకు చెప్పనివ్వలేదు.

అభయ్ : అదే మన పర్సనల్ సెలబ్రేషన్ అయినా ఇప్పుడు నువ్వు బర్త్ డే అని చెప్తే సార్ ఏదో ఒక గిఫ్ట్ తీసి ఇస్తారు అది అమ్మకి నచ్చదు అందుకే చెప్పనివ్వలేదు.

ఇంతలో మిగిలిన వాళ్ళు అందరూ కూడా వచ్చి చెప్పులు విప్పి అందరూ గుడి లోపలికి వెళ్తారు. అక్కడే అను ముసలమ్మకి హెల్ప్ చేస్తూ ఉంటుంది. కానీ ఒకరిని ఒకరు చూసుకోరు. గుడిలోకి వచ్చిన తర్వాత జెండే మేనేజర్ తో మాట్లాడటానికి వెళ్తాడు నీరజ్, అంజలి పిల్లలతో ప్రదక్షిణాలు చేసి వస్తాం అని వెళతారు. ఆర్య మాత్రం దేవుడికి దండం పెట్టుకుంటూ ఉంటాడు. ప్రదక్షిణం చేయటానికి వచ్చిన నీరజ్ ఒక ప్రదక్షిణం సరిపోతుంది కదా అని అంజలిని అడుగుతాడు.

అంజలి : టోటల్ 3 చేయాలి.

నీరజ్ : మూడు ప్రదక్షిణాలా..

అక్షయ: వెరీ లేజీ బాయ్.

నీరజ్ : నో, ఐ యాం వెరీ ఆక్టివ్. పోటీ పెట్టుకుందాం మనలో ప్రదక్షిణాలు ఎవరు ఫాస్టుగా చేస్తారో చూద్దాం.

నీరజ్ అలా చెప్పడంతో పిల్లలు ఇద్దరు ప్రదక్షిణ ప్రారంభిస్తారు ఆ వెనకే మీరే అంజలి కూడా ప్రదక్షిణ ప్రారంభిస్తారు. ఈ లోపు ముసలమ్మ ప్రదక్షిణలు కూడా కంప్లీట్ అయిపోతాయి. ఆమెని పక్కన కూర్చోబెట్టి ఆమె కోసం మంచి నీళ్లు తీసుకు వెళుతుంది అను.

ముసలమ్మ : థాంక్స్ అమ్మ, ఈరోజు నీవల్ల నా మొక్కు తీర్చుకోగలిగాను.

అను: దాందేముందమ్మా.. మీ మొక్కు తీర్చుకున్నారు, ఇక మీ అబ్బాయి క్షేమంగా ఇంటికి వస్తాడు..

నీరజ్ కంటే ముందుగానే ప్రదక్షిణ చేసిన పిల్లలు మేమే గెలిచాం అంటూ ఆనందంగా గంతులు వేస్తారు.

పిల్లలు: మీరు పూజ కానివ్వండి ఈలోపు మేము ఆడుకొని వస్తాం అని వెళ్ళిపోతారు.

జెండే కూడా అప్పుడే వస్తాడు. అందరూ కలిసి గర్భగుడిలోకి వెళ్తే అక్కడ పూజారి గారు గోత్రనామాలతో పూజ చేస్తారు. వాళ్ల పేరు గోత్రం మైక్ లో పంతులుగారు చదువుతుంటే విన్న అను షాక్ అవుతుంది. సార్ వచ్చినట్లున్నారు అనుకొని ముసలమ్మని కూర్చోమని చెప్పి తను గర్భగుడి దగ్గరికి వస్తుంది. అక్కడ ఆర్యను చూసి ఎమోషనల్ అవుతుంది.

అను: నాకోసమే వచ్చారా సర్, నాకు తెలుసు మీరు నన్ను ఎప్పటికీ మర్చిపోరు అని చెప్పి దూరం నుంచి ఆర్య కాళ్ళకి నమస్కరించుకుంటుంది.

ఆర్య అను త్వరగా కనబడేలా చేయమని దేవుని మొక్కుకుంటాడు. మరోవైపు గుడిలో దండాలు పెట్టుకున్న ముసలమ్మని చంపటానికి హంతకులు గుడికి వస్తారు. ఆమెని చంపేసి మీకు ఫోన్ చేస్తాను అని చెప్పి ఎవరికో ఫోన్ చేస్తారు. సీన్ కట్ చేస్తే కొందరు యువకులు బస్సు దగ్గరికి వస్తారు. ఆ దేశం నుంచి ఈ దేశానికి వస్తాం అనుకోలేదు.

చచ్చి బ్రతికినట్లు అయింది అనుకుంటారు. ఇంతలో ఆర్య కంపెనీకి చెందిన వ్యక్తి ఒకరు వచ్చి అందరూ డీటెయిల్స్ తీసుకొని మీ అందర్నీ ఆర్య సార్ ఆఫీస్ కి తీసుకువెళ్తున్నాను అక్కడ మీకు జాబ్స్ ఇచ్చిన తర్వాత అప్పుడు ఎవరింటికి వాళ్లు వెళ్లవచ్చు.

యువకులలో ఒకడు : మాకు జాబ్స్ ఇస్తారా సార్ అని ఆనందంగా అడుగుతాడు.

ఆర్య ఉద్యోగి : అవును ఆడియో సర్ అని ఒక పెద్ద బిజినెస్​మేన్ ఆయన మీకు సంబంధించిన బాధ్యతలు తీసుకున్నారు. ఆయన కలియుగ కర్ణుడు అని చెప్తాడు. ఆ యువకులలో ముసలమ్మ కొడుకు కూడా ఉంటాడు. అతని పేరు సూర్య.

సూర్య: కర్ణుడు కాదు సార్ మా పాలిట దేవుడు.

ఆర్య ఉద్యోగి సరే సరే అందరూ బస్సు ఎక్కండి అని చెప్పటంతో అందరూ బస్సు ఎక్కుతారు కానీ వాళ్లని ఒక వ్యక్తి ఫోటో తీస్తూ ఉంటాడు. బస్సు అక్కడినుంచి వెళ్ళిపోవటంతో ఎవరికో ఫోన్ చేస్తాడు.