Nindu Manasulu Serial Today October 1st: నిండు మనసులు: బాబు గణ ఇంతకు తెగిస్తావ్ అనుకోలేదయ్యా.. సిద్ధూ, ప్రేరణ ఫ్యాన్స్కి పండగే!
Nindu Manasulu Serial Today Episode October 1st ప్రేరణతో సంతకం పెట్టించడానికి గణ సరోజాని వాడుకోవడం సిద్ధూ ఎంట్రీ ఇచ్చి గణకి బిత్తరపోయేలా చేయడంతో ఇవాళ్టి ఎపిసోడ్ ఆసక్తికరంగా మారింది.
Nindu Manasulu Serial Today Episode ప్రేరణ పెట్టుబడి పెడతా అన్న సరోజా ఇంటికి వెళ్తుంది. సరోజా భర్త ఖాళీ డాక్యుమెంట్స్ ఇచ్చి ప్రేరణని బెదిరిస్తాడు. ప్రేరణ ఎదురు తిరుగుతుంది. మీరు వద్దు మీ డబ్బు వద్దు అని లేచి వెళ్లిపోతుంటే ఇద్దరూ ఆపుతారు. సరోజా ప్రేరణ దగ్గరకు వెళ్లి ఇంక నువ్వు చేసేది ఏం లేదు సంతకం పెట్టు అని అంటుంది. నా ప్రాణం పోయినా సంతకం పెట్టను అని ప్రేరణ అంటుంది. రౌడీలను పిలిచి ఎలా అయినా సంతకం పెట్టించి తర్వాత ప్రేరణని చంపేయమని అంటారు.
రౌడీలు ప్రేరణ చుట్టూ ముట్టు ఫస్ట్ నాకు అంటే ఫస్ట్ నాకు కావాలి అని అనుకుంటారు. ప్రేరణ చాలా భయపడుతుంది. ఇంతలో హలో మై రౌడీ బాయ్స్ అంటూ సిద్ధూ ఎంట్రీ ఇస్తాడు. సిద్ధూని చూసి ప్రేరణ సిద్ధూ అని వెళ్లి గట్టిగా వాటేసుకుంటుంది. సిద్ధూ ప్రేరణని తీసుకొని రౌడీల దగ్గరకు వెళ్లి టచ్ చేయండిరా అని అంటాడు. ప్రేరణని ముట్టుకోవడానికి వచ్చిన రౌడీలను చితక్కొడతాడు. రౌడీలు పారిపోతారు.
ప్రేరణ సిద్ధూతో వీళ్లు చీటర్స్ నా చేత ఖాళీ బాండ్ పేపర్ల మీద సంతకం పెట్టించుకోవాలని అనుకున్నారని చెప్తుంది. వీరస్వామిని సిద్ధూ నిలదీస్తాడు. మీ వెనక ఎవరు ఉన్నారు.. ఎవరు ఇలా చేయించారని అడుగుతాడు. ఇంతలో సరోజా ఫోన్కి గణ ఫోన్ చేస్తాడు. సిద్ధూ చూసి గణ అని చెప్తాడు. సరోజకి ఫోన్ ఇచ్చి పని అయిపోయింది ఇక్కడికి రమ్మని చెప్పు అని చెప్పి పిలిపిస్తాడు. సంతకం పెట్టను అన్నావ్ కదే ఎలా పెట్టించానో చూడు అని గణ సంతోషంతో అక్కడికి వెళ్తాడు. డాక్యుమెంట్స్ ఇవ్వమని సరోజని అడుగుతాడు. నేను ఇస్తారా అంటూ సిద్ధూ ఎంట్రీ ఇస్తాడు. గణ షాక్ అయిపోతాడు. ఏరా మమల్ని ఏదో చేయడానికి ప్లాన్ చేసినట్లు ఉన్నావ్.. రేయ్ నువ్వు పోలీస్వా క్రిమినల్వారా.. ఎప్పుడూ ఇదే మైండ్ సెట్లో ఉంటావా అని సిద్ధూ అడుగుతాడు. నువ్వు నాకు ప్రతీ విషయంలో అడ్డు పడుతున్నావ్ నీకు మంచిది కాదు అని గణ అంటాడు.
సిద్ధూ గణతో ఎప్పుడో ఒక గొడవ అయింది దానికి ఇంకా కక్ష సాధిస్తున్నావ్ సరే నన్ను వదిలేయ్ ఎందుకురా పదే పదే ప్రేరణని వెంటాడుతున్నావ్ ఎందుకు టార్చర్ పెడుతున్నావ్,, ఎందుకు ఇంత పగ.. నీకు ఆ అమ్మాయికి సంబంధం ఏంటి అని గణ అడుగుతాడు. ప్రేరణ గణతో సైలెంట్గా ఉంటావ్ అడుగుతున్నారు కదా చెప్పు నీకు నాకు ఏమైనా సంబంధం ఉందా అని అడుగుతుంది. దానికి గణ అడ్డమైన వాళ్లతో అనాముఖలతో నాకు ఏం సంబంధం ఉంటుందిరా.. దానికి నాకు ఏం సంబంధం లేదు అని అంటాడు. సిద్థూ కోపంగా రేయ్ దానికి దీనికి కాదు.. తనకి.. తనకి అనాలి.. నోరు జారితే మర్యాదగా ఉండదు అని అంటాడు. ఇలాంటి నీచులతో గొడవ వద్దు వెళ్దాం పద సిద్ధూ అని ప్రేరణ అంటే ఎప్పుడూ వాడి బైక్లో తిరుగుతూ ఉంటావ్.. వీడితో కలిసి ఏదైనా వ్యాపారం చేస్తున్నావా అని గణ అంటాడు.
సిద్ధూ గణని లాగిపెట్టి కొడతాడు. ఇంకొక్క మాట తన గురించి తప్పుగా మాట్లాడితే చంపేస్తా అని అంటాడు. ప్రేరణని దగ్గరకు తీసుకొని తన కోసం ఎవరూ లేరనుకున్నావేమో నేను ఉన్నాను.. ఇంకోసారి తన జోలికి వస్తే.. అని తాటించి వెళ్తాడు. గణ బిత్తరపోతాడు. ప్రేరణ గణ ఇద్దరూ బయటకు వెళ్లి కాఫీ తాగుతారు. ఫ్లాష్ బ్యాక్లో ప్రేరణ ఆటోలో నుంచే లొకేషన్ పెట్టి ఉంటుంది. అందుకే టైంకి సిద్ధూ వస్తాడు. గణ రాక్షసుడు అని తెలిసి ఎందుకు కొట్టావ్ అంటే నిన్ను తప్పుగా అంటే తట్టుకోలేకపోయా అందుకే కొట్టా అంటాడు. అయినా వద్దు అన్న కూడా వెళ్లావ్ మొత్తం నీ వల్లే అని ప్రేరణని కోప్పడతాడు. తర్వాత ఇద్దరూ నవ్వుకొని కాఫీ తాగుతారు. ఇక నుంచి ఏ నిర్ణయం అయినా కలిసి తీసుకుందాం అని సిద్ధూ చెప్తాడు. ఇంకోసారి నీకు చెప్పకుండా వెళ్లనులే అని ప్రేరణ అంటుంది. ఇక సిద్ధూ ఇంటికి వెళ్లిన తర్వాత సిద్ధూ షర్ట్కి ఉన్న ప్రేరణ చెవి పోగుని కుమార్ చూసి ప్రశ్నిస్తాడు. దాంతో ప్రేరణ తనని హగ్ చేసుకోవడం సిద్ధూ గుర్తు చేసుకుంటాడు. దీంతో ఇవాళ్టి ఎపిసోడ్ పూర్తయిపోతుంది.
Before You Go
Bigg Boss Agnipariksha Uppal Balu | అగ్నిపరీక్షపై ఉప్పల్ బాలు సంచలన వ్యాఖ్యలు
టాప్ హెడ్ లైన్స్
ట్రెండింగ్ వార్తలు
