Lakshimi Raave Maa Intiki  Serial Today March 6th: తన బిడ్డ బతికే ఉందని తెలుసుకున్న ప్రియంవద రియాక్షన్ ఏంటి...? చంపమని ఇచ్చిన బిడ్డను నర్సు ఎవరికి అప్పగించింది...?

Lakshimi Raave Maa Intiki  Serial Today Episode March 6th: తన బిడ్డ బతికే ఉందని తెలుసుకున్న ప్రియంవద రియాక్షన్ ఏంటి...? చంపమని ఇచ్చిన బిడ్డను నర్సు ఎవరికి అప్పగించింది...?

లక్ష్మీ రావే మా ఇంటికి సీరియల్

Source : Zee5

Lakshimi Raave Maa Intiki  Serial Today Episode: డబ్బులు కోసం నర్సు పదేపదే బెదిరిస్తుండటంతో ప్రియంవద ఆమెతో కటువుగా మాట్లాడుతుంది. ఎప్పుడో 20ఏళ్ల క్రితం జరిగిన విషయం పట్టుకుని ఇప్పటికీ బెదిరిస్తున్నావని మండిపడుతుంది. డబ్బులు ఇవ్వను ఎవరికి చెప్పుకుంటావో చెప్పుకోమని అని ఫోన్ పెట్టేయడంతో నర్సుకు ఏం చేయాలో పాలుపోదు. అప్పుడే సరిగ్గా శ్రీలక్ష్మీని చూడటానికి టౌన్‌కు వచ్చిన కోటేశ్వరరావు ఆమె కంటపడతాడు. ఆమెకు వెంటనే గతం గుర్తుకువస్తుంది. 20ఏళ్ల క్రితం తాను చంటిబిడ్డను అప్పగించింది అతనికేనని గుర్తుపట్టేస్తుంది. వెంటనే అతన్ని పట్టుకునేందుకు నర్సు పరుగెత్తుకుంటూ రాగా....కోటేశ్వరరావు ఆటోలో వెళ్లిపోతాడు. చేతికి చిక్కినట్లే చిక్కి మాయమవ్వడంతో నర్సు చాలా బాధపడుతుంది.

 

పెళ్లి ఫొటోలు చూసుకుంటూ శ్రీలక్ష్మీ మురిసిపోవడాన్ని మ్యాడీ చూస్తాడు. ఈ ఫొటోలు అడ్డం పెట్టుకునే కదా నన్ను బ్లాక్‌మెయిల్ చేస్తోందని అనుకుంటాడు. వీటిని తీసుకుని కాల్చివేస్తేగానీ....శ్రీలక్ష్మీకి బుద్ధిరాదని అనుకుంటూ ఆమె చేతిలో నుంచి ఫొటోలు లాక్కుని పరుగెత్తుతాడు. శ్రీలక్ష్మీ కూడా మధుబాబు వెంటే పరుగెత్తుతుంది. ఇంట్లో అందరూ వాళ్లిద్దరూ సరదాగా ఆడుకుంటున్నారేమో అనుకుంటారు. సరిగ్గా అప్పుడే కోటేశ్వరరావు ఆ ఇంట్లో అడుగుపెట్టి...తన కూతురు ఇంత సంతోషంగా ఉందా ఈ ఇంట్లో అని అనుకుంటాడు.

మ్యాడీ చేతుల్లో ఉన్న ఫొటోలు లాక్కుని శ్రీలక్ష్మీ వాళ్ల నాన్నను కౌగిలించుకుంటుంది.  ఊరి నుంచి చాలా సామాన్లు తీసుకుని వచ్చిన కోటేశ్వరరావును సూర్యనారాయణ కూర్చోమని చెబుతాడు. ఏంటి  ఇలా వచ్చారని అడగ్గా.... హైదరాబాద్‌లో పని ఉండి వచ్చానని ఓసారి శ్రీలక్ష్మీని కూడా చూసినట్లు ఉంటుందని ఇలా వచ్చానని చెబుతాడు. శ్రీలక్ష్మీని చూడటానికి వెళ్తానంటే ఊళ్లో వాళ్లు  పిండివంటలు చేసి ఇచ్చారని చెప్పడంతో...ప్రియంవద అతన్ని హేళన చేస్తుంది. ఊళ్లో వాళ్ల దగ్గర అడుక్కుని తీసుకురావడం ఎందుకు...మీ ఇంట్లో చేసుకుని రాలేరా అని అంటుంది. ఆ మాటలకు సూర్యనారాయణకు కోపం వస్తుంది. కూతురిని గట్టిగా మందలిస్తాడు.

 

శ్రీలక్ష్మీ అంటే మా ఊరిలో అందిరి ఇంట్లో అమ్మాయేనని..అందరూ సొంత కూతురిలా చూసుకుంటారని కోటేశ్వరరావు ప్రియంవదకు చెబుతాడు. అందుకే అందరూ ఆమెకు అన్ని ఇచ్చి పంపించారని చెబుతాడు. నేను వెంటనే వెళ్లిపోతానని అనడంతో రెండురోజులు ఉండిపొమ్మని సూర్యనారాయణ చెబుతాడు. మరోసారి వచ్చినప్పుడు ఉంటానని కోటేశ్వరరావు అంటాడు. అయితే కనీసం మీ అమ్మాయితో  అయినా ప్రశాంతంగా నాలుగు మాటలు మాట్లాడి వెళ్లు అని చెప్పడంతో....తండ్రిని తీసుకుని శ్రీలక్ష్మీ లోపలికి  వెళ్తుంది.

 

ప్రియంవద ఫోన్ లిప్ట్‌ చేయకపోవడంతో నర్సు సరాసరి ఇంటికే వచ్చేస్తుంది. ఆమెను చూసి భయపడిపోయి ఇంటి ముందుకు ప్రియంవద పరుగులు పెడుతుంది.ఇక్కడికి ఎందుకు వచ్చావని నర్సును  నిలదీయగా...మీరు ఫోన్ లిప్ట్ చేయకపోతే ఏం చేయమంటారని అంటుంది. డబ్బులు లేవని చెప్పాను కదా అని ప్రియంవద మండిపడుతుంది. అయినా 20 ఏళ్ల క్రితం చేసిన పని ఇప్పుడు చెబితే మా వాళ్లు నమ్ముతారు అనుకుంటున్నావా అని అంటుంది. మీకు తెలియని నిజం ఒకటి చెబుతానని నర్సు అంటుంది. మీ బిడ్డను చంపేయమని మీరు ఇచ్చారు కానీ...నేను ఆ బిడ్డను చంపలేదని చెప్పడంతో ఆమె షాక్‌ తింటుంది. ఆ పసిబిడ్డను వేరొకరికి పెంచుకోమని ఇచ్చానని ఇప్పుడు అతను నా కంటపడ్డాడని చెప్పడంతో ప్రియంవద కాళ్ల కింద భూమి కంపిస్తుంది.

 

మరిన్ని చదవండి

'సాంప్రదాయిని సుప్పిని సుద్దపూసని' రివ్యూ: శివాజీ, లయ లేటెస్ట్ సినిమా - క్రైమ్ కామెడీ ఎలా ఉందంటే?

'మృత్యుంజయ్' రివ్యూ: శ్రీవిష్ణు థ్రిల్లర్ ఎలా ఉంది? కామెడీ కాదు, కంటెంట్‌తో హిట్ కొట్టాడా?