Lakshimi Raave Maa Intiki Serial Today January 27th: పెళ్లిచేసుకుని కొత్త ఇంట్లోకి అడుగుపెట్టిన శ్రీలక్ష్మీకి ఎదురైన అనుభవం ఏంటి..? మ్యాడీపై వాళ్ల తాత ఎందుకు చేయి చేసుకుంటాడు.
Lakshimi Raave Maa Intiki Serial Today Episode January 27th: పెళ్లిచేసుకుని కొత్త ఇంట్లోకి అడుగుపెట్టిన శ్రీలక్ష్మీకి ఎదురైన అనుభవం ఏంటి..? మ్యాడీపై వాళ్ల తాత ఎందుకు చేయి చేసుకుంటాడు.
Lakshimi Raave Maa Intiki Serial Today Episode: సూర్యనారాయణ,ఇందిర బెదిరింపులతో శ్రీలక్ష్మీని అయిష్టంగానే పెళ్లిచేసుకోవడానికి ఒప్పుకున్న మ్యాడీ...పెళ్లిపందిరిలో ఆమె మెడలో మూడుముళ్లు వేస్తాడు. తాళి కట్టడం నుంచి తలంబ్రాలు పోసుకోవడం వరకు అన్నీ తనకు ఇష్టం లేకుండానే చేస్తాడు. మ్యాడీ శ్రీలక్ష్మీని పెళ్లిచేసుకోవడం సూర్యనారాయణ కుటుంబంలో ఎవరికీ నచ్చదు. మొత్తానికి పెళ్లి పూర్తవ్వడంతో అప్పగింతల కార్యక్రమంలో అందరినీ వదిలిపెట్టి వెళ్లేందుకు శ్రీలక్ష్మీ ఏడుస్తూనే ఉంటుంది. సాధారణంగా అప్పగింతల్లో తల్లిదండ్రులు మాత్రమే బాధపడతారని...కానీ శ్రీలక్ష్మీ వెళ్లిపోతుంటే ఊరు ఊరంతా బాధపడుతోందంటేనే అర్థమవుతోందని శ్రీలక్ష్మీకి ఈ ఊరితో ఉన్న అనుబంధంమని పెద్దయ్య అంటాడు. మేం ఎంత అదృష్టవంతులమో మాకు అర్థమవుతోందని అంటాడు. శ్రీలక్ష్మీ గురించి మీరు ఎవరు బాధపడొద్దని...మీరు ఎలా చూసుున్నారో అంతకన్నా బాగా చూసుకుంటామని అంటాడు. శ్రీలక్ష్మీని మా ఇంటి కోడలుగా కాకుండా మహాలక్ష్మీగా చూసుకుంటామని హామీ ఇస్తాడు. వీలుకుదురినప్పుడల్లా మీ అందరికీ ఫోన్లు చేయిస్తానని అంటాడు. శ్రీలక్ష్మీ కంటి నుంచి ఒక్క కన్నీటిబొట్టు కూడా రాకుండా మా కుటుంబం చూసుకుంటుందని సూర్యనారాయణ చెబుతాడు. కోటేశ్వరరావు, నూకాలు చెప్పి సూర్యనారాయణ బయలుదేరతాడు. వీలుచూసుకుని సిటీకి వస్తే శ్రీలక్ష్మీని మావాళ్లందరికి పరిచయం చేస్తానని చెబుతాడు. శ్రీలక్ష్మీ ఏడూస్తూ కారు ఎక్కుతుంది. అటు మ్యాడీ కూడా కన్నీటితోనే కారు ఎక్కుతాడు. వాళ్ల అక్క జీవితం ఏమైపోతుందోనని బాధపడుతుంటాడు.
తెల్లారేసరికి సూర్యనారాయణ కుటుంబం సిటీకి చేరుకుంటుంది.అంతపెద్ద ఇంటిని ఎప్పుడూ చూడని శ్రీలక్ష్మీ తలపైకి ఎత్తి వాళ్ల బిల్డింగ్ చూస్తుంటుంది. సూర్యనారాయణ కిందకు దిగి శ్రీలక్ష్మీని రమ్మని ఆహ్వానిస్తాడు. ఇదే నీ మెట్టినిల్లు అని చెబుతాడు. యువరాణిలా పెరిగిన ఇంటి అమ్మాయిని తీసుకెళ్లి పల్లెటూరులో ఓ అనామకుడికి కట్టబెట్టి....ఈ పల్లెటూరు బైతును తీసుకొని వచ్చారని సూర్యనారాయణ పెద్దకోడలు హైమావతి అనుకుంటుంది.ఆమెతోపాటు అందరూ తలోమాట అనుకుంటుంటారు.అసలు పల్లెటూరు ముఖమే చూడకూడదని అనుకుంటే ఇప్పుడు ఏకంగా ఆ పల్లెటూరుునే తీసుకుని వచ్చి ఇంట్లో పెడుతున్నారని అనుకుంటారు. ఇంట్లో ఈ పెద్దాయని నస తట్టుకోలేకపోతుంటే ఇప్పుడు ఈయనకు తోడు ఈ పల్లెటూరిది తోడయ్యిందని చిన్నకోడలు గుసగుసలాడుతుంది. సింధూ, మ్యాడీని ఆ దేవుడే కాపాడాలని అంటుంది. మ్యాడీ కూడా కారు దిగి వచ్చి ఆమె పక్కనే నిల్చుంటాడు.గుమ్మం వరకు నడిచి వచ్చిన తర్వాత సూర్యనారాయణ వారిని ఆపుతాడు. కొత్త దంపతులకు కనీసం హారతి ఇవ్వరా అని కూతురుపై మండిపడతాడు. కానీ ఎవరూ ముందుకు కదలరు...ఇంతలోఇందిరా వెళ్లబోతుండగా...సూర్యనారాయణ ఆపుతాడు. మనఇంట్లో దీపం పెట్టడానికి వస్తున్న కోడలికి ఇంటి ఆడపడుచు హారితి ఇవ్వాలని తెలియదా అని ఆగ్రహం వ్యక్తం చేస్తాడు. ప్రియంవదను వెళ్లి హారతి తీసుకుని రమ్మని చెబుతాడు. దీంతో నేను వెళ్లనని...అది జరగని పని అని అంటుంది. నేను దీనికి హారతి ఇవ్వాలా అంటుంది. దీని మెడలో మ్యాడీ తాళి కట్టడమే ఎక్కువని...దీని ముఖానికి నేను మంగళ హారతి ఇచ్చి స్వాగతం పలకాలా అని అంటుంది.ఆ మాటలకు సూర్యనారాయణకు తీవ్రమైన కోపం వస్తుంది. శ్రీలక్ష్మీ గురించి ఇక్కొక్కమాట జారావంటే నేను ఏం చేస్తానో నాకే తెలియదని హెచ్చరిస్తాడు. నోరుమూసుకుని వెళ్లి చెప్పింది చెయ్యమని అంటాడు. వెళ్లి హారతి పట్టుకుని రా అని ఆదేశిస్తాడు.దీంతో చేసేది లేక ప్రియంవద వెళ్లి హారతి పల్లెంతో వస్తుంది. ఇద్దరికి హారతి ఇస్తుంది. హారతి ఇచ్చిన ఈ చేతులతోనే నిన్ను ఇంట్లో నుంచి బయటకు గెంటకపోతే నా పేరు ప్రియంవదే కాదని మనసులో అనుకుంటుంది.అప్పటికే కోపంతో రగిలిపోతున్న మ్యాడీ....హారతి పళ్లెంను ఎత్తికొడతాడు. దీంతో హారతి పళ్లెం ఎగిరి పక్కనపడుతుంది. దీన్ని చూసిన సూర్యనారాయణ కోపంతో రగిలిపోయి మధుసూదన్ చెంప పగులగొడతాడు.
టాప్ హెడ్ లైన్స్
ట్రెండింగ్ వార్తలు
