Kalavari Kodalu Kanaka Mahalakshmi Promo Today September 12th: కలవారి కోడలు కనక మహాలక్ష్మీ సీరియల్ ప్రోమో: కనక మహాలక్ష్మీ బ్యాగులో వసుధ గాజులు.. చారుకేశవ ప్లాన్‌తో లక్ష్మీ గడప దాటాల్సిందేనా?
Kalavari Kodalu Kanaka Mahalakshmi Promo Today కనక మహాలక్ష్మీని ఇంటి నుంచి పంపేందుకు చారుకేశవ దొంగతనం నింద లక్ష్మీ మీద మోపడంతో ఇవాళ్టి ప్రోమో ఆసక్తికరంగా మారింది.
Kalavari Kodalu Kanaka Mahalakshmi Serial Promo Today కూతురు కనక మహాలక్ష్మీకి అమెరికా సంబంధం చేయాలని కోటి రూపాయల కట్నం లక్షలు ఖర్చు చేసి ఘనంగా పెళ్లి చేస్తాడు ఆదికేశవ్. అల్లుడు విహారి మాత్రం కూతుర్ని అమెరికా తీసుకెళ్లినట్లు ఎయిర్ పోర్ట్‌లో వదిలేస్తాడు. ఈ విషయం తల్లిదండ్రలకు తెలియక కూతురు అమెరికాలో ఉందని సంతోషంగా ఉంటారు. కనక మహాలక్ష్మి విహారి తల్లిని రక్షించి విహారి ఇంట్లోనే ఉంటుంది. ఆ విషయం విహారికి తెలీదు. ఈ తరుణంలో తాజా ప్రోమో ఆసక్తికరంగా మారింది. ఇంతకీ ప్రోమోలో ఏం ఉంది అంటే..
" వసుధ భర్త చారుకేశవ అందర్ని హాల్‌లోకి పిలుస్తాడు. తమ గదిలో బంగారం పోయిందని చెప్తాడు. అందరూ షాక్ అయిపోతారు. ఈ ఇంట్లో దొంగతనం చేయాల్సిన అవసరం ఎవరికి ఉందని యమున చారుకేశవని అడుగుతుంది. దానికి అంబిక పని వాళ్లు అయినా చేసుండాలి లేదంటే మన వాళ్లు అని ఇంటికి వచ్చిన వాళ్లు అయినా అయిండాలి అని ఇన్‌ డైరెక్ట్‌గా కనక మహాలక్ష్మీని అంటుంది. కాదాంబరి చారుకేశవని లక్ష్మీ గది వెతకమని చెప్తుంది. చారు కేశవ, వసుధ ఇద్దరూ లక్ష్మీ గదికి వెళ్లి లక్ష్మీ బ్యాగ్‌లో గాజులు చూస్తారు. దీంతో ప్రోమో పూర్తయిపోతుంది."
గతంలో ఏం జరిగింది అంటే..
కనకాన్ని పెళ్లి బట్టల్లోనే ఎయిర్‌పోర్ట్‌లో విహారి వదిలేయడంతో కనకం ఇంటికి వెళ్లలేక హైదరాబాద్‌లోనే ఉండిపోవాలి అనుకుంటుంది. ఈ తరుణంలో కనకం ఒంటరిగా ఒంటి మీద చాలా బంగారంతో ఉండటం చారుకేశవ చూస్తాడు. కనకం దగ్గరకు వెళ్లి మంచిగా మాట్లాడి ఎవరూ లేని చోటుకి పంపి తర్వాత తాను వెళ్లి కనకం తల మీద కర్రతో కొట్టేసి నగలు మొత్తం దొంగిలిస్తాడు. ఇక తర్వాత కనకం రోడ్డు మీద విహారి తల్లిని కాపాడినందుకు కృతజ్ఞతగా యమున కనకాన్ని తన ఇంటికి తీసుకొస్తుంది. అది విహారి ఇళ్లని యమున విహారి తల్లి అని కనకానికి తెలీదు. ఇంట్లో కూడా కనకం, విహారి ఇప్పటి వరకు ఎదురు పడలేదు.
కనకం చారు కేశవని ఇంట్లో చూసి తాను వసుధ భర్త అని తెలుసుకొని తన నగలు కొట్టేసింది చారు కేశవే అని ఎవరికీ చెప్పదు. ఇక నిన్నటి ఎపిసోడ్‌లో చారు కేశవ కనకం గదికి వెళ్లి తాను దొంగతనం చేసిన నగల గురించి ఇంట్లో ఎవరికైనా చెప్తే చంపేస్తా అని బెదిరిస్తాడు. ఉన్నపళంగా కనకాన్ని ఇంటి నుంచి వెళ్లిపోమని చెప్తాడు. ఉదయం చూసేసరికి కనకం ఇంట్లోనే ఉండటంతో చారు కేశవ మరోసారి వెళ్లి పోమని లేదంటే చంపేస్తా అని బెదిరిస్తాడు. కనకం ఇంట్లో ఉంటే తనకు అడ్డని భావించిన చారుకేశవ దొంగతనం నింద కనకం మీద మోపి ఆమెను ఇంట్లో నుంచి గెంటేయాలని ప్లాన్ చేసి నట్లు తాజా ప్రోమో చూస్తే అర్థమవుతుంది. మరి కనకం దొంగతనం నిందతో ఇంటి నుంచి వెళ్లిపోవాల్సి వస్తుందా? ఇప్పటికైనా కనకం విహారి ఒకర్ని ఒకరు చూసుకుంటారా? కనకం గడప దాటకుండా ఆమెకు ఎవరు సాయం చేస్తారు అనేది పూర్తి ఎపిసోడ్‌లో తెలుస్తుంది.
టాప్ హెడ్ లైన్స్
ట్రెండింగ్ వార్తలు
