Jagadhatri Serial Today June 9th:వైజయంతిపై పగతీర్చుకున్న పాపారాయుడు..చెట్నిలో విషం కలిపి చెల్లికి తినిపించిన అన్నయ్య.
Jagadhatri Serial June 9th: తప్పు చేసిన చెల్లిని చంపడానికి వచ్చిన పాపారాయుడు...తాను మారిపోయానని పగలు,కక్షలు వద్దనుకుంటున్నానని అందరినీ నమ్మించి చెల్లికి విషం కలిపిన టిఫిన్ పెట్టి చంపబోతాడు.
Jagadhatri Serial Today Episode: బుల్లితెర ప్రేక్షకులను ఎంతో ఆకట్టుకుంటున్న జగధాత్రి సీరియల్ ఈరోజు మంచి ట్విస్టులతో సాగుతుంది. వైజయంతిని చంపడానికి ఇంటికి వచ్చిన పాపారాయుడిని జగధాత్రి,కేదార్ అడ్డుకున్నా వైజయంతి తన గోతిని తానే తవ్వుకుని అన్నను ఆప్యాయంగా ఇంట్లోకి తీసుకెళ్తుంది. మంచివాడిలా అందరినీ నమ్మించిన పాపారాయుడు...చెల్లికి టిఫిన్లో విషం కలిపి పెట్టడంతో ఈరోజు ఏపిసోడ్ ఆసక్తిగా మారుతుంది.
పగబట్టిన పాపారాయుడు
వైజయంతి తప్పుచేసిందని బలంగా నమ్మిన పాపారాయుడు..ఆమెను ఎలాగైనా చంపాలని పథకం వేస్తాడు. దగ్గుమందు సీసాలో విషం నింపుకుని వస్తాడు. పాపారాయుడు లోపలికి వెళ్తుండగా.....కేదార్ అతన్ని ఢీకొట్టగానే విషం ఉన్న సీసీ కిందపడిపోతుంది. సారీ మామయ్య అని కేదార్ చెప్పగా..నేను నీకు మామయ్య ఏంట్రా అని కోప్పడతాడు. కేదార్ సీసీ తీసి ఇవ్వబోగా....అతని చేతుల్లో నుంచి సీసా లాక్కుంటాడు. మీరు మారిపోతే మంచిదని...మళ్లీ ఈ ఇంట్లో ఏదైనా చేద్దామని అనుకుంటే మాత్రం ఈసారి చాలా సీరియస్గా ఉంటుందని జగధాత్రి వార్నింగ్ ఇస్తుంది. దీంతో కోపంగా పాపారాయుడు లోపలికి వెళ్లిపోతాడు.
మారిపోయానంటూ నాటకం
పాపారాయుడిని చూడగానే సుధాకర్ కోపంతో రగిలిపోతాడు. నిన్ను జైలులో పెట్టించాను కదా మళ్లీ బయటకు ఎలా వచ్చావని నిలదీస్తాడు. మీ కొడుకే బెయిల్ ఇప్పించి బయటకు తెచ్చాడని చెబుతాడు. సుధాకర్ కొడుకుపై కోప్పడగా....వైజయంతి కల్పించుకుని మా అన్నయ్య ఏదో కోపంలో నన్ను చంపబోయాడని....అంతమాత్రానా నాపై ప్రేమలేకుండా పోతుందా అని అంటుంది. దీంతో పాపారాయుడు కూడా తాను పూర్తిగా మారిపోయానని నాటకం ఆడతాడు. తన చెల్లిని క్షమించేశానని అంటాడు.పాత పగలన్నీ వదిలేశానని చెప్పడానికి వచ్చానని అంటాడు. ఇంతలో జగధాత్రి కల్పించుకుని మీరు నిజంగానే మారిపోయారా అని ప్రశ్నిస్తుంది. దీంతో వైజయంతికి కోపం వచ్చి నువ్వు మధ్యలో దూరిపోవద్దని అరుస్తుంది.నిషిక ,యువరాజు కూడా మా పాపారాయుడు మామయ్య గురించి తప్పుగా మాట్లాడితే సహించేది లేదని అంటాడు. ఏంలేదు ఇందాక పాపారాయుడు బాబాయి వచ్చేప్పుడు సీసీలో ఏదో తీసుకొచ్చారని అది చూపిస్తే మాకు ఎలాంటి అనుమానం లేదని అంటారు. దీంతో వైజయంతి జగధాత్రిపై మండిపడుతుంది. మా అన్నయ్య నీకు చూపించేది ఏంటని అరుస్తుంది.అయినా నువ్వు ఏంటి ఏం మాట్లాడకుండా ఉన్నావని మొగుడుపైనా మండిపడుతుంది. వాళ్లు నీ ప్రాణాలు కాపాడటం కోసమే అడుగుతుంటే మధ్యలో నేను ఎలా కల్పించుకుంటానని అంటాడు. వీళ్లు ఇలాగే అంటారు కానీ నువ్వు వెళ్లి నా రూమ్లో కూర్చోమని వైజయంతి అంటుంది.
వైజయంతికి విషం పెట్టిన పాపారాయుడు
అన్నకు ఎలాగైనా శ్రీవల్లి గురించి నిజం చెప్పేస్తే....తన కోపం తగ్గిపోతుందని వైజయంతి అనుకుంటుంది. టిఫిన్ తీసుకుని పాపారాయుడి దగ్గరకు వెళ్తుంది.
ఏదో కీడు శంకించిన జగధాత్రి, కేదార్...కిటికీలో నుంచి అంతా చూస్తారు.మంచినీళ్లు తీసుకురమ్మని చెప్పి పంపించి ఆ టిఫిన్లో పాపారాయుడు విషం కలిపేస్తాడు. వైజయంతి రాగానే చిన్నప్పుడు నీకు నేనే తినిపించేవాడినని చెప్పి....చెల్లికి ప్రేమగా విషం కలిపిన టిఫిన్ తినిపిస్తాడు. టిఫిన్ తిన్న వైజయంతి గొంతుపట్టుకుని కిందపడిపోతుంది.
Before You Go
Gundenininda Gudigantalu Serial August 11 | మనోజ్కు శీలా డార్లింగ్ వార్నింగ్
టాప్ హెడ్ లైన్స్
ట్రెండింగ్ వార్తలు
