Jagadhatri Serial Today June 4th:నిషిక బండారం బయటపెట్టడానికి జగధాత్రి వేసిన ఎత్తు ఏంటి..? జేడీ వార్నింగ్కు వణికిపోయిన డాక్టర్
Jagadhatri Serial Today Episode June 4th:నిషిక పదేపదే కేదార్ను అవమానిస్తుండటంతో జగధాత్రికి కోపం వస్తుంది. తన బండారం భయటపెట్టడానికి మాస్టర్ ప్లాన్ వేస్తుంది.
Jagadhatri Serial Today Episode: బుల్లితెర ప్రేక్షకులను ఎంతో ఆకట్టుకుంటున్న జగధాత్రి సీరియల్ ఈరోజు ట్విస్టులతో అదిరిపోయింది. సుధాకర్ కేదార్ను దగ్గరకు తీసుకునే సమయంలో నిషిక వచ్చి తన కడుపు పోవడానికి వీళ్లే కారణమని గుర్తుచేసి అవమానిస్తుంది. దీంతో జగధాత్రికి కోపం వస్తుంది.తప్పు వాళ్లు చేసి మనల్ని అవమానిస్తున్నారని కేదార్తో అంటుంది. ఇవాళే ఆ నిషిక బండారం బయటపెట్టాలని అందుకు నా దగ్గర ఓ ఉపాయం ఉందంటూ చెబుతుంది. ఇంతకీ ఆ ఉపాయం ఏంటో ఈరోజు ఏపిసోడ్లో చూద్దాం.
జగధాత్రికి అవమానం
కిందపడిపోబోతున్న తండ్రిని కాపాడటంతో సుధాకర్ కేదార్ను దగ్గరకు తీసుకోవాలనుకుంటాడు. అప్పుడే నిషిక తన గర్భంపోవడానికి కారణమైన మిమ్మల్ని మామయ్య ఎప్పటికీ క్షమించడని గుర్తుచేయడంతో సుధాకర్ వెనక్కి తగ్గుతాడు. నాన్నకు దగ్గరవ్వాలనే మీరే కావాలని ఈ పని చేశారంటూ యువరాజు అంటాడు. వీల్ఛైర్ మామూలుగా కూడా పట్టుకుని ఆపొచ్చని....కావాలనే కేదార్ కిందకు దూకి చేతికి దెబ్బ తగిలించుకుని ఈ పని చేశాడని అంటాడు.నాన్న దగ్గర సింపతి కొట్టేసి దగ్గరవ్వాలని చూస్తున్నారని అంటాడు. జగధాత్రి ఎంత చెప్పినా కూడా సుధాకర్ మాత్రం ఆమెను క్షమించడు. దీంతో కోపంతో జగధాత్రి అక్కడి నుంచి వెళ్లిపోతుంది. ఈ జన్మలో మామయ్య దాన్ని దగ్గరకు రానివ్వడని నిశిక సంబరపడిపోతుంది.
జగధాత్రి మాస్టర్ ప్లాన్
కేదార్ ఒంటరిగా కూర్చుని బాధపడుతుంటే జగధాత్రి అక్కడికి వచ్చి ఓదార్చుతుంది. నువ్వేమీ బాధపడొద్దని...త్వరలోనే అన్నీ సర్దుకుంటాయని అంటుంది.మామయ్య నిన్ను దగ్గరకు తీసుకునే రోజులు దగ్గరలోనే ఉన్నాయని చెబుతుంది.అందుకు నా దగ్గర ఓ మంచి ఉపాయం ఉందంటూ తన తండ్రికి ఫోన్ చేస్తుంది. నాన్న నేను చెప్పిన లొకేషన్కు నువ్వు రావా అని చెబుతుంది.దీంతో ఆయన జగధాత్రి చెప్పిన చోటకి వస్తాడు. కేదార్, జగధాత్రి కూడా అక్కడికి చేరుకుంటారు. ఏంటమ్మా ఇంత సడెన్గా ఫోన్ చేసి ఇక్కడికి రమ్మన్నావని అడుగుతాడు.
డాక్టర్కు జగధాత్రి వార్నింగ్
ఈ ఇల్లు నిషికను చూసిన డాక్టర్ ఇల్లు అని చెబుతుంది.మరి ఇక్కడికి మనం ఎందుకు వచ్చామని అడుగుతాడు. దీంతో జగధాత్రి నిషిక ఆడిన నాటకం, డాక్టర్కు డబ్బులు ఇచ్చి అబద్ధం చెప్పిన విషయం ఆ తర్వాత ఇంట్లో కావాలనే కిందపడి ఆ నింద తనపై వేసి మామయ్యను కేదార్కు దూరం చేయడం మొత్తం పూసగుచ్చినట్లు చెబుతుంది. ఆ నిషిక ఇంతపని చేసిందా అని అంటాడు.చిన్నప్పటి నుంచి దానికి ఎన్నిసార్లు చెప్పినా బుద్ధి రావడం లేదని..ఇలా నలుగురిలో పెట్టి గట్టిగా కడిగేస్తే అయినా బుద్ధి వస్తుందని అంటాడు. ఇప్పుడు నేను ఏం చేయాలో చెప్పమని అడుగుతాడు. జగధాత్రి ప్లాన్ మొత్తం తండ్రికి చెప్పి డాక్టర్ ఇంట్లోకి వెళ్లమని చెబుతుంది.
జగధాత్రి చెప్పినట్లే వాళ్ల నాన్న డాక్టర్ ఇంటి తలుపు కొడతాడు.ఆమె భయటకు వచ్చి ఎవరని అడుగుతుంది.తాను నిషిక వాళ్ల నాన్నను అని కొంచెం లోపలికి రావొచ్చా అని అంటాడు. దీంతో ఆమె లోపలికి ఆహ్వానిస్తుంది.ఎందుకు నా కూతురుకి లేని కడుపు ఉందని చెప్పావని అంటాడు. ఆ తర్వాత ఆకడుపు పోయిందని అబద్ధం చెప్పావని నిలదీస్తాడు. మీరు ఏవరిని చూసి ఎవరనుకుంటున్నారో అని డాక్టర్ బెదరిస్తుంది. ఇప్పుడు మీరు నిజం ఒప్పుకోకపోతే నేను నేరుగా పోలీసుల దగ్గరకు వెళ్తానని అప్పుడు వాళ్లే నిజం కక్కిస్తారని అంటాడు. పోలీసులంటే నాకేమైనా భయమా అని డాక్టర్ అంటుంది. అయినా పోలీసులు నీ మాటలు ఎందుకు నమ్ముతారని అనగా....నాకు ఇంకో కూతురు ఉందని జగదధాత్రిని పిలుస్తాడు.ఆమెకు ఇంకో పేరు కూడా ఉందని చెప్పగానే డాక్టర్ అదిరిపడుతుంది. జేడీ వచ్చి మర్యాదగా మీరు నిజం ఒప్పుకుని మామయ్య దగ్గరకు వచ్చి జరిగిందంతా చెప్పాలని...ఆ తర్వాత మీ క్లీనిక్ మూసివేయాలని స్ట్రాంగ్ వార్నింగ్ ఇస్తుంది.
Before You Go
Gundenininda Gudigantalu Serial August 11 | మనోజ్కు శీలా డార్లింగ్ వార్నింగ్
టాప్ హెడ్ లైన్స్
ట్రెండింగ్ వార్తలు
