Jagadhatri Serial Today April 2nd: జగద్ధాత్రి సీరియల్: కౌషికి సైట్‌లో సునీత డెడ్ బాడీ! రమేశ్, కౌషికిలను పోలీసులు అరెస్ట్ చేస్తారా!

Jagadhatri Serial Today April 2nd కౌషికి స్థలంలో సునీత డెడ్ బాడీ దొరకడం, దివ్యాంక వాళ్ల వచ్చి కౌషికిని అరెస్ట్ చేయమని చెప్పడంతో ఇవాళ్టి ఎపిసోడ్ ఆసక్తికరంగా మారింది.

జగద్ధాత్రి సీరియల్

Source : Jio Hotstar/ Star Maa.com

Jagadhatri Serial Today Episode: సునీత విషయంలో కౌషికి వెంకటేష్ వైపు ఉంటుంది. దివ్యాంకకు కౌషికి, ధాత్రి వార్నింగ్ ఇస్తాడు. నిషిక, యువరాజ్‌లు దివ్యాంకతో  ఇక్కడ వీళ్ల గురించి తెలిసి కూడా ఎందుకు వచ్చి మాటలు పడ్డావ్ అని అడుగుతారు. దానికి దివ్యాంక ఇంత పొగరు ఉన్న కౌషికిని చూస్తేనే కదా.. పొగరు దిగి ఓడిపోయి బాధ పడుతున్న కౌషికిని చూసి నేను ఆనంద పడేది.. నేను ముందు దివ్యాంకని కాదు.. ఈ సారి పక్కా ప్లాన్‌తో వచ్చా కౌషికి మీద గెలిచే తీరుతా అని అంటుంది. 

నిషిక దివ్యాంకతో వదినను తొక్కేయడానికి నీకు ఏం సాయం కావాలి అన్నా నేను చేస్తానని నిషిక అంటుంది. అవసరం అయితే అడుగుతా అని దివ్యాంక చెప్పి వెళ్లిపోతుంది. జగద్ధాత్రి, కేథార్ దూరం నుంచి ఇద్దరు మాట్లాడుకోవడం చూసి దివ్యాంక ఏదో పెద్ద ప్లానే వేసింది మనం అలర్ట్‌గా ఉండాలి అని అనుకుంటారు. కౌషికి వాళ్లు తమ వ్యవసాయ క్షేత్రంలో జరుగుతున్న పనులు దగ్గరకు వస్తుంది. అన్నీ దగ్గరుండి చూసుకుంటుంది. ఇక అనారోగ్యపాలైన వైజయంతిని కేథార్, జగద్ధాత్రి జాగ్రత్తగా చూసుకుంటారు. తోటలో తవ్వుతున్న కార్మికుల గునపానికి రక్తం అతుక్కుంటుంది. అందరూ షాక్ అయిపోతారు. కౌషికిని పిలిచి విషయం చెప్తారు. కౌషికి ఆ ప్లేస్ మొత్తం తవ్విస్తుంది. అక్కడ ఓ అమ్మాయి శవం కనిపిస్తుంది. అందరూ షాక్ అయిపోతారు. కౌషికి వెంటనే పోలీసులకు ఫోన్ చేయమని మేనేజర్‌కి చెప్తుంది. అందరూ నీడలో కూర్చొండి ఎవరూ ఎక్కడికీ వెళ్లొద్దు అని చెప్తుంది. 

కౌషికి వెంటనే తన బాబాయ్ సుధాకర్‌కి కాల్ చేసి విషయం చెప్తుంది. సుధాకర్ జగద్ధాత్రి, కేథార్‌లకు విషయం చెప్తాడు. ఇద్దరూ షాక్ అయిపోతారు. సైట్‌లో బాడీ దొరకడం ఏంటి నాన్న ఎవరు చేసుంటారు అని కేథార్ అంటే ఇంకెవరూ సైట్‌ ఓనరే అంటే వదినే అని అనుకుంటూ నిషిక ఎంట్రీ ఇస్తుంది. యువరాజ్‌ని సీఈఓని చేసుంటే ఈ ప్రాబ్లమ్ వచ్చేది కాదు అని నిషిక అంటే వీళ్లకి ఎప్పుడు ఏం మాట్లాడాలో తెలీదు.. కౌషికి ఒక్కర్తే భయపడుతూ ఉంటుంది వెళ్దాం పదండి అని సుధాకర్ జగద్ధాత్రి వాళ్లని తీసుకెళ్తాడు. నిషిక యువరాజ్ కూడా వెళ్తారు. సైట్‌లో పోలీసులు బాడీని కలెక్ట్ చేసుకొని కౌషికితో మాట్లాడుతూ ఉంటారు. జగద్ధాత్రి వాళ్లు వచ్చి మన సైట్‌లో బాడీ ఏంటి అని అంటే దానికి కౌషికి ఎవరో కాదు నిన్న మన ఇంటికి వెంకటేష్ వచ్చి చెప్పిన సునీతదే ఈ బాడీ అని కౌషికి చెప్తుంది.  దాంతో అందరూ షాక్ అయిపోతారు. 

జగద్ధాత్రి బాడీ చూసి రాత్రే ఇదంతా జరిగినట్లు ఉంది.. బాడీని పాతిన వారు కంగారులో ఏదో ఒక క్లూ వదిలేసి ఉంటారు  అని జగద్ధాత్రి అంటుంది. దాంతో సుధాకర్ ఏంటమ్మా నువ్వు పోలీస్‌లా అన్నీ అడుగుతున్నావ్ అని అంటే వాళ్ల అమ్మ బుక్స్ చదవడం వల్ల ఇలా అలవాటు అయిందని కేథార్ కవర్ చేస్తాడు. బాడీ దగ్గర సాక్ష్యాలు సేకరిస్తున్న వారి మీద జగద్ధాత్రి, కేథార్‌లకు అనుమానం వస్తుంది. చూస్తూ కూడా ఏం చేయలేకపోతున్నాం అనుకుంటారు. దాంతో కేథార్ అవసరం అవుతాయని వాళ్ల పనితీరుని ఫొటోలు తీసుకుంటాడు. మరోవైపు దివ్యాంక నిషిన, యువరాజ్‌లను పిలిచి మాట్లాడుతుంది. మా సైట్‌లో నువ్వేమైనా ప్లాన్ చేశావని తెలిస్తే నేను ఊరుకోని అని యువరాజ్ అంటాడు. నిషిక యువరాజ్‌ని పక్కకి తీసుకెళ్లి మాట్లాడుతుంది. యువరాజ్ భార్యతో ఈ బాడీ మన సైట్లో పెట్టించింది దివ్యాంకే  దీని వల్ల అక్క జైలుకి వెళ్తుంది కదా అని అంటాడు. అలా జరిగితే నీకే మంచిది కదా నువ్వు కంపెనీలను తీసుకొని సీఈఓ అవుతావు కదా అని దివ్యాంక యువరాజ్‌తో చెప్తుంది. అన్ని నీ కంట్రోల్‌లోకి వస్తే నువ్వే కౌషికి అవుతావు కదా అని అంటుంది. అక్కని ఇలా జైలుకి పంపి నేను గెలవాలి అనుకోవడం లేదు అని యువరాజ్ అంటే మీ అక్క కోసం నువ్వు కష్టపడాల్సిన అవసరం లేదు.. మా వదిన జైలుకి వెళ్లాలి నేను నీకు సాయం చేస్తా అని నిషిక దివ్యాంకతో చెప్తుంది. దివ్యాంక తన ప్లాన్‌ని యువరాజ్, నిషికలకు చెప్తుంది. 

డెడ్ బాడీ దగ్గరకు సురేష్ సునీత లవర్ రమేశ్‌ని తీసుకొస్తాడు. సునీత బాడీ చూసి రమేశ్ చాలా ఏడుస్తాడు. ఆ అమ్మాయి మీకు తెలుసా అని ఇన్‌స్పెక్టర్ అడిగితే దివ్యాంక ఎంట్రీ ఇచ్చి పోలీసులు అడుగుతున్నారు కదా చెప్పు కౌషికి అని దివ్యాంక అంటుంది. నిన్ను ఎవరు ఇక్కడికి రమ్మన్నారు అని కౌషికి అడిగితే మీడియా పర్సన్‌గా నన్ను ఎవరూ ఆపలేరు అని దివ్యాంక అంటుంది. అయితే మొదలు పెట్టాల్సింది నీతోనే అని జగద్ధాత్రి అంటుంది. జగద్ధాత్రి, కేథార్‌లు సెక్షన్‌ పేర్లు చెప్పి దివ్యాంకని వణికించేస్తారు. నిషిక సెక్షన్లు విని టీచర్లు అయిన వీళ్లకి ఇంత నాలెడ్జె ఎక్కడిది అని అనుకుంటుంది. దివ్యాంక ఇన్‌స్పెక్టర్‌తో కౌషికి, రమేశ్ ఈ నేరం చేశారు అరెస్ట్ చేయండి అని అంటుంది. అందుకు సాక్ష్యాలు కూడా ఉన్నాయి అని రమేశ్, సునీత క్లోజ్‌గా ఉన్న వీడియోలు చూపిస్తుంది. తనని వాడుకొని రమేశ్ వదిలేశాడు అని ఆ అమ్మాయి ప్రాబ్లమ్ నుంచి బయట పడేయమని రమేశ్ కౌషికిని కలిశాడు అని అందుకు కౌషికి 50 కోట్లు డిమాండ్ చేసిందని చెప్తుంది. ఈ హత్యకి కౌషికికి ఏం సంబంధం లేదని కేథార్ అంటాడు. పోలీసులు కూడా కౌషికినే హత్య చేయించిందని నమ్మేస్తారు. మా అక్క ఆ అమ్మాయిని చంపింది అని సాక్యాలు ఉన్నాయి అని కేథార్ అడిగితే ఆ బాడీతో పాటు మాకు ఈ చెవి పోగు కూడా దొరికింది అని చూపిస్తారు. అది నాదే కానీ ఈ అమ్మాయి దగ్గరకు ఎలా వచ్చిందో తెలీదు అని కౌషికి అంటుంది. వదిన గదిలో ఉండాల్సిన జుంకా బాడీ దగ్గర ఉంది అంటే అర్థం లేదా అని నిషిక అంటుంది. పోలీసులు కౌషికి, రమేశ్‌ని అరెస్ట్ చేస్తామని అంటారు. దీంతో ఇవాళ్టి ఎపిసోడ్ పూర్తయిపోతుంది.