Illu Illalu Pillalu Serial Today March 16th: ఇల్లు ఇల్లాలు పిల్లలు: తాళి తీసి విశ్వ మొహం మీద కొట్టిన అమూల్య! నిజం తెలుసుకున్న ఫ్యామిలీ!

Illu Illalu Pillalu Serial Today Episode March 16th విశ్వక్ తన మెడలో తాళి కట్టలేదు అని అమూల్య చెప్పడం అమూల్యని రామరాజు ఇంటికి తీసుకెళ్లిపోవడంతో ఇవాళ్టి ఎపిసోడ్ ఆసక్తికరంగా మారింది.

ఇల్లు ఇల్లాలు పిల్లలు సీరియల్

Source : Jio Hotstar

Illu Illalu Pillalu  Serial Today Episode విశ్వక్ వల్లీ చెప్పిన ప్లాన్ ప్రకారం వేరే అమ్మాయితో చనువుగా ఉంటూ ధీరజ్, ప్రేమ, కామాక్షిల కంట పడతాడు. తన చెల్లిని మోసం చేస్తున్నాడని ధీరజ్ విశ్వక్‌ని చితక్కొట్టి ఇంటికి తీసుకొస్తాడు. అందరి ముందు పంచాయితీ పెడతాడు. అందరితో తన చెల్లిని మోసం చేస్తూ వేరే అమ్మాయితో తిరుగుతున్నాడని చెప్తాడు. దానికి విశ్వక్‌ తిరుగున్నానురా.. ఒకమ్మాయితో కాదు వంద మందితో తిరుగుతా అని అంటాడు. 

ధీరజ్ కోపంగా నా చెల్లి జీవితం నాశనం చేస్తే ఊరుకుంటా అనుకున్నావా అని అడుగుతాడు. దానికి విశ్వక్ ఓరేయ్ పిచ్చోడా నేను నీ చెల్లిని పెళ్లి చేసుకుందే దాని జీవితం నాశనం చేయడానికి.. మీ మీద పగ తీర్చుకోవడం కోసంరా.. అని అంటాడు. విశ్వక్ అలా అనడంతో అమూల్య అన్నలు విశ్వక్ మీదకు వెళ్తారు. దాంతో విశ్వక్ ఏంట్రా మీదకు వస్తున్నారు.. మీరు ఇలా చేస్తే మీ చెల్లికి విడాకులు ఇచ్చేస్తా.. ఇప్పటి వరకు నాతో ఉన్నదాన్ని పెళ్లి చేసుకోవడానికి ఎవరూ ముందుకు రారు.. అప్పుడు మీ చెల్లి జీవితాంతం పెళ్లి పెటాకులు లేకుండా మిగిలిపోతుంది. పర్లేదు అంటే నా మీద చేయి వేయండ్రా అని విశ్వక్ అంటాడు. నా చెల్లి జీవితం నాశనం చేస్తా అంటే నిన్ను ఎలా బతకనిస్తా అనుకున్నావ్‌రా అని ధరజ్ ఆవేశంగా పెద్ద బండరాయి పట్టుకొని వచ్చి విశ్వక్ మీదకు వెళ్లబోతే అందరూ ఆపడానికి ప్రయత్నిస్తారు. రారా నీకు నిజంగా దమ్ముంటే రామరాజు కొడుకు అయితే వచ్చి చంపరా అని విశ్వక్ అంటాడు. 

ధీరజ్ ఎంతకీ ఆగకపవడంతో అమూల్య ధరీజ్‌ని ఆపి అన్నయ్యా ఆగు అన్నయ్యా వీడు అసలు నా మెడలో తాళి కట్టలేదు అన్నయ్యా అని చెప్పేస్తుంది. అందరూ షాక్ అయిపోతారు. ఏంటి అని రామరాజు అడుగుతాడు. తన ప్లాన్ వర్కౌట్ అయినందుకు శ్రీవల్లి నవ్వుకుంటుంది. అవును వీడు నా మెడలో తాళే కట్టలేదు.. వీడికి నాకు సంబంధం లేదు.. వీడు నా భర్తే కాదు.. మరి వీడు నా జీవితాన్ని అన్యాయం చేసేది ఏంటి.. వీడు ఏమైపోతే మనకేంటి.. ఎవరితో తిరిగితే మనకేంటి.. వీడిని చంపి నువ్వు జైలు పాలు అవ్వడం ఏంటి అన్నయ్యా..వదిలేయ్ అని అమూల్య అంటుంది. వీడు నీ మెడలో తాళి కట్టకపోతే నీ మెడలో తాళి ఎందుకు ఉందే అని వేదవతి అడుగుతుంది. విశ్వక్ మనసులో దీని కోసమే కథ ఇక్కడి వరకు తీసుకొచ్చా అని అనుకుంటాడు.

రామరాజు, వేదవతి అమూల్యని ఏమైందని అడుగుతారు. బామ్మ, ప్రేమ తల్లి అందరూ గొడవలకు భయపడి ఇలా పెళ్లి కాలేదు అని చెప్పొద్దు అమ్మా అని అంటారు. ఇంతలో ప్రేమ అమూల్య చెప్పింది నిజమే.. అని అంటుంది. నర్మద కూడా అమూల్యకి అసలు పెళ్లే కాలేదు అని చెప్తుంది. అందరూ షాక్ అయిపోతారు. అమూల్య తాళి వెనక ఏదో మతలబు ఉందని అర్థమవుతుంది.. ఆ విషయం మీకు తెలుసు అని అర్థమవుతుంది. ఎందుకు తన మెడలోకి తాళి వచ్చిందో చెప్పండే అని వేదవతి అడుగుతుంది. అమూల్య చెప్పు అమూల్య మీ అన్నయ్య టెన్షన్ పడుతున్నాడు.. మీ మెడలోకి ఆ తాళి ఎలా వచ్చిందో చెప్పు అని విశ్వక్ అడుగుతాడు. అమూల్య నోరు విప్పకపోవడంతో వేదవతి అమూల్యని కొడుతుంది. ఇంతలో ప్రేమ ధీరజ్ చేయి పట్టుకొని కంగారు నేనే చెప్పాను అని అంటుంది. అందరూ షాక్ అయిపోతారు. ధీరజ్ ప్రేమ చేయి విడిపించుకొని ప్రేమని కోపంగా చూస్తాడు. 

రెండు కుటుంబాల మధ్య మళ్లీ గొడవ జరుగుతుంది. ఒకర్ని ఒకరు తిట్టుకుంటారు. ప్రేమ జరిగింది చెప్పబోతే ధీరజ్ మాట్లాడొద్దని అనేస్తాడు. రామరాజు అందర్నీ ఆపేసి కూతురి దగ్గరకు వెళ్లి నీకు నిజంగా పెళ్లి అవ్వలేదు కదా అని అడుగుతాడు. అవును అని అమూల్య అంటే ఆ తాళి తీసి వాడి మొహం మీద కొట్టు అని అంటాడు. వేదవతి కూడా అలానే చేయమని అంటుంది. దాంతో అమూల్య తాళి తీసి విశ్వక్ మీదకి విసిరేస్తుంది. రామరాజు కూతుర్ని తీసుకొని ఇంట్లోకి వెళ్లిపోతాడు. ధీరజ్ షాక్‌లో ఉంటే ప్రేమ ఏడుస్తూ ఏం జరిగిందో చెప్పబోతే ధీరజ్ ఏం చెప్పొద్దు అని ఛీ కొట్టి వెళ్లిపోతాడు. ప్రేమ చాలా ఏడుస్తుంది. 

రామరాజు ఇంట్లో అందరూ బాధగా ఉంటారు. ప్రేమ ఏడుస్తూ ఉంటే నర్మద వెళ్లి ధైర్యం చెప్పి లోపలికి తీసుకొస్తుంది. వేదవతి అమూల్యతో ప్రేమ నీకు ఎందుకు అలా చెప్పిందే అని అడుగుతుంది. పెళ్లి ముందు రోజు నువ్వు వాడితో ఎందుకు వెళ్లిపోయావే అని కామాక్షి అడుగుతుంది. నేను వాడితో వెళ్లిలేదు.. వాడే నన్ను కిడ్నాప్ చేసి తీసుకెళ్లాడు అని అమూల్య చెప్తుంది. అందరూ షాక్ అయిపోతారు. తన గురించి తెలిసిపోతుందని శ్రీవల్లి కంగారు పడుతుంది. నిన్ను వాడు కిడ్నాప్ చేశాడా అని ధీరజ్ అడుగుతాడు. అవును అన్నయ్యా నన్ను కిడ్నాప్ చేసి బంధించి.. నా క్యారెక్టర్ మీద నింద వేస్తాను అని బెదిరించాడు అని మొత్తం చెప్తుంది.

అంత రాత్రి నువ్వు బయటకు ఎందుకు వెళ్లావ్ అని సాగర్ అడిగితే నర్మద శ్రీవల్లి వైపు చూస్తుంది. నువ్వే వెళ్లావా నిన్ను ఎవరైనా తీసుకెళ్లారా అని చందు అడుగుతాడు. ప్రేమే కదా అని ధీరజ్ అడుగుతాడు. నువ్వు ప్రేమ వదినని తప్పుగా అర్థం చేసుకుంటున్నావ్ అన్నయ్యా ఈ విషయం గురించి వదినకు అసలు తెలీదు.. విశ్వక్‌తో మాట్లాడటానికి నన్ను తీసుకెళ్లింది ప్రేమ వదిన కాదు.. అని అంటుంది. దీంతో ఇవాళ్టి ఎపిసోడ్ పూర్తయిపోతుంది.