Chiranjeevi Lakshmi Sowbhagyavathi Today: చిరంజీవి లక్ష్మీ సౌభాగ్యవతి సీరియల్: దేవయానికి అడ్డంగా దొరికిపోయిన జాను, వివేక్‌లు.. మిత్ర ఆశీర్వాదం తీసుకున్న సంయుక్త!
chiranjeevi lakshmi sowbhagyavathi today episode సంయుక్త లక్ష్మీలా మారి పూజలు చేసి మిత్ర కాళ్లకు దండం పెట్టడంతో అందరిలో అనుమానం వస్తుంది దీంతో ఇవాళ్టి ఎపిసోడ్ ఆసక్తికరంగా మారింది.
chiranjeevi lakshmi sowbhagyavathi serial today episode: జున్ను తన మనవడు అని తెలుసుకున్న జయదేవ్ హడావుడిగా జున్ను జున్ను అని పిలుస్తాడు. మేడమీద నుంచి జున్ను రావడంతో జున్నులో మిత్రని చూసుకుంటాడు. జున్ను వచ్చి తాతయ్య అని పిలవడంతో జున్నుని ముద్దాడి జయదేవ్ హత్తుకొని ఎమోషనల్ అయిపోతాడు. అరవింద వచ్చి ఏమైందని జున్నుని ముద్దులతో ముంచేస్తున్నారని అడుగుతుంది. దాంతో జయదేవ్ మనవడి కాబట్టి అని అంటాడు. అరవింద ప్రశ్నించడంతో అప్పుడే ఇచ్చిన లక్కీని పిలిచి ఇద్దరినీ హగ్ చేసుకుంటాడు. అరవింద రోజంతా చూసి సడెన్‌గా ఎందుకు అంత ప్రేమ పొంగిపోయిందని అడుగుతుంది. జున్ను కూడా అడుగుతాడు. జయదేవ్ ఏవేవో మాటలు చెప్పేసి వెళ్లిపోతాడు.
మరోవైపు లక్ష్మీ మనీషా చెప్పిన వీడియో గురించి ఆలోచిస్తూ ఉంటుంది. జయదేవ్ లక్ష్మీ దగ్గరకు వచ్చి ఏమైందని అడుగుతాడు. ఏం ఆలోచిస్తున్నావ్ అని అడిగితే మనీషా గురించి ఆలోచిస్తున్నానని మనీషా తనకు అనుమానం వచ్చి ప్రశ్నించిందని చెప్తుంది. దానికి జయదేవ్ మనీషా ఎంత ప్రయత్నించినా నువ్వు తన ప్రయత్నాలను తిప్పి కొడతావని చెప్తాడు.
లక్ష్మీ: అన్నింటి కన్నా బలమైన అస్త్రం తన దగ్గరుంది. అదే అత్తయ్య వల్ల వాళ్ల అమ్మ చనిపోయిందని చెప్పే ఆ వీడియో. ఆ వీడియో అడ్డుపెట్టుకొని నేనే లక్ష్మీ అని చెప్పాలని అంటుంది. ఆ వీడియో అత్తయ్య తల రాత మార్చేసే వీడియో. నందన్ కుటుంబని అల్లకల్లోలం చేసే వీడియో అది. అందుకే నేను ఇన్ని రోజులు అజ్ఞాతంలో ఉన్నది. మనీషా బెదిరింపుని మనం అంత సులభంగా తీసుకోకూడదు. ఎన్నేళ్లు అయినా ఆ వీడియోతో మనీషా అత్తయ్యని ఇబ్బంది పెట్టగలదు.
జయదేవ్: మీ అత్తయ్య కోసం నువ్వు నీ జీవితాన్నే నాశనం చేసుకున్నావ్ ఆ మనీషా దగ్గర బ్రహ్మాస్త్రం ఉండొచ్చు కానీ ఏదో ఒక రోజు తనే నీ కాళ్ల దగ్గరకు వస్తుంది. అరవింద నీ వల్లే ఆ సంకెళ్ల నుంచి బయట పడుతుంది నాకు ఆ నమ్మకం ఉంది. నువ్వు ధైర్యంగా ఉంటేనే మాకు ధైర్యంగా ఉంటుంది.
జాను వెళ్తుంటే వివేక్ జాను చేయి పట్టుకొని లాగి గదిలోకి తీసుకెళ్లి లాక్ వేస్తాడు. కాబోయే భార్యభర్తలం అని కిస్ లేదు ఏం లేదని అంటాడు. జానుతో వివేక్ రొమాంటిక్‌గా మాట్లాడుతాడు. హగ్, కిస్‌లు ఇవ్వాలని చెప్తాడు. జాను వివేక్‌కి తోసేసి వెళ్లబోతే వివేక్ జానుని దగ్గరకు తీసుకుంటాడు. ఇంతలో దేవయాని వివేక్‌ని వెతుక్కుంటూ వస్తుంది. జాను, వివేక్ ఇద్దరూ దేవయానిని గుర్తించరు. దేవయాని తలుపు తీసుకొని వివేక్ గదిలోకి వెళ్లే సరికి జాను, వివేక్‌లు కర్టెన్ చాటుగా దాక్కుంటారు. కర్టెన్ వెనకాలే ఇద్దరి కాళ్లని చూసి దేవయాని ఎవరని ప్రశ్నిస్తుంది. దగ్గరకు వెళ్లి కర్టెన్ తీస్తుంది. జాను, వివేక్‌లను చూసి షాక్ అయిపోతుంది. జాను, వివేక్ కూడా దొరికిపోయామని భయపడిపోతారు. ఇంతలో లక్కీ వచ్చి బాబాయ్, జాను టీచర్ అవుట్ అయిపోయారని ఇద్దరినీ దేవయాని నుంచి కాపాడుతుంది. బాబాయ్ నువ్వు దొంగ నేను జాను టీచర్ దాక్కుంటామని జానుని తీసుకెళ్లిపోతుంది. దేవయాని కన్ఫ్యూజన్‌లో ఉంటుంది. చిన్న పిల్లల్లా ఈ ఆటలు ఏంటని దేవయాని వివేక్‌ని తిడుతుంది. ఇక పడుకుంటానని తల్లిని పంపేస్తాడు.
వసుంధర అర్జున్ దగ్గరకు వెళ్లి అర్థరాత్రి అయినా జున్ను రాలేదని ఇంటికి తీసుకురమ్మని చెప్తుంది. ఇంతలో అర్జున్ లక్ష్మీకి కాల్ చేస్తాడు. మిత్ర అది చూస్తాడు. ఇంతలో లక్ష్మీ రాగానే సంయుక్తా గారు మీకు అర్జున్ కాల్ చేశాడని ప్రాజెక్ట్ కోసమే ఇలా చేస్తున్నాడని మిత్ర అంటాడు. ఇక మిత్ర వెళ్లిపోగానే లక్ష్మీ అర్జున్‌కి కాల్ చేస్తుంది. జున్నుని తీసుకెళ్తానని అర్జున్ అంటే పడుకున్నాడని చెప్తుంది. ఇద్దరూ కాసేపు మాట్లాడుకుంటారు.
ఉదయం లక్ష్మీ అలియాస్ సంయుక్త పద్ధతిగా చీర కట్టుకొని దేవుడికి పూజ చేస్తుంది. లక్ష్మీ పాటకు అందరూ అక్కడికి చేరుకుంటారు. ఇక జయదేవ్ సడెన్‌గా ఇలాంటి ట్విస్ట్ ఇచ్చిందేంటని అచ్చం లక్ష్మీలా కనిపిస్తే అందరూ అనుమానిస్తారని జయదేవ్, జాను, వివేక్‌లు అనుకుంటారు. ఇక సంయుక్త అరవింద దగ్గరకు వచ్చి హారతి తీసుకోమని చెప్తుంది. అచ్చం తన కోడలిలా ఉన్నావని అరవింద అంటే లక్ష్మీ తనని దీవించమని అంటుంది. తర్వాత మిత్ర దగ్గరకు వెళ్లి తనని ఆశీర్వదించమని అడుగుతుంది. దీంతో ఇవాళ్టి ఎపిసోడ్ పూర్తయిపోతుంది.
టాప్ హెడ్ లైన్స్
ట్రెండింగ్ వార్తలు
