Ammayi garu Serial Today February 10th: అమ్మాయి గారు సీరియల్: జంబలకిడి జారు మిటాయా నువ్వు ఇక జారుకో.. రూప వార్నింగ్
Ammayi garu Today Episode మందారాన్ని చంపేయాలని దీపక్, విజయాంబిక, మౌనికలు మాట్లాడుకోవడం రూప వినేసి అందరికీ వార్నింగ్ ఇవ్వడంతో ఇవాళ్టి ఎపిసోడ్ ఆసక్తికరంగా మారింది.
Ammayi garu Serial Today Episode మందారం విరూపాక్షి అమ్మగారి జీవితం కాపాడాలని రిస్క్లో పడిందని రాజు అంటాడు. దాంతో సూర్యప్రతాప్ రాజుతో మందారాన్ని కాపాడావు అన్న ఓకే ఒక్క కారణంతో నిన్ను ఇక్కడ ఉండనిచ్చా అలా అని అనవసరమైన వాళ్ల గురించి మాట్లాడితే ఊరుకోనని అరుస్తాడు.
రాజు: మందారం కోలుకుంటే ఎవరు అనవసరమైన వాళ్లో ఎవరు అవసరం అయినా వాళ్లో మీకు తెలుస్తుంది పెద్దయ్యగారు.
సూర్యప్రతాప్: చాలు ఆపు ఎవరు అవసరమో ఎవరు అనవసరమో తెలుసుకోలేనంత మూర్ఖుడిని కాదు నేను.
రాజు: మీరు చెప్పుడు మాటలకు ప్రభావితం అయ్యారు. ఆ రోజు మందారం బతికి ఉండి ఉంటే రాఘవని కాపాడేవాళ్లం. రాఘవని కాపాడి ఉండి ఉంటే మీ అందరికీ నిజం తెలిసుండేది. అయినా పర్లేదు పెద్దయ్య ఆ రోజు మందారం వల్ల కనిపించకపోయిన రాఘవ ఈ రోజు మందారంతోనే కనిపించాడు. నేను దీపక్ పెళ్లి ఆపాలి అనే కంగారులో రాఘవని వదిలేశా తొందర్లోనే రాఘవని తీసుకొచ్చి మీకు నిజాలు చెప్పిస్తా.
సూర్యప్రతాప్: రేయ్ నువ్వు బయటకు పోరా.
రూప: రాజు చెప్పిన దాంట్లో తప్పేముందు నాన్న.
సూర్యప్రతాప్: వాడికి సపోర్ట్ చేస్తే వాడితో పాటే నువ్వు బయటకు వెళ్లిపోవాల్సి వస్తుంది.
రాజు: అవసరం లేదు పెద్దయ్య మందారం మేలుకుంటే మీకే నిజాలు తెలుస్తాయి. మీ చుట్టు ఉండి మిమల్ని మోసం చేసే వారి గురించి మీకే తెలుస్తుంది.
దీపక్: ఛా మనం ఏది అయితే జరగకూడదు అనుకున్నామో అదే జరిగింది. కాకపోతే మందారం కోమాలో ఉంది నా పెళ్లి అయిపోయింది ఇవి మాత్రం మనకు జరిగిన మంచి.
విజయాంబిక: పెళ్లి అయితే అయింది కానీ మనం దేశం దాటి వెళ్లలేం కదా దీపక్. అలా అని మనం ఇక్కడే ఉంటే ఏదో ఒక రోజు మందారం మన ఇద్దరి గురించి నిజం చెప్తుంది. అప్పుడు మనల్ని ఈ లోకం దాటి పంపేస్తారు.
మౌనిక: నా జీవితం నాశనం అయిపోయింది ఇప్పుడేం చేయాలి. మీ కోడలు చనిపోయింది అంటే కదా నేను ఈ పెళ్లికి ఒప్పుకుంది. రెండో పెళ్లి అయినా సంతోషంగా ఉండాలి అనుకున్నాను. కలిసొచ్చే కాలానికి నడిసొచ్చే కొడుకు కూడా ఉన్నాడని అనుకున్నాను. కానీ ఇక్కడ సవతి పోరు తప్పడం లేదు కదా. పోనీ తాళి తీసి పోదామంటే అందరూ నన్ను అదోలా చూస్తారు.
విజయాంబిక: చూడమ్మా మందారం చనిపోయిందనే అనుకున్నాం. ఇన్నాళ్లు కోమాలో ఉన్న నా కోడలు ఇప్పుడు ఎందుకు వస్తుంది.
మౌనిక: మీ కోడలు ఉన్నది సీఎం సమక్షంలో అత్తయ్య తనని ఎలా అయినా బయటకు తీసుకొస్తారు.
విజయాంబిక: అయితే ఒక పని చేద్దాం. నువ్వు మా నుంచి విడిపోయి దూరంగా వెళ్లిపో.
మౌనిక: మనసులో ఎంతో ప్లాన్ చేసి చేసుకున్న పెళ్లి అలా ఎలా వెళ్లిపోతా. చావనైనా చస్తా కానీ వెళ్లను అత్తయ్య.
విజయాంబిక: అలా అయితే మందారాన్ని చంపేయాలి.
మౌనిక: మందారాన్ని చంపేద్దాం అత్తయ్య. ఎలాగూ కోమాలో ఉంది కదా అదే మనకు ప్లస్ పాయింట్.
రూప: ఏంటి మనం ఒకటి తలిస్తే దేవుడు మరొకటి తలిచాడని మదన పడుతున్నారా. ఏంటి అత్తయ్య మందారాన్ని ఎలా అడ్డు తొలగించుకోవాలని చూస్తున్నారా. ఏమే నంగ నాచి తింగు బుర్ర.. నీకు మందారం బతికే ఉందని నీకు ముందే చెప్పా. అయినా నువ్వు పెళ్లి చేసుకుంది ఈ సుందరాంగుడిన్ని చూసి కాదు వెనకున్న ఆస్తిని చూసి అని నాకు బాగా తెలుసు. అత్తయ్యా ఆ విషయం మీకు తొందర్లోనే అర్థమవుతుందిలే. మందారానికి హాని తలపెట్టాలని చూస్తే అస్సలు ఊరుకోను.
మౌనిక: నువ్వు మందారం గురించి ఆలోచించడంలో న్యాయం ఉంది రూప కానీ నా గురించి కూడా ఆలోచించు దీపక్ నా మెడలో తాళి కట్టాడు.
రూప: ఓసేయ్ జంబలకడి జారు మిటాయా నువ్వు ప్లాన్ చేసుకొని గొయ్యి తీసుకొని అందులోనే దూకావు నిన్ను ఎవరూ కాపాడలేరు. మందారం బతికుంది కాబట్టి నీ పెళ్లి చెల్లదు. మందారం మేలుకుంటే ఇళ్లు ఊడ్చే దానితో ఒళ్లుఊడ్చి పంపిస్తుంది.
దీపక్: రూప వింటున్నాం కదా అని ఏది పడితే అది మాట్లాడొద్దు.
రూప: హా.. అయ్యో.. భయం దీపక్ గారు. నాకు తెలుసు మందారం ఈ స్థితికి రావడానికి కారణం మీరే అని అనుమానంగా ఉంది. మీరే అని తెలిస్తే మీకు ఉంటుంది. ఏయ్ జారు మిటాయా నువ్వు ఎంత త్వరగా ఇక్కడ నుంచి జారిపోతే అంత మంచిది.
మౌనిక: అత్తయ్య మందారాన్ని చంపేస్తేనే మనకు మంచిది.
విజయాంబిక: అది అంత ఈజీ కాదు మౌనిక దాని వెనక ఉంది రాజు ఆ రాజుని చూసి ఇది ఇలా మాట్లాడుతుంది.
రూప రాజుకి కాల్ చేసి గుడి దగ్గర కలుద్దామని అంటుది. ఇంత రాత్రి ఎందుకు అంటే నాకు నిన్ను బంటినీ చూడాలని ఉంది బంటీని తీసుకొని రా అని చెప్తుంది. రూప గుడి దగ్గర వెయిట్ చేస్తూ ఏంటి స్వామి మాకు ఈ పరిస్థితి నా భర్త కొడుకుతో కలిసి ఉండే రోజు ఎప్పుడు వస్తుందని బాధ పడుతుంది. ఇంతలో రాజు, బంటీని తీసుకొని వస్తాడు. బంటీ రూపని చూసి అమ్మా అని పరుగులు తీస్తాడు. రూప కూడా కొడుకుని హగ్ చేసుకొని చాలా హ్యాపీగా ఫీలవుతుంది. ముగ్గురు మెట్ల మీద కూర్చొని మాట్లాడుకుంటారు. రూప రాజుతో ఇలా బాలేవు రాజు గడ్డం పెంచుకొని జుట్టు పెంచుకొని ఏదోలా ఉన్నావ్ అంటుంది. దాంతో బంటీ నువ్వు లేవు కదమ్మా అందుకే ఇలా ఉన్నాడని అంటుంది. రూప రేపే గెటప్ మార్చేయ్ రాజు అని అంటుంది. ఇండియాలో నెంబరు వన్ బిజినెస్ మెన్వి మళ్లీ ఇప్పుడు అలాగే కనిపించాలని అంటుంది. దీంతో ఇవాళ్టి ఎపిసోడ్ పూర్తయిపోతుంది.
Aalso Read: సత్యభామ సీరియల్: ఇంకా లేదేంటా అనుకుంటే వచ్చేసిందిగా సంధ్యకి సవతి.. అమ్మాయిలంతా ఇలాంటి వెదవలకే పడతారేంట్రా!
టాప్ హెడ్ లైన్స్
ట్రెండింగ్ వార్తలు
