బెదరగొట్టిన ‘యానిమల్’, రామ్ ‘స్కంద’.. ‘చంద్రముఖి-2’ ఎలా ఉన్నాయ్? ఇవీ ఈ రోజు టాప్ 5 సినీ విశేషాలు

‘యానిమల్’ టీజర్: నాకన్నా చెడ్డవాడు లేడు - రణ్ బీర్ ఊరమాస్ అవతార్ అదుర్స్!

బాలీవుడ్ ఆడియన్స్ తో పాటు టాలీవుడ్ ఆడియన్స్ ఎంతో ఎక్సైటింగ్ గా వెయిట్ చేస్తున్న 'యానిమల్'(Animal) టీజర్ వచ్చేసింది. 'అర్జున్ రెడ్డి' సినిమాతో సెన్సేషనల్ డైరెక్టర్ గా మారిన సందీప్ రెడ్డి వంగా మరోసారి 'యానిమల్' టీజర్ తో రచ్చ చేశాడు. అర్జున్ రెడ్డిని మించి 'యానిమల్' టీజర్ మరింత వైలెంట్ గా ఉందని చెప్పొచ్చు. అర్జున్ రెడ్డి సినిమాని హిందీలో 'కబీర్ సింగ్' పేరుతో సందీప్ రెడ్డి వంగ రీమేక్ చేయగా ఆ సినిమా చూసి బాలీవుడ్ విశ్లేషకులు ఇది మోస్ట్ వయొలెంట్ ఫిలిం అని కామెంట్స్ చేశారు. ఆ కామెంట్స్ గురించి సందీప్ రెడ్డి మాట్లాడుతూ.. 'అసలు వయొలెన్స్ అంటే ఎలా ఉంటుందో నా నెక్స్ట్ సినిమాలో చూపిస్తానని' చెప్పాడు. చెప్పినట్టుగానే 'యానిమల్' టీజర్ ని వైలెన్స్ తో నింపేశాడు. (పూర్తి వివరాల కోసం ఇక్కడ క్లిక్ చేయండి)

'స్కంద' రివ్యూ : యాక్షన్ విధ్వంసం - రామ్, బోయపాటి సినిమా ఎలా ఉందంటే?

'అఖండ' బ్లాక్ బస్టర్ తర్వాత బోయపాటి శ్రీను దర్శకత్వం వహించిన సినిమా 'స్కంద' (Skanda Movie). రామ్ పోతినేని, శ్రీ లీల జంటగా నటించారు. తెలుగుతో పాటు హిందీ, తమిళ, కన్నడ, మలయాళ భాషల్లో విడుదల చేశారు. ట్రైలర్లలో యాక్షన్ & ఫ్యామిలీ ఎమోషన్స్ కనిపించాయి. మరి, సినిమా (Skanda Review) ఎలా ఉంది? (పూర్తి వివరాల కోసం ఇక్కడ క్లిక్ చేయండి)

'స్కంద'కి సీక్వెల్ - థియేటర్స్‌లో సర్ప్రైజ్ చేసిన బోయపాటి, పండగ చేసుకుంటున్న ఫ్యాన్స్!

మాస్ డైరెక్టర్ బోయపాటి శ్రీను - ఉస్తాద్ రామ్ కలయికలో రూపొందిన 'స్కంద'(Skanda) మూవీ గురువారం (సెప్టెంబర్ 28) ప్రపంచవ్యాప్తంగా తెలుగు, హిందీ, తమిళ, కన్నడ, మలయాళ భాషల్లో విడుదలైన విషయం తెలిసిందే. ఆడియన్స్ నుంచి ఈ సినిమాకి మిశ్రమ స్పందన లభిస్తోంది. ఆ విషయం పక్కన పెడితే, 'స్కంద' కి సీక్వెల్ కూడా రాబోతుందట. ఇదే విషయాన్ని బోయపాటి మూవీ క్లైమాక్స్ లో సీక్వెల్ గురించి హింట్ ఇవ్వడం ఇప్పుడు సర్వత్ర ఆసక్తికరంగా మారింది. ఎవరూ ఊహించని విధంగా 'స్కంద' క్లైమాక్స్ లో సీక్వెల్ పై అదిరిపోయే అప్డేట్ ఇచ్చి ఫ్యాన్స్ ని సర్ప్రైజ్ చేశారు బోయపాటి శ్రీను. (పూర్తి వివరాల కోసం ఇక్కడ క్లిక్ చేయండి)

ఓరి వీరి వేషాలో, చూస్తుంటునే డోకు వస్తోందిగా

బిగ్ బాస్ సీజన్ 7 అప్‌కమింగ్ ఎపిసోడ్‌కు సంబంధించిన ప్రోమో తాజాగా విడుదలయ్యింది. ఈ ప్రోమోలో చూపించిన విధంగా బిగ్ బాస్ హౌజ్‌లో ఒక గాలా ఈవెంట్ జరగనుంది. గాలా ఈవెంట్ అంటే కంటెస్టెంట్స్ అంతా డిఫరెంట్‌గా గెటప్స్ వేసుకొని ర్యాంప్ వాక్ చేయాలి. ఏ కంటెస్టెంట్ అయితే అందరికంటే ఎక్కువ డిఫరెంట్‌గా గెటప్ వేసుకుంటారో.. వారే నాలుగో పవర్ అస్త్రా కోసం పోటీపడే మూడో కంటెండర్ అవుతారని బిగ్ బాస్ స్పష్టం చేశారు. దీంతో కంటెస్టెంట్స్ అంతా చిత్రవిచిత్రమైన గెటప్స్‌లో ఆడియన్స్‌ను ఎంటర్‌టైన్ చేయడానికి మాత్రమే కాదు.. భయపెట్టడానికి కూడా రెడీ అయ్యారు. ఈ టాస్క్ కోసం వారిలోనే క్రియేటివిటీని బయటికి తీశారు. (పూర్తి వివరాల కోసం ఇక్కడ క్లిక్ చేయండి)

చంద్రముఖి 2 రివ్యూ: రజనీ సినిమా సీక్వెల్‌లో రాఘవ లారెన్స్ భయపెట్టాడా? నవ్వించాడా?

రాఘవ లారెన్స్ (Raghava Lawrence), పి.వాసు (P.Vasu) కాంబినేషన్‌లో తెరకెక్కిన హార్రర్ కామెడీ ‘చంద్రముఖి 2’ (Chandramukhi 2). 2004లో విడుదల అయి తమిళనాట ఇండస్ట్రీ హిట్‌గా నిలిచిన ‘చంద్రముఖి (Chandramukhi)’ సినిమాకు ఇది సీక్వెల్. మొదటి భాగంలో రజనీకాంత్ (Rajinikanth) హీరోగా నటించగా, సీక్వెల్‌లో హార్రర్ సినిమాల స్పెషలిస్ట్ రాఘవ లారెన్స్ కనిపించనున్నారు. ‘చంద్రముఖి 2’లో కంగనా రనౌత్ (Kangana Ranaut) టైటిల్ రోల్‌లో నటించారు. ఈ సినిమాపై తెలుగు, తమిళ భాషల్లో మంచి అంచనాలు నెలకొన్నాయి. మరి ఈ సినిమా ఎలా ఉంది? (పూర్తి వివరాల కోసం ఇక్కడ క్లిక్ చేయండి)