Telugu Movie Releases: ఈ వారంలో విడుదలయ్యే సినిమాలు, వెబ్ సిరీస్ లు ఇవే!

టాలీవుడ్ లో చిన్న సినిమాల జోరు కొనసాగుతోంది. ఈ వారం కూడా పలు చిన్న సినిమాలు థియేటర్లలో విడుదల కాబోతున్నాయి. వాటితో పాటు పలు వెబ్ సిరీస్ లు కూడా విడుదల కాబోతున్నాయి.

Image Credit:Theaters

టాలీవుడ్ లో సంక్రాంతి తర్వాత పెద్ద సినిమాల జోరు కాస్త తగ్గింది. విద్యార్థుల పరీక్షలు, వేసవి సెలవలు దృష్టిలో పెట్టుకొని పెద్ద సినిమాలు అన్నీ ఏప్రిల్ లో ఎంట్రీ ఇవ్వడానికి సిద్దమవుతున్నాయి. ఈ సారి సమ్మర్ లో బాక్స్ ఆఫీస్ వద్ద పెద్ద సినిమాలు క్యూ కట్టనున్నాయి. ఈ గ్యాప్ లో చిన్న సినిమాలు, వెబ్ సిరీస్ లూ రిలీజ్ కు సిద్దమవుతున్నాయి. గత వారం కూడా చిన్న సినిమాలు బానే విడుదల అయ్యాయి. ఇదే వరుసలో ఈ వారం కూడా పలు చిన్న సినిమాలు, వెబ్ సిరీస్ లు తమ అదృష్టాన్ని పరీక్షించుకోనున్నాయి. ఆ సినిమాలేంటో చూసేద్దాం రండి.

థియేటర్లో విడుదల కానున్న సినిమాలివే

‘సి.ఎస్.ఐ సనాతన్’..

టాలీవుడ్ యంగ్ హీరో ఆది సాయికుమార్ నటించిన సినిమానే ఈ ‘సి.ఎస్.ఐ సనాతన్’. ఇందులో ఆదికు జంటగా మిషా నారంగ్ నటించింది. శివశంకర్ దేవ్ దర్శకత్వంలో ఈ వెబ్ సిరీస్ రూపొందింది. హత్య కేసును చేధించే సి.ఎస్.ఐ  ఆఫీసర్ గా తెరకెక్కినట్టు ప్రచార చిత్రాలు చూస్తే తెలుస్తోంది. దీంతో ఈ సినిమా పై ఆసక్తి నెలకొంది. మార్చి 10న  ఈ సినిమా ప్రేక్షకుల ముందుకు రానుంది.

‘ట్యాక్సి’..

వసంత్ సమీర్ పిన్నమరాజు, ఆల్మాస్ మోటివాలా, సూర్య శ్రీనివాస్, సౌమ్య మీనన్ నటీనటులుగా చేసిన సినిమా ‘ట్యాక్సీ’. ఈ సినిమాకు హరిష్ సజ్జా దర్శకత్వం వహించగా హరిత సజ్జా సినిమాను నిర్మించారు. సస్పెన్స్ యాక్షన్ థ్రిల్లర్ గా ఈ మూవీ తెరకెక్కింది. ఈ చిత్రం కూడా మార్చి 10న ప్రేక్షకుల ముందుకు రానుంది.    

‘నేడే విడుదల’..

రామ్ రెడ్డి పన్నాల దర్శకత్వంలో తెరకెక్కుతోన్న సినిమా ‘నేడే విడుదల’. ఫ్యామిలీ ఎంటర్టైనర్ గా ఈ చిత్రం రూపొందించామని చెప్పారు మేకర్స్. ఆసిఫ్ ఖాన్, మౌర్యాని హీరోహీరోయిన్లుగా నటిస్తున్నారు. ఈ చిత్రం కూడా మార్చి 10న థియేటర్లలో విడుదల కానుంది. 

‘వాడు ఎవడు’..

ఈ వారం విడుదల కాబోతున్న మరో సస్పెన్స్ థ్రిల్లర్ ‘వాడు ఎవడు’. ఈ మూవీకు ఎస్ శ్రీనివాస రావు దర్శకత్వం వహిస్తున్నారు. కొన్ని యాథార్థ సంఘటనల ఆధారంగా ఈ చిత్రాన్ని తెరకెక్కించారు. ఈ మూవీ మార్చి 10న విడుదల చేయనున్నారు. 

‘65’...

ఆడమ్ డ్రైవర్, అరియానా గ్రీన్ బ్లాట్, క్లో కోల్ మన్ నటించిన హాలీవుడ్ సినిమా ‘65’. ఈ సినిమాకు స్కాట్ దర్శకత్వం వహించారు. స్పేస్ షిప్ గుర్తుపట్టని గ్రహానికి వెళ్లిన ఇద్దరు వ్యక్తులకు అక్కడ ఎలాంటి పరిస్థితులు ఎదురైయ్యాయి వంటి అంశాలతో ఈ సినిమాను తెరకెక్కించారు.     

ఈ వారంలో విడుదల అయ్యే వెబ్ సీరిస్‌లు

‘యాంగర్ టేల్స్’...

తిలక్ ప్రభల దర్శకత్వంలో రూపొందిన వెబ్ సిరీస్ ‘యాంగర్ టేల్స్’. జీవితంలో ఎన్నో ఆశలతో ఉన్న ఓ నలుగురు వ్యక్తులకు వారికి నచ్చని జీవితం ఎదురైతే వారి పడే మానసిక సంఘర్షణ ఎలా ఉంటుంది అనే అంశం పై ఈ వెబ్ సిరీస్ రూపొందింది. ఈ వెబ్ సిరీస్ మార్చి 9 నుంచి డిస్నీ+హాట్ స్టార్ లో స్ట్రీమింగ్ కానుంది.   

‘రానా నాయుడు’..

విక్టరీ వెంకటేష్, రానా తండ్రి కొడుకులుగా నటించిన వెబ్ సిరీస్ ‘రానా నాయుడు’. ఈ వెబ్ సిరీస్ పై భారీ అంచనాలే ఉన్నాయి. ‘రే డొనొవాన్’ టీవీ సిరీస్ ఆధారంగా తెలుగు నేటివిటీతో ఈ వెబ్ సిరీస్ ను రూపొందించారు. ఇప్పటికే విడుదల అయిన ప్రచార చిత్రాలు ఆకట్టుకున్నాయి. వెంకటేష్, రానా ఇద్దరికీ ఇదే తొలి వెబ్ సిరీస్. ఈ సిరీస్ మార్చి 10 నుంచి నెట్ ఫ్లిక్స్ లో స్ట్రీమింగ్ కానుంది.     

ఓటీటీ లో విడుదల కాబోతున్న మరికొన్ని చిత్రాలు

నెట్ ఫ్లిక్స్

‘రేఖ’(మలయాళం) మార్చి 10

‘ది గ్లోరి’ వెబ్ సిరీస్ 2, మార్చి 10

అమెజాన్ ప్రైమ్

హ్యాపీ ఫ్యామిలీ: కండీషన్స్ అప్లయ్ (హిందీ సిరీస్) మార్చి 10

డిస్నీ+హాట్ స్టార్

చాంగ్ కెన్ డంక్ (మూవీ) మార్చి 10

రన్ బేబీ రన్ (తమిళ/తెలుగు చిత్రం) మార్చి 10

జీ5

రామ్ యో(కన్నడ) మార్చి 10

బొమ్మై నాయగి(తమిళ్) మార్చి 10

బౌడీ క్యాంటీన్ (బంగ్లా) మార్చి 10

సోనీ లీవ్

యాక్సిడెంటల్ ఫార్మర్ అండ్ కో(తమిళ్ సిరీస్) మార్చి 10

క్రిస్టీ(మలయాళం) మార్చి 10

బ్యాడ్ ట్రిప్(తెలుగు) మార్చి 10