Peddanna Teaser: 'పెద్దన్న' కోసం రంగంలోకి దిగిన వెంకీ.. మాస్ ని ఉర్రూతలూగించే టీజర్..

రజినీకాంత్ నటించిన 'పెద్దన్న' సినిమా టీజర్ ను విక్టరీ వెంకటేష్ రిలీజ్ చేయడం విశేషం. టీజర్ ఫెంటాస్టిక్ గా ఉందని.. రజినీకాంత్ కి బెస్ట్ విషెస్ చెప్పారు వెంకటేష్.

మాస్ ని ఉర్రూతలూగించే 'పెద్దన్న' టీజర్..

తమిళ సూపర్ స్టార్ రజినీకాంత్ కి కోలీవుడ్ లోనే కాకుండా దేశవ్యాప్తంగా అభిమానులున్నారు. ఆయన సినిమాలు విడుదలవుతున్నాయంటే చాలు.. హడావిడి మాములుగా ఉండదు. ఆయన చివరిగా నటించిన సినిమా 'దర్బార్'. ప్రస్తుతం శివ దర్శకత్వంలో 'అన్నాత్తే' అనే సినిమాలో నటిస్తున్నారు. ఈ సినిమాను తెలుగులో 'పెద్దన్న' అనే టైటిల్ తో రిలీజ్ చేయబోతున్నారు. 

దీపావళి కానుకగా సినిమాను విడుదల చేయడానికి ప్లాన్ చేస్తున్నారు. దీంతో ప్రమోషన్స్ షురూ చేశారు. ఇప్పటికే ఈ సినిమా మోషన్ పోస్టర్ ని, టీజర్ ను విడుదల చేశారు. తాజాగా సినిమా తెలుగు వెర్షన్ టీజర్ ను వదిలారు. ఈ టీజర్ ను విక్టరీ వెంకటేష్ రిలీజ్ చేయడం విశేషం. టీజర్ ఫెంటాస్టిక్ గా ఉందని.. రజినీకాంత్ కి బెస్ట్ విషెస్ చెప్పారు వెంకటేష్.

ఇప్పటికే తమిళ టీజర్ ను చాలా మంది చూసేశారు. అయినప్పటికీ తెలుగులో డైలాగ్స్ అభిమానులను ఆకట్టుకుంటున్నాయి. 'పల్లెటూరోడ్ని శాంతంగానే చూసి ఉంటావ్.. కోప్పడితే చూడలేదు కదా.. ఉప్పెనరా.. వాడికి అడ్డూ లేదు.. ఒడ్డూ లేదు' అనే డైలాగ్ హైలైట్ గా నిలిచింది. టీజర్ చివర్లో రజనీకాంత్ నడుచుకుంటూ వస్తుంటే.. పక్కన లారీలు గాల్లోకి ఎగిరే షాట్ చూస్తుంటే మాస్ ఆడియన్స్ కి సినిమా ఓ రేంజ్ లో కనెక్ట్ అవుతుందనిపిస్తుంది. డి.ఇమాన్ బ్యాక్ గ్రౌండ్ స్కోర్ మరో ప్లస్ పాయింట్. 

నయనతార హీరోయిన్ గా నటిస్తోన్న ఈ సినిమాలో కుష్బు, మీనా, కీర్తి సురేష్, సూరి, ప్రకాశ్ రాజ్, జగపతి బాబు, అభిమన్యు సింగ్‌లో ప్రధాన పాత్రల్లో నటిస్తున్నారు. ఈ సినిమాను తెలుగులో ఏషియన్ సినిమాస్, డి.సురేష్ బాబు పంపిణీ చేయనున్నారు. నవంబర్ 4న ఈ సినిమా ప్రేక్షకుల ముందుకు రానుంది.

The teaser of #Peddhanna looks fantastic ! 👌👌 Best wishes to Superstar @rajinikanth garu !

▶️https://t.co/vcY5xHZ3If#PeddhannaDeepavali @directorsiva #Nayanthara @KeerthyOfficial #NarayandasNarang @SBDaggubati @AsianCinemas_ @AsianSuniel @sunpictures

— Venkatesh Daggubati (@VenkyMama) October 23, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి