Suriya - Kanguva: అసలు కాంప్రమైజ్ కాలేదు... 'కంగువ' లాంటి గొప్ప సినిమాలో నటించడం నా అదృష్టం: సూర్య

‘కంగువ’ లాంటి ప్రతిష్టాత్మక చిత్రంలో నటించడం తన అదృష్టమని తమిళ స్టార్ హీరో సూర్య తెలిపారు. తన కెరీర్ లో ఈ సినిమా స్పెషల్ గా నిలువబోతుందన్నారు.

హీరో సూర్య

Suriya About Kanguva Movie: కోలీవుడ్ స్టార్ హీరో సూర్య ప్రధాన పాత్రలో  తెరకెక్కుతున్న తాజా చిత్రం ‘కంగువా’. పీరియాడికల్‌ డ్రామాగా రూపొందుతున్న ఈ సినిమాకు శివ దర్శకత్వం వహిస్తున్నారు. సూర్య కెరియర్ లోనే అత్యంత భారీ బడ్జెట్ తో ఈ మూవీ తెరకెక్కుతోంది. ఈ మూవీ నుంచి ఇప్పటికే విడుదలైన టీజర్ కు భారీ రెస్పాన్స్ అందుకోవడంతో పాటు సినిమాపై భారీగా అంచనాలను పెంచాయి. ఈ సినిమాలో సూర్య మేకోవర్ అండ్ గెటప్ సినీ అభిమానులను  విపరీతంగా ఆకట్టుకుంది. ప్రస్తుతం ఈ మూవీ పోస్ట్ ప్రొడక్షన్ పనులు జరుపుకుంటోంది. మేకర్స్ త్వరలోనే ఈ సినిమా రిలీజ్ డేట్ అనౌన్స్ చేయనున్నారు.

‘కంగువ’లో నటించడం నా అదృష్టం- సూర్య

తాజాగా 'కంగువ’ సినిమాకు సంబంధించిన గ్లింప్స్ రిలీజ్ ఈవెంట్ ముంబైలో ఘనంగా నిర్వహించారు. ఈ వేడుకలో హీరో సూర్యతో పాటు చిత్ర బృందం పాల్గొన్నది. ఈ సందర్భంగా మాట్లాడిన సూర్య... 'కంగువ' లాంటి గొప్ప సినిమాలో నటించే అవకాశం దక్కడం అదృష్టంగా భావిస్తున్నానన్నారు. “గొప్ప సినిమాల్లో నటించే అవకాశం అదృష్టవశాత్తూ దక్కుతుంటుంది. ‘కంగువ’ విషయంలోనూ జరిగింది. ఈ సినిమా షూటింగ్ ప్రారంభించినప్పటి నుంచి రోజు రోజుకూ మూవీ మరింత బిగ్ ప్రాజెక్ట్ గా మారుతూ వచ్చింది. ప్రతి సినిమా స్క్రిప్ట్, మేకింగ్ కు మధ్య కొన్ని విషయాల్లో కాంప్రమైజ్ కావాల్సి వస్తుంది. కానీ, ‘కంగువ’ సినిమాకు ప్రతి రోజూ బెటర్ గా వర్క్ చేస్తూ వచ్చాం. ఒక కొత్త పాత్రలోకి మారిపోవడం ఎగ్జైటింగ్ గా ఉంటుంది. నటుడిగా పాతికేళ్ల అనుభవం తర్వాత ఒక సినిమాకు ఎగ్జైట్ అయి వర్క్ చేయడం అంత సులువు కాదు. ‘కంగువ’కు 150 రోజులకు పైగా చేసిన షూట్ లో ప్రతి రోజూ ఆ ఎగ్జైట్ మెంట్ ఎక్సీపిరియన్స్ చేశాం. అందుకు డైరెక్టర్ శివకు థ్యాంక్స్. కంగువ లాంటి ప్రెస్టీజియస్ ప్రాజెక్ట్ చేయాలన్న కలగన్న ప్రొడ్యూసర్ జ్ఞానవేల్ రాజాకు కృతజ్ఞతలు. ఈ సినిమాకు మాకెంతో స్పెషల్. మీ అందరికీ కంగువ నచ్చుతుందని ఆశిస్తున్నాం” అని తెలిపారు.

10 భాషల్లో తెరకెక్కుతున్న ‘కంగువ’  

‘కంగువ’ సినిమాలో బాలీవుడ్ బ్యూటీ దిశా పటానీ హీరోయిన్ గా నటిస్తుండగా, బాబీ డియోల్, జగపతిబాబు, యోగి బాబు, కోవై సరళ సహా పలువురు కీలక పాత్రలు పోషిస్తున్నారు. ఈ సినిమాను భారీ బడ్జెట్ తో స్టూడియో గ్రీన్, యూవీ క్రియేషన్స్ బ్యానర్స్ పై కేఈ జ్ఞానవేల్ రాజా, వంశీ, ప్రమోద్ నిర్మిస్తున్నారు. పది భాషల్లో తెరకెక్కుతున్న 'కంగువ' త్రీడీలోనూ ప్రేక్షకుల ముందుకు రానుంది. పలు అంతర్జాతీయ భాషల్లోనూ ఈ సినిమాను రిలీజ్ చేసేందుకు సన్నాహాలు చేస్తున్నారు.  రాక్ స్టార్ దేవిశ్రీప్రసాద్ సంగీతం అందిస్తున్నారు. 'కంగువా' మూవీ మూడు భాగాలుగా రాబోతున్నట్లు తెలుస్తోంది. అయితే, పార్ట్-1 అనుకున్న రేంజిలో సక్సెస్ సాధిస్తే మిగతా భాగాలను తెరకెక్కించే ప్లాన్ లో మూవీ యూనిట్ ఉన్నట్లు తెలుస్తోంది.  

Read: అక్కడ రాజు, ఇక్కడ బానిస- ‘ది గోట్ లైఫ్’ గురించి పృథ్వీరాజ్ సుకుమారన్ ఇంట్రెస్టింగ్ కామెంట్స్