Sonakshi Sinha: సీక్రెట్‌గా సోనాక్షి సిన్హా నిశ్చితార్థం? ఆమె ఎంగేజ్మెంట్ రింగ్ ఫోటోలు వైరల్
సోనాక్షి సిన్హాకు సీక్రెట్ నిశ్చితార్థం జరిగిందనే అనుమానాలు వస్తున్నాయి. దీనికి కారణం ఆమె ఇన్ స్టాలో పెట్టిన పోస్టే.
బాలీవుడ్ లో పెళ్లిళ్ల కాలం నడుస్తోంది. కత్రినా, అలియాల పెళ్లి తరువాత ఇప్పుడు సోనాక్షి సిన్హా వివాహం గురించి చర్చలు మొదలయ్యాయి. ఆమె ఇన్ స్టాలో చేతికి ఉంగరంతో ఉన్న ఫోటోలను పోస్టు చేసింది. ఆ ఫోటోలు చూసిన వారికి నిశ్చితార్ధం జరిగిందేమో అన్న అనుమానం రాక మానదు. ఆ ఫోటోలు ఇప్పుడు వైరల్ గా మారాయి. మరొక ఫోటోలో ఒక వ్యక్తి చేయి గట్టిగా పట్టుకుని ఉంది సోనాక్షి. కానీ ఆ వ్యక్తి ముఖం మాత్రం కనిపించడం లేదు. అంతేకాకుండా ఆ ఫోటోలకు క్యాప్షన్ గా ‘నా జీవితంలో బిగ్ డే. నా కలలు నిజమవుతున్నాయి. ఈ సంతోషం మీతో పంచుకోకుండా ఉండలేకపోతున్నాను’ అని రాసుకొచ్చింది. దీన్ని బట్టి ఆమెకు సీక్రెట్ గా నిశ్చితార్థం జరిగినట్టు తెలుస్తోంది. ఆమె పెట్టిన పోస్టుకు సోనాక్షి సిన్హా, రియా కపూర్ వంటి సెలెబ్రిటీలు స్పందించారు. కంగ్రాట్స్ చెబుతూ మెసేజ్‌లు పెట్టారు.
నిజమేనా కాదా?
సోనాక్షి సిన్హాకు పెళ్లవ్వబోతోంది అని తెలిస్తే ఆమె అభిమానులు హర్ట్ అవ్వడం ఖాయం. కానీ ఆ ఫోటోలు ఏదైనా సినిమా ప్రాంక్ లేదా ప్రమోషన్ అని అనుమానిస్తున్న వారు ఉన్నారు. కొన్ని రోజులు ఆగితే విషయం తేలిపోతుందని భావిస్తున్నారు. గతంలో సల్మాన్ ఖాన్ తో ప్రేమలో ఉందని, పెళ్లి చేసుకోబోతోందని వార్తలు వచ్చాయి. కానీ అవన్నీ పుకార్లేనని తేలింది. కాగా కొంతకాలంగా జహీర్ ఇక్బాల్ అనే వ్యక్తితో ప్రేమలో ఉందని పుకార్లు వస్తున్నాయి. దీనిపై సోనాక్షి స్పందించలేదు. కానీ జహీర్ స్పందించాడు. ‘మీరు ఏమనుకున్నా నేను పట్టించుకోను. ఆమెతో నేను ఉంటే మీకు సంతోషంగా అనిపిస్తే అలాగే ఆలోచించండి, లేకుంటే మానేయండి. నేను ఇలాంటి విషయాలు పట్టించుకోను’ అంటూ నెటిజన్లను ఉద్దేశించి అన్నాడు.
View this post on Instagram
View this post on Instagram
View this post on Instagram
టాప్ హెడ్ లైన్స్
ట్రెండింగ్ వార్తలు
