Summer Box office: వేసవిలో వినోదం - సమ్మర్‌లో సందడి చేయనున్న సినిమాలివే, మీ ఫస్ట్ ప్రయారిటీ దేనికీ?

టాలీవుడ్ ఈ వేసవిలో సినీ లవర్స్ కు ఓ రేంజిలో ఆహ్లాదాన్ని పంచబోతోంది. అద్భుతమైన చిత్రాలను సినీ అభిమానులను అలరించబోతున్నాయి. పలు భారీ బడ్జెట్ సినిమాలు సైతం విడుదలకు రెడీ అయ్యాయి. యాక్షన్, రొమాన్స్, కామెడీ డ్రామా సహా పలు రకాల చిత్రాలు ఈ వేసవిని సినీ ప్రియులకు గుర్తుండిపోయేలా చేయడానికి సిద్ధంగా ఉన్నాయి. ఇంతకీ ఆ చిత్రాలేవో ఇప్పుడు చూద్దాం..

1. రావణాసురుడు

రవితేజ, అను ఇమ్మాన్యుయేల్, ఫరియా అబ్దుల్లా, మేఘా ఆకాష్ ప్రధాన పాత్రల్లో నటిస్తున్న ఈ చిత్రం ఏప్రిల్ 7న థియేటర్లలో విడుదల కానుంది. ‘స్వామి రా రా’, ‘శాకిని ఢాకిని’ లాంటి సినిమాలో మంచి గుర్తింపు తెచ్చుకున్నసుధీర్ వర్మ ఈ చిత్రానికి దర్శకత్వం వహించారు. ఈ చిత్రంలో జయరామ్, దక్షా నాగర్కర్, పూజిత పొన్నాడ, రావు రమేష్, మురళీ శర్మ, సంపత్ రాజ్ కూడా కీలక పాత్రలు పోషిస్తున్నారు.

2. శాకుంతలం

సమంత హీరోయిన్ గా గుణ శేఖర్ తెరకెక్కించిన సినిమా ‘శాకుంతలం’.ఈ చిత్రం ఏప్రిల్ 14 న విడుదల కానుంది.  కాళిదాసు ప్రసిద్ధ రచన, అభిజ్ఞాన శాకుంతలం ఆధారంగా ఈ చిత్రాన్ని రూపొందించారు. ఈ చిత్రంలో మోహన్ బాబు, దేవ్ మోహన్, మధుబాల సహా పలువురు ప్రముఖ నటీనటులు కీలక పాత్రలు పోషిస్తున్నారు.

3. ఉగ్రం

అల్లరి నరేష్, విజయ్ కనకమేడల కాంబోలో ఈ సినిమా తెరకెక్కింది. ‘నాంది’ సినిమాతో మంచి హిట్ అందుకున్న ఈ ఫేమ్, ‘ఉగ్రం’ పేరుతో ప్రేక్షకులను అలరించనున్నారు. ఈ చిత్రం ఏప్రిల్ 14న థియేటర్‌లలో విడుదల కానుంది. నరేష్ సిన్సియర్ పోలీస్‌గా నటించగా, మర్నా అతడి భార్య పాత్రలో కనిపించనుంది.

4. విరూపాక్ష

కార్తీక్ దండు దర్శకత్వంలో రూపొందుతున్న ఈ చిత్రం  ఏప్రిల్ 21న థియేటర్లలో విడుదల కానుంది. ఇందులో సాయి ధరమ్ తేజ్,  సంయుక్త మీనన్ కీలక పాత్రలు పోషించారు. పవన్ కల్యాణ్  ప్రత్యేక పాత్రలో కనిపించనున్నారు. ‘కాంతార’ చిత్రానికి పని చేసిన అజనీష్ లోకనాథ్ ఈ చిత్రానికి సంగీతం అందించారు.

5. ఏజెంట్

అక్కినేని అఖిల్, సురేందర్ రెడ్డి కాంబోలో ఈ సినిమా తెరకెక్కింది. ఏప్రిల్ 28న ఈ సినిమా తెలుగు, హిందీ, తమిళం, కన్నడ, మలయాళం భాషలలో విడుదలకానుంది.   ఇందులో కొత్త నటి సాక్షి వైద్య హీరోయిన్ గా నటించింది.  హైదరాబాద్, ఢిల్లీ, హంగేరిలో ఈ సినిమాను షూట్ చేశారు. హిప్హాప్ తమిజా నేపథ్య సంగీతం సమకూర్చగా, రకుల్ హెరియన్ సినిమాటోగ్రఫీ చేశారు.   

6. కస్టడీ

నాగ చైతన్య, కృతి శెట్టి నటించిన తాజా సినిమా ‘కస్టడీ’.  మే 12న థియేటర్లలోకి రానుంది. వెంకట్ ప్రభు దర్శకత్వం వహించిన ఈ చిత్రం యాక్షన్ థ్రిల్లర్‌గా తెరకెక్కింది. తెలుగు,  తమిళ భాషలలో విడుదల కానుంది. అరవింద్ స్వామి, ప్రియమణి, సంపత్ రాజ్, శరత్‌కుమార్, ప్రేమి, వెన్నెల కిషోర్, ప్రేమి విశ్వనాథ్ కీలక పాత్రలు పోషించారు. ఈ చిత్రానికి సంగీత దర్శకుడు ఇళయరాజా, ఆయన కుమారుడు యువన్ శంకర్ రాజా స్వరాలు సమకుర్చారు.

7. హనుమాన్

తేజ సజ్జ ప్రధాన పాత్రలో నటించిన తాజా సినిమా ‘హనుమాన్’. ప్రశాంత్ వర్మ ఈ చిత్రానికి దర్శకత్వం వహించాడు. మే 12న తెలుగుతో పాటు హిందీ, తమిళం, మలయాళం, కన్నడ భాషల్లో విడుదల కానుంది.   

8. మీటర్

కిరణ్ అబ్బవరం తాజా మూవీ ‘మీటర్’. వేసవి సీజన్‌లో బాక్సాఫీస్ దగ్గర రవితేజ ‘రావణాసుర’ సినిమాతో పోటీ పడబోతోంది.  ఏప్రిల్ 7న థియేటర్లలోకి రాబోతోంది. కెరీర్ లో మొదటిసారిగా, కిరణ్ అబ్బవరం పోలీస్ క్యారెక్టర్ చేస్తున్నాడు.  కోలీవుడ్ నటి అతుల్య రవి ఈ చిత్రంలో కిరణ్‌కు జోడీగా నటించింది.  రమేష్ కడూరి ఈ సినిమాకు దర్శకత్వం వహించారు.

Read Also: హోటల్‌ గదిలో యువనటి ఆత్మహత్య, ప్రేమ వ్యవహారమే కారణమా?