![ABP Premium](https://cdn.abplive.com/imagebank/Premium-ad-Icon.png)
Sasivadane Movie: వాత పెట్టిన ఎదపై ఐస్ రాసినట్టు, ఆకట్టుకుంటున్న ‘డీజే పిల్లా’ లిరికల్ సాంగ్!
రక్షిత్ అట్లూరి, కోమలి ప్రసాద్ జంటగా నటించిన చిత్రం ‘శశివదనే’. తాజాగా ఈ చిత్రం నుంచి ‘డీజే పిల్లా’ అనే లిరికల్ సాంగ్ను మేకర్స్ విడుదల చేశారు. ఈ పాట ఎంతో వినసొంపుగా, మళ్లీ మళ్లీ వినేలా చేస్తోంది.
![Sasivadane Movie: వాత పెట్టిన ఎదపై ఐస్ రాసినట్టు, ఆకట్టుకుంటున్న ‘డీజే పిల్లా’ లిరికల్ సాంగ్! Sasivadane Update DJ Pilla Lyrical Song From Rakshit Atluri Komalee Prasad's movie released, Watch Sasivadane Movie: వాత పెట్టిన ఎదపై ఐస్ రాసినట్టు, ఆకట్టుకుంటున్న ‘డీజే పిల్లా’ లిరికల్ సాంగ్!](https://feeds.abplive.com/onecms/images/uploaded-images/2023/09/05/840348bd1f628d790b2c917e94f143551693892318447544_original.jpg?impolicy=abp_cdn&imwidth=1200&height=675)
ప్రేక్షకులను అలరిస్తున్న ‘డీజే పిల్లా’ లిరికల్ సాంగ్
‘పలాస’ చిత్రంతో హీరోగా మంచి గుర్తింపు తెచ్చుకున్న నటుడు రక్షిత్ అట్లూరు. ఆయన హీరోగా నటిస్తున్న తాజా చిత్రం ‘శశివదనే’. కోమలీ ప్రసాద్ ఈ చిత్రంలో హీరోయిన్ నటిస్తున్నది. సాయి మోహన్ దర్శకత్వంలో విలేజ్ బ్యాగ్రాప్ లో ఈ మూవీ రూపొందుతోంది. ఇప్పటికే ఈ సినిమా నుంచి విడుదలైన టైటిల్ సాంగ్ అందరినీ ఆకట్టుకుంటోంది. తాజాగా ఈ మూవీ నుంచి ‘డీజే పిల్లా’ అనే లిరికల్ సాంగ్ ను చిత్రబృందం విడుదల చేసింది. ఈ పాట ప్రేక్షకులను ఎంతగానో ఆకట్టుకుంటుంది. చక్కటి సంగీతం, వినసొంపైన లిరిక్స్, అద్భుతమైన సినిమాటోగ్రఫీ అందరినీ అలరిస్తోంది. పల్లెటూరి పడుచులా కోమలి ప్రసాద్ అందాల కనువిందు చేస్తుంటే, అమ్మాయిని ఇష్టపడే అబ్బాయిగా రక్షిత్ కనిపించాడు.
సోషల్ మీడియాలో వైరల్ అవుతున్న'డీజే పిల్లా'
ఇక 'డీజే పిల్లా' పాటకు కిట్టు విస్సా ప్రగడ చక్కటి సాహిత్యం అందించారు. "నా దిల్లే నీ వల్లే టూరింగు టాకీసులా మారెనే, నా కల్లో నీ బొమ్మనే షో మీద షో వేసి చూపించనే, డీజే పిల్లా ఎదలో ఇల్లా విజిలే వేసి బీటే కొట్టగా .." అంటూ సాగే ఈ పాట మళ్లీ మళ్లీ వినాలి అనిపిస్తోంది. వైషాగ్ ఈ సాంగ్ ను చక్కగా పాడారు. శరవణ వాసుదేవన్ అద్భుతమైన సంగీతంతో ఆకట్టుకున్నారు. జేడీ మాస్టర్ హుక్ స్టెప్స్ తెగ ఆకట్టుకుంటున్నాయి. ప్రస్తుతం ఈ పాట సోషల్ మీడియాలో బాగా వైరల్ అవుతోంది. ఇన్ స్టాలో రీల్స్ లో ట్రెండ్ అవుతోంది. గౌరి నాయుడు సమర్పణలో ఎ.జి.ఫిల్మ్ కంపెనీ, ఎస్.వి.ఎస్ స్టూడియోస్ బ్యానర్స్ పై అహితేజ బెల్లంకొండ, అభిలాష్ రెడ్డి ఈ సినిమాను నిర్మిస్తున్నారు. గోదావరి బ్యాక్డ్రాప్లో అందమైన ప్రేమకథగా ‘శశివదనే చిత్రాన్ని మేకర్స్ రూపొందిస్తున్నారు.
త్వరలో ‘శశివదనే’ రిలీజ్ డేట్ అనౌన్స్
ఇక లిరికల్ సాంగ్ విడుదల సందర్భంగా మాట్లాడిన చిత్ర నిర్మాతలు అహితేజ బెల్లంకొండ, అభిలాష్ రెడ్డి ఈ సినిమా గురించి కీలక విషయాలు వెల్లడించారు. 'శశివదనే' సినిమా విడుదలకు రెడీ అవుతోంది. మూవీ హార్ట్ టచింగ్ లవ్ కాన్సెప్ట్ తో రూపొందింది. మంచి లవ్ స్టోరీతో తెలుగులో సినిమా వచ్చి చాలా రోజులువుతుందని అందరూ అనుకుంటున్నారు. అలాంటి ప్రేక్షకులను ఈ సినిమా బాగా అలరిస్తుందని భావిస్తున్నాం. హీరో రక్షిత్, హీరోయిన్ కోమలి ప్రసాద్ ఈ చిత్రంలో అద్భుతంగా నటించారు. వారి పాత్రల్లో ఒదిగిపోయిన నటించారు. ఈ సినిమాకు సంబంధించిన పోస్టు ప్రొడక్షన్ పనులు జరుగుతున్నాయి. త్వరలోనే ఈ సినిమా రిలీజ్ డేట్ వెల్లడిస్తాం” అని తెలిపారు. ఇక ఈ సినిమాకు సాయికుమార్ దారా సినిమాటోగ్రఫీ అందిస్తున్నారు. గ్యారీ బి.హెచ్ ఎడిటర్ గా బాధ్యతలు నిర్వహిస్తున్నారు.
Read Also: మళ్లీ ప్రేమలో పడ్డ లలిత్ మోడీ - సుశ్మితా సేన్తో బ్రేకప్ తర్వాత ఎవరితో డేటింగ్ చేస్తున్నారో తెలుసా?
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)