Ram Charan Dhoom 4: షారుఖ్ తో రామ్ చరణ్ ‘ధూమ్ 4‘ - బాక్సాఫీస్ షేక్ కావాల్సిందే!
Ram Charan Dhoom 4: గ్లోబల్ స్టార్ రామ్ చరణ్ బాలీవుడ్ బాద్ షా షారుఖ్ తో చేతులు కలపబోతున్నట్లు తెలుస్తోంది. పాపులర్ ఫ్రాంఛైజీ `ధూమ్ 4`లో కలిసి నటించబోతున్నట్లు టాక్ నడుస్తోంది.
Ram Charan in Dhoom 4: ‘RRR’ మూవీ తర్వాత రామ్ చరణ్ గ్లోబల్ స్టార్ గా మారిపోయారు. ఆ మూవీ తర్వాత ప్రపంచ వ్యాప్తంగా మంచి క్రేజ్ సంపాదించారు. ప్రస్తుతం దర్శకుడు శంకర్ దర్శకత్వంలో ‘గేమ్ ఛేంజర్’ అనే సినిమా చేస్తున్నారు. దిల్ రాజు నిర్మిస్తున్న ఈ చిత్రం పొలిటికల్ థ్రిల్లర్ గా రూపొందుతోంది. సుమారు రూ.300 కోట్ల భారీ బడ్జెట్ తో ఈ మూవీ తెరకెక్కుతున్నట్లు టాక్ నడుస్తోంది. షూటింగ్ ఎప్పుడో మొదలైనా చాలా స్లోగా ముందుకు సాగుతోంది. ఈ సినిమా వచ్చే ఏడాది సెప్టెంబర్ లో విడుదల కాబోతోంది. రీసెంట్ గా ఈ విషయాన్ని నిర్మాత దిల్ రాజు వెల్లడించారు. ఈ మూవీ తర్వాత రామ్ చరణ్ ‘ఉప్పెన’ దర్శకుడు బుచ్చిబాబు దర్శకత్వంలో ఓ సినిమా చేయబోతున్నారు.
‘ధూమ్ 4’లో రామ్ చరణ్!
తాజాగా రామ్ చరణ్ కు సంబంధించి ఓ క్రేజీ న్యూస్ సోషల్ మీడియాలో వైరల్ అవుతోంది. గ్లోబల్ స్టార్ మరోసారి బాలీవుడ్ లోకి రీ ఎంట్రీ ఇవ్వబోతున్నట్లు తెలుస్తోంది. ‘తుఫాన్’తో హిందీ చిత్ర పరిశ్రమలోకి అడుగు పెట్టిన చెర్రీ, డిజాస్టర్ ను చవి చూశారు. ఈ సినిమా తర్వాత మళ్లీ అటువైపు చూడలేదు. రీసెంట్ గా సల్మాన్ మూవీలోని ఓ పాటలో కనిపించాడు. ఆ సినిమా కూడా అనుకున్న స్థాయిలో సక్సెస్ అందుకోలేకపోయింది. కానీ, ఇప్పుడు పాపులర్ ఫ్రాంచైజీ ‘ధూమ్ 4’లో నటించబోతున్నట్లు జోరుగా చర్చ జరుగుతోంది.
అభిషేక్ ప్లేస్ లో రామ్ చరణ్?
2013లో వచ్చి బ్లాక్ బస్టర్ హిట్ అందుకున్న`ధూమ్ 3` మూవీకి సీక్వెల్ గా ‘ధూమ్ 4’ తెరకెక్కించాలని మేకర్స్ భావిస్తున్నారట. ఇప్పటికే ఈ సినిమాకు సంబంధించిన పనులు కూడా మొదలైనట్లు తెలుస్తోంది. యశ్ రాజ్ ఫిల్మ్స్ ఇప్పటికే ‘ధూమ్’ ఫ్రాంఛైజీలో మూడు సినిమాలను నిర్మించింది. అన్ని సినిమాలు సూపర్ డూపర్ హిట్ అయ్యాయి. ఈ చిత్రల్లో బాలీవుడ్ స్టార్ హీరోలు జాన్ అబ్రహం, హృతిక్ రోషన్, అమీర్ ఖాన్ నటించారు. ఈ మూడు సినిమాల్లో పోలీస్ అధికారిగా అభిషేక్ బచ్చన్ కనిపించారు. ‘ధూమ్ 4’లో మాత్రం అభిషేక్ స్థానంలో రామ్ చరణ్ ను తీసుకోవాలని నిర్మాణ సంస్థ భావిస్తోందట. సౌత్‌లో ఆయనకు ఉన్న క్రేజ్ ను వాడుకోవాలనుకుంటోందట. ఇప్పటికే చెర్రీతో ఈ మూవీ గురించి చర్చలు కూడా మొదలు పెట్టినట్లు తెలుస్తోంది. ‘దూమ్ 3’ని తెరకెక్కించిన విజయ్‌ కృష్ణ ఆచార్య ఈ సినిమాకు కూడా దర్శకత్వం వహించబోతున్నట్లు టాక్ వినిపిస్తోంది.
‘ధూమ్ 4’ కోసం షారుఖ్ ను సంప్రదించలేదా?
వాస్తవానికి గత కొంతకాలంగా సౌత్ హీరోలు నార్త్ సినిమాల్లో, నార్త్ హీరోలు సౌత్ సినిమాల్లో కనిపిస్తున్నారు. ఈ నేపథ్యంలో షారుఖ్, రామ్ చరణ్ కలిసి యాక్షన్ సినిమాలో నటిస్తే ప్రేక్షకులకు మరింత వినోదాన్ని కలిగించే అవకాశం ఉంది. మరోవైపు ఈ సినిమా కోసం మేకర్స్ షారుఖ్ ను సంప్రదించలేదనే వార్తలు వస్తున్నాయి. త్వరలోనే ఈ ప్రాజెక్టుపై ఓ క్లారిటీ వచ్చే అవకాశం ఉంది.
టాప్ హెడ్ లైన్స్
ట్రెండింగ్ వార్తలు
