PS2 Telugu Trailer: వావ్ అనిపించే విజువల్స్, మైమరపించే మ్యూజిక్ - ‘పొన్నియిన్ సెల్వన్ 2’ ట్రైలర్ వచ్చేసింది!

Ponniyin Selvan 2 Trailer: మణిరత్నం డ్రీమ్ ప్రాజెక్ట్ ‘పొన్నియిన్ సెల్వన్’ సిరీస్‌లో రెండో భాగం ఏప్రిల్ 28వ తేదీన విడుదల కానుంది. చియాన్ విక్రమ్, కార్తీ, జయం రవి, ఐశ్వర్యా రాయ్ బచ్చన్, త్రిష, శోభిత ధూళిపాళ, శరత్ కుమార్, ప్రకాష్ రాజ్, ప్రభు, విక్రమ్ ప్రభు, జయరాం, ఐశ్వర్య లక్ష్మి, ప్రకాష్ రాజ్ ... ఇలా లెక్క లేనంత స్టార్లతో ఈ సినిమా నిండిపోయింది. ఈ సినిమా ట్రైలర్‌ను బుధవారం చెన్నైలో విడుదల చేశారు.

మొదటి భాగం ఎక్కడ ముగిసిందో రెండో భాగం సరిగ్గా అక్కడే మొదలు కానుంది. సముద్రంలో జరిగే ఫైట్‌తో ఈ ట్రైలర్ ప్రారంభించారు. వారసుడు అయిన ‘అరుల్‌మొళి వర్మన్ (జయం రవి)’ చనిపోయాడని భావించి రాజ్యాన్ని రెండు ముక్కలు చేయాలనే ఆలోచనలో ఉంటారు. చోళ రాజు అయిన ‘అరుల్‌మొళి వర్మన్’ను చంపామనుకుని పాండ్యులు ‘ఆదిత్య కరికాలుడు (విక్రమ్)’ని కూడా చంపాలని ప్లాన్ వేస్తారు. దీని తర్వాత జరిగే పర్యవసనాల నేపథ్యంలో సినిమా ఉండనుందని ఒక క్లారిటీ ఇచ్చారు.

మొదటి భాగంలో రెండో పార్ట్‌లోనే యుద్ధ సన్నివేశాలకు ఎక్కువ ప్రాధాన్యం ఇచ్చినట్లు కనిపిస్తుంది. కీలక తారాగణం అయిన చియాన్ విక్రమ్, కార్తీ, జయం రవి, ఐశ్వర్యా రాయ్ బచ్చన్, త్రిష, శోభిత ధూళిపాళ, శరత్ కుమార్, ప్రకాష్ రాజ్, ప్రభు, విక్రమ్ ప్రభు, జయరాం, ఐశ్వర్య లక్ష్మి, ప్రకాష్ రాజ్ అందరినీ ట్రైలర్‌లో చూపించారు. థీమ్ మ్యూజిక్ మొదటి భాగం తరహాలోనే ఉంది.

తమిళం మొదటి భాగం బ్లాక్‌బస్టర్ సక్సెస్ అయినప్పటికీ, మిగతా భాషల్లో ఆశించిన స్థాయి స్పందన రాలేదు. పాత్రల పేర్లే అర్థం కాలేదని, సినిమా బాగా స్లోగా ఉందని కామెంట్లు వినిపించాయి. మరి రెండో భాగానికి ఎటువంటి జాగ్రత్తలు తీసుకున్నారో చూడాలి.

‘పొన్నియిన్ సెల్వన్’ సినిమాపై ముందు నుంచీ అంచనాలు భారీగానే ఉన్నాయి. అందుకు తగ్గట్టుగానే ఈ సినిమా మొదటి భాగం భారీ వసూళ్లను సాధించింది. ప్రపంచవ్యాప్తంగా ఈ సినిమా దాదాపు 450 కోట్లకు పైగానే వసూళ్లు సాధించి రికార్డు సృష్టించింది. అంతే కాదు కేవలం ఒక్క తమిళ్ లోనే 200 కోట్లకు పైగా రాబట్టింది. తమిళనాడులో 200 కోట్లు సాధించిన మొదటి సినిమాగా నమోదైంది. ఈ సినిమాను దర్శకుడు మణిరత్నం ఎక్కువ శాతం తమిళ నేటివిటీతోనే తెరకెక్కించడంతో అక్కడ మాత్రం భారీ వసూళ్లు సాధించింది. మిగతా చోట్ల అంతగా ఆకట్టుకోలేకపోయింది. చాలా చోట్ల మిక్సిడ్ టాక్ రావడంతో ఆ ప్రభావం సినిమా కలెక్షన్స్ పై పడింది. అలాగే ఈ సినిమాపై కొన్ని చోట్ల మిశ్రమ స్పందన రావడంతో చాలా మంది థియేటర్లకు వెళ్లి చూడలేదు.