Priyanka Chopra Daughter : బైబిల్ సూత్రాలు, హిందూ నమ్మకాలతో బిడ్డను పెంచుతున్న నిక్, ప్రియాంక చోప్రా
2018లో వివాహ బంధంతో ఒక్కటైన నటి ప్రియాంక చోప్రా, సింగర్ నిక్ జోనాస్.. 2022లో సరోగసీ ద్వారా మాల్తీ మేరీకి జన్మనిచ్చారు. అయితే తమ కూతుర్ని బైబిల్, హిందూ నమ్మకాల ప్రకారం పెంచుతామని తాజాగా నిక్ చెప్పారు.
Nick Jonas : ప్రియాంక చోప్రాను పెళ్లి చేసుకున్న తర్వాత హిందూ మతం గురించి చాలా నేర్చుకున్నానని ఆమె భర్త నిక్ జోనాస్ చెప్పాడు. తమ కుమార్తె మాల్టీ మేరీని క్రైస్తవం, హిందూ మతం ప్రకారం పెంచడం గురించి ఆయన ఇంట్రస్టింగ్ వ్యాఖ్యలు చేశారు.
నిక్, ప్రియాంక చోప్రా 2018లో పెళ్లి చేసుకున్నారు. సరోగసీ ద్వారా తల్లిదండ్రులైన వీరిద్దరికీ.. ఓ కుమార్తె జన్మించింది. ఆమెకు మాల్తీ మేరీ అని పేరు పెట్టారు. ఈ విషయాన్ని ప్రియాంక, నిక్ సోషల్ మీడియా ద్వారా పంచుకున్నారు. తమకు మొదటి బిడ్డ పుట్టినట్లు ప్రకటించారు. "మేము సర్రోగేట్ ద్వారా పాపను పొందినందుకు మేము చాలా సంతోషిస్తున్నాం" అని ఓ ప్రకటనలో వెల్లడించారు.
ఇటీవల డాక్స్ షెపర్డ్తో ఆర్మ్చైర్ ఎక్స్పర్ట్ అనే పోడ్కాస్ట్ ఛానెల్లో మాట్లాడిన నిక్.. "నాకు దేవుడితో (డీప్ అండ్ మీనింగ్ ఫుల్) అర్ధవంతమైన సంబంధం ఉంది. కానీ నేను ఒక పుస్తకంలో చదివిన దానికంటే దేవుడు చాలా భిన్నమైన ఆకారాలను కలిగి ఉన్నాడు. అందులో భాగంగా హిందూ అయిన భారతీయ మహిళను వివాహం చేసుకున్నాడు. నేను ఆ మతం, నమ్మకం గురించి చాలా నేర్చుకున్నాను. అది చాలా స్ఫూర్తిదాయకంగా ఉంది. మేము బైబిల్ సూత్రాలు, హిందూ నమ్మకాలతో మా బిడ్డను పెంచుతున్నాము" అని నిక్ తెలిపారు.
ఇటీవల, నిక్ ఒక BBC చాట్ షోలో కనిపించారు. అక్కడ హోస్ట్ అతన్ని బావమరిదికి హిందీ పదమైన 'జిజు' అని పిలవడం గురించి అడిగారు. ప్రియాంకతో వివాహం తర్వాత భారతదేశంలో చాలా మంది తనను 'జిజు' అని పిలవడం మొదలుపెట్టారని చెప్పుకొచ్చారు. "మేము ఇటీవల ముంబైలో అంబానీలు ఏర్పాటు చేసిన ఈవెంట్లో పాల్గొన్నాం. అందులో భాగంగా నేను, నా భార్య సాంస్కృతిక కార్యకలాపాల్లో పాల్గొన్నాం. ఆ తర్వాత రెడ్ కార్పెట్పై నడుస్తుండగా ఫోటోగ్రాఫర్లందరూ నన్ను 'జిజు' అని పిలిచారు" అని చెప్పారు.
నిక్ ప్రస్తుతం తన రాబోయే ఆల్బమ్ను జోనాస్ బ్రదర్స్తో కలిసి ది ఆల్బమ్ పేరుతో ప్రమోట్ చేస్తున్నాడు. అతను ఇటీవలే 'మాన్ మేరీ జాన్' ట్రాక్ హిందీ వెర్షన్ కోసం రాపర్ కింగ్తో కలిసి పనిచేశాడు. ఇదిలా ఉండగా నటి ప్రియాంక ప్రస్తుతం 'ది రస్సో బ్రదర్స్' 'సిటాడెల్'లో నటిస్తోంది. ఆమె చివరి చిత్రం సామ్ హ్యూగన్తో జేమ్స్ సి స్ట్రౌస్ 'లవ్ ఎగైన్'. ఈ సినిమాలో నిక్కి అతిథి పాత్ర కూడా ఉంది. ఆమె ఇప్పుడు ఫర్హాన్ అక్తర్ 'జీ లే జరా'లో అలియా భట్, కత్రినా కైఫ్తో, జాన్ సెనా, ఇద్రిస్ ఎల్బాలతో కలిసి దేశాధినేతలలో కనిపించనుంది.
రీసెంట్ గా ప్రియాంక చోప్రా తన కూతురు మాల్తీ మేరీకి ఇష్టమైన వంటకాలతో పాటు ఆహారపు అలవాట్ల గురించి చెప్పుకొచ్చారు. తన భోజన ప్రియురాలన్న ఆమె.. కొరియన్ బార్బెక్యూతో పాటు భారతీయ ఆహారాన్ని ఇష్టపడుతుంది ప్రియాంక తెలిపారు. తన కూతురు తాను, తన భర్త సింగర్ నిక్ జోనాస్ ఏది తింటే అది తింటుందని ఆమె వెల్లడించారు. తాము ఎక్కడికెళ్లినా ఆమెను కూడా తీసుకువెళ్తామని, తాము ఏది తింటే అదే తాను తింటుందని చెప్పారు. ఆమెకు గ్రిల్డ్ చికెన్, స్టీమ్ చేసిన కూరగాయలు ఇస్తే అస్సలు తినదని ప్రియాంక అన్నారు.
Read Also : Ram Charan Hollywood Debut : హాలీవుడ్ అరంగేట్రంపై రామ్ చరణ్ హింట్ - జీ20 సదస్సులో ఏం చెప్పారంటే?
టాప్ హెడ్ లైన్స్
ట్రెండింగ్ వార్తలు
