Aishwarya Lekshmi - Arjun Das: పెళ్లే చేసుకోనంటూ ప్రియుడిని పరిచయం చేసిన ‘మట్టి కుస్తీ’ ముద్దుగుమ్మ!

పెళ్లంటే ఇష్టం లేదు.. నా జీవితంలోనే పెళ్లి స్థానం లేదు.. అంటూ పెద్ద పెద్ద డైలాగులు కొట్టిన ఐశ్వర్య లక్ష్మీ.. ఏకంగా ప్రియుడిని పరిచయం చేసింది. ఇన్ స్టా వేదికగా ఫోటో షేర్ చేసి ఆశ్చర్య పరిచింది.

By: ABP Desam | Updated at : 12 Jan 2023 07:47 PM (IST)

Edited By: anjibabuchittimalla

Ponniyin Selvan actress Aishwarya Lekshmi Dating Arjun Das, shares cute picture on Instagram Aishwarya Lekshmi - Arjun Das: పెళ్లే చేసుకోనంటూ ప్రియుడిని పరిచయం చేసిన ‘మట్టి కుస్తీ’ ముద్దుగుమ్మ!

Photo@Aishwarya Lekshmi/Instagram

సౌత్ ఫిల్మ్ ఇండస్ట్రీలో చేసింది కొన్ని సినిమాలే అయినా మంచి గుర్తింపు పొందిన ముద్దుగుమ్మ ఐశ్వర్య లక్ష్మీ. తెలుగు, తమిళ, మలయాళ సినిమా పరిశ్రమలో సినిమాలు చేస్తూ సక్సెస్ ఫుల్ గా కెరీర్ కొనసాగిస్తోంది. ‘అమ్ము’, ‘పొన్నియన్‌ సెల్వన్‌’, ‘మట్టి కుస్తి’ లాంటి సినిమాలతో తెలుగు ప్రేక్షకులకు మరింత దగ్గరైంది. ప్రస్తుతం ఈ ముద్దుగుమ్మ పలు సినిమాల్లో నటిస్తోంది. తాజాగా ఈ ముద్దుగుమ్మ సడెన్ షాక్ ఇచ్చింది. ఇప్పటి వరకు పెళ్లంటే ఇష్టం లేదని చెప్పిన ఈ అమ్మడు ఏకంగా ఇన్ స్టా వేదికగా ప్రియుడిని పరిచయం చేసింది. ‘మాస్టర్‌’, ‘విక్రమ్’ లాంటి సినిమాలతో మంచి గుర్తింపు తెచ్చుకున్న హీరో అర్జున్ దాస్ తో ప్రేమలో ఉన్నట్లు చెప్పకనే చెప్పింది.

View this post on Instagram

A post shared by Aishwarya Lekshmi (@aishu__)

ఇన్ స్టాలో ఫోటో షేర్ చేసిన ఐశ్వర్య

ఐశ్వర్య లక్ష్మీ తాజాగా తన ఇన్‌స్టాగ్రామ్ అర్జున్ దాస్ తో దిగిన ఫోటోను షేర్ చేసింది. ఈ ఫోటోకు లవ్ సింబల్ పెట్టింది. ఆమె ఇన్‌స్టా పోస్ట్‌కు పలువురు సెలబ్రిటీలు రియాక్ట్ అవుతున్నారు. అందరూ కంగ్రాట్స్ చెప్తున్నారు. నెటిజన్లు సైతం ఆమె శుభకాంక్షలు చెప్తున్నారు. ఈ జంట ఇలాగే సంతోషంగా ఉండాలని ఆకాంక్షిస్తున్నారు. మరి కొంత మంది మాత్రం ఇదో ప్రమోషన్ లో భాగంగా ఆడుతున్న డ్రామాగా కొట్టి పారేస్తున్నారు. ఇద్దరు కలిసి త్వరలో ఓ సినిమా చేయబోతున్నట్లు ప్రచారం చేస్తున్నారు.

తన జీవితంలో పెళ్లికి చోటు లేదన్న ఐశ్వర్య

‘పొన్నియిన్ సెల్వన్’ సినిమా సక్సెస్ తర్వాత ఓ ఇంటర్వ్యూలో పాల్గొన్న ఐశ్వర్య లక్ష్మి పెళ్లి గురించి కీలక వ్యాఖ్యలు చేసింది. అసలు తనకు పెళ్లి అంటేనే ఇష్టం లేదని వెల్లడించింది. తన జీవితంలో పెళ్లికి చోటు లేదని చెప్పుకొచ్చింది. ఆ విషయాన్ని సినీ జనాలు మర్చిపోక ముందే ఐశ్వర్య, తన ప్రియుడిని పరిచయం చేయడం పట్ల అభిమానులు ఆశ్చర్యపోతున్నారు. అయితే, నెటిజన్లు అంటున్నట్లు సినిమా ప్రమోషనా? లేదంటే నిజంగానే ఇద్దరూ ప్రేమలో ఉన్నారా? అనే విషయంపై ఎవరికీ ఎలాంటి క్లారిటీ లేదు. ఈ విషయంపై ఐశ్వర్య లేదంటే అర్జున్ ఎవరో ఒకరు వివరణ ఇవ్వాల్సిందే. అప్పటి వరకు వెయిట్ చేయక తప్పదు.

‘బుట్టబొమ్మ’ సినిమాతో తెలుగులోకి అర్జున్ దాస్ ఎంట్రీ

అటు అర్జున్‌ దాస్‌ ‘బుట్టబొమ్మ’ సినిమాతో టాలీవుడ్ లోకి అడుగు పెట్టబోతున్నాడు. మలయాళంలో సూపర్ హిట్ అందుకున్న ‘కప్పెలా’ సినిమాకు రీమేక్ గా ‘బుట్టబొమ్మ’ తెరకెక్కుతోంది. సితార ఎంటర్‌ టైనమెంట్స్‌ బ్యానర్ లో నిర్మితం అవుతున్న ఈ సినిమాకు చంద్ర శేఖర్ దర్శకత్వం వహిస్తున్నారు. అనీకా సురేందర్ ఈ సినిమాలో హీరోయిన్ గా నటిస్తోంది.