Sreeleela: మొదటి సినిమాకి రూ.5 లక్షలు.. ఇప్పుడేమో కోటి.. హీరోయిన్ డిమాండ్స్ చూశారా..?

టాలీవుడ్ లో హీరోయిన్ల కొరత ఉన్న సంగతి తెలిసిందే. అందుకే ఉన్న హీరోయిన్లనే రిపీట్ చేస్తూ ఉంటారు. దానికి తగ్గట్లే మన ముద్దుగుమ్మల డిమాండ్స్ కూడా ఉంటాయి. ఇప్పటి స్టార్ హీరోయిన్లు ఒక్కో సినిమాకి రెండు, మూడు కోట్లకు తక్కువ కాకుంగా తీసుకుంటున్నారు. ఒక్క హిట్టు వస్తే చాలు.. వాళ్ల రెమ్యునరేషన్ అమాంతం పెంచేస్తుంటారు. యంగ్ హీరోయిన్ల డిమాండ్స్ కూడా బాగా పెరిగిపోతున్నాయి. 

'ఉప్పెన' సినిమాతో హీరోయిన్ గా ఎంట్రీ ఇచ్చిన కృతిశెట్టి ఇప్పుడు భారీ రెమ్యునరేషన్ డిమాండ్ చేస్తోంది. ఇప్పుడు ఈ లిస్ట్ లో శ్రీలీల కూడా చేరిపోయింది. ఇటీవల విడుదలైన 'పెళ్లి సందడి' సినిమాలో హీరోయిన్ గా నటించింది శ్రీలీల. గౌరీ రోనంకి డైరెక్ట్ చేసిన ఈ సినిమాలో దర్శకేంద్రుడు కె.రాఘవేంద్రరావు నటించడం విశేషం. 

శ్రీకాంత్ కుమారుడు రోషన్ హీరోగా నటించాడు. దసరా సీజన్ లో విడుదలైన ఈ సినిమాకి మిశ్రమ స్పందన వచ్చినప్పటికీ.. మంచి కలెక్షన్స్ ను రాబట్టింది.కొన్ని థియేటర్లలో ఈ సినిమా యాభై రోజులు పూర్తి చేసుకుంది. ఈ సినిమాలో శ్రీలీల స్క్రీన్ ప్రెజన్స్, నటన, డాన్స్ లు ఆకట్టుకోవడంతో ఆమెకి ఇండస్ట్రీలో అవకాశాలు వస్తున్నాయి. 

ప్రస్తుతం ఆమె చేతిలో అరడజనుకి పైగా సినిమాలున్నాయని తెలుస్తోంది. తొలి సినిమాకి రూ.5 ల‌క్ష‌ల పారితోషికం తీసుకున్న శ్రీ‌లీల‌.. రెండో సినిమాకి రూ.40 ల‌క్షల వరకు తీసుకుంది. ఇటీవ‌ల శ్రీ‌లీల సైన్ చేసిన ఓ సినిమాకి రూ.75 ల‌క్ష‌లు తీసుకున్నట్లు స‌మాచారం. ఇప్పుడు ఆమె కాల్షీట్లు కావాలంటే కోటి ఇవ్వాల్సిందేనట. కొత్తగా ఎవరైనా కథ చెప్పడానికి వెళ్తే.. వెంటనే కోటి డిమాండ్ చేస్తుందట శ్రీలీల. ఇప్పుడు ఆమె నటిస్తున్న సినిమాలేవైనా సక్సెస్ అందుకుంటే మాత్రం ఆమె రెమ్యునరేషన్ మరింత పెంచడం ఖాయం. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Sreeleela (@sreeleela14)