OTT New Movie: థియేటర్లలో కాదు... ఈ వారమే ఓటీటీలోకి ప్రియదర్శి సినిమా - అదీ తొమ్మిది నెలలకు

Thappinchuku Thiruguvadu Dhanyudu Sumathi OTT Release: క్రిస్మస్ సందర్భంగా డిసెంబర్ 20న 'సారంగపాణి జాతకం'తో థియేటర్లలోకి వస్తున్నారు ప్రియమణి. దాని కంటే ముందు ఓటీటీలో ఆయన సినిమా రానుంది.

'తప్పించుకు తిరుగువాడు ధన్యుడు సుమతి' పోస్టర్

Source : https://x.com/BhavaniHDMovies

New Movies On OTT This Week: టాలెంటెడ్ ఆర్టిస్ట్ ప్రియదర్శి హీరోగా నటించిన 'సారంగపాణి జాతకం' సినిమా క్రిస్మస్ సందర్భంగా డిసెంబర్ 20న థియేటర్లలోకి రావడానికి రెడీ అవుతోంది. దానికంటే ముందు ఆయన నటించిన మరో సినిమా ఈ వారం ప్రేక్షకుల ముందుకు రానుంది. ఆ సినిమా ఏమిటి? ఏ ఓటీటీలో విడుదల అవుతుంది? వంటి వివరాల్లోకి వెళితే....

ఆహా... తప్పించుకు తిరుగువాడు ధన్యుడు సుమతి!
Aha Video announces Thappinchuku Thiruguvadu Dhanyudu Sumathi streaming date: ప్రియదర్శి ఓ ప్రధాన పాత్రలో నటించిన క్రైమ్ థ్రిల్లర్ సినిమా 'తప్పించుకు తిరుగువాడు ధన్యుడు సుమతి'. ఆయనతో పాటు శ్రీద, మణికంఠ ఇతర ప్రధాన పాత్రల్లో నటించారు. ఆహా ఓటీటీలో ఈ సినిమా స్ట్రీమింగ్ కానుంది. నవంబర్ 29... అంటే ఈ శుక్రవారం నుంచి డిజిటల్ స్క్రీనింగ్ స్టార్ట్ కానుంది.

''ఎవరు ఎవరి నుంచి తప్పించుకోవాలి? అనేది నవంబర్ 29న తెలుస్తుంది. ఆ రోజు నుంచి 'తప్పించుకు తిరుగువాడు ధన్యుడు సుమతి' డిజిటల్ ప్రీమియర్ మొదలు అవుతుంది'' అని ఆహా ఓటీపీ వేదిక సోషల్ నెట్వర్కింగ్ అకౌంట్ 'ఎక్స్'లో పేర్కొంది.

The game of crime and deception has just begun! #ThappinchukuThiruguvaduDhanyuduSumathi Premieres 29th Nov On @ahavideoIN #gopalshyam #Priyadarshi #Srindaa #NiranjanaAnoop #Bhadram @bhavanidvd @BhavaniHDMovies pic.twitter.com/asuUeeBYuW

— Bhavani Media (@BhavaniHDMovies) November 26, 2024

థియేటర్లలో విడుదలైన 9 నెలలకు ఓటీపీలోకి...
ప్రియదర్శి ఈ సినిమా ఎప్పుడు చేశారు? అని ప్రేక్షకులు చాలా మందికి సందేహం రావచ్చు అసలు ఇటువంటి సినిమా ఒకటి థియేటర్లలోకి వచ్చినట్టు కూడా ఎవరికి తెలియదు. ఫిబ్రవరి 23న ఈ సినిమా విడుదల అయ్యింది. ఎక్కువ రోజులు ఆడలేదు. ఇప్పుడు ఆహాలో ఎటువంటి స్పందన వస్తుందో చూడాలి. 

తప్పించుకు తిరుగువాడు ధన్యుడు సుమతి కథ ఏమిటి?
బ్యాంకు దోపిడీ నేపథ్యంలో 'తప్పించుకు తిరుగువాడు ధన్యుడు సుమతి' సినిమా తెరకెక్కించారు. ఓ దొంగ డబ్బులు కొట్టేస్తాడు. అతడి నుంచి మరొకరు కొట్టేస్తారు. ఆ డబ్బులు కొంత మంది జనాలు కొట్టేస్తారు. ఆ డబ్బు కోసం ఎవరు వచ్చారు? ఎవరి నుంచి ఎవరు తప్పించుకున్నారు? చివరకు ఏమైంది? అనేది సినిమా చూసి తెలుసుకోవాలి.

'తప్పించుకు తిరుగువాడు ధన్యుడు సుమతి'... ఇదొక క్రైమ్ థ్రిల్లర్. నారాయణ చెన్ను దర్శకత్వం వహించిన ఈ సినిమాకు వివేక్ రామస్వామి సంగీతం సమకూర్చారు. ప్రియదర్శి ఫేస్ వేల్యూ మీద ఈ సినిమాకు ఓటీటీ ఆదరణ లభిస్తుందని చెప్పడంలో సందేహం అవసరం లేదు. ఓటీటీలో ప్రియదర్శికి మంచి ట్రాక్ రికార్డ్ ఉంది. 'సేవ్ ద టైగర్' వెబ్ సిరీస్ సూపర్ సక్సెస్ సాధించిన విషయం వీక్షకులకు గుర్తు ఉండే ఉంటుంది.