Rag Mayur: రాగ్ మయూర్ నటనకు నేషనల్ లెవల్ వేడుకలో అవార్డు

Rag Mayur Sivarapalli Award: కమర్షియల్ సినిమాల్లోనూ తన పెర్ఫార్మన్స్‌తో ఆకట్టుకుంటున్న నటుడు రాగ్ మయూర్. వెబ్ సిరీస్ 'సివరపల్లి'లో అతని నటనకు నేషనల్ లెవల్ వేడుకలో అవార్డు వచ్చింది.

నెక్సా అవార్డ్స్‌లో రాగ్ మయూర్ జయకేతనం... 'సివరపల్లి' వెబ్ సిరీస్‌కు ఉత్తమ నటుడిగా పురస్కారం

Source : https://www.instagram.com/p/DbAy8iSDQnV/?img_index=1

Show Quick Read

Key points generated by AI, verified by newsroom

• నటుడు రాగ్ మయూర్ 'సివరపల్లి' నటనకు ఉత్తమ నటుడి అవార్డు.
• ముంబైలో నెక్సా స్ట్రీమింగ్ అకాడమీ వేడుకలో పురస్కారం అందుకున్నారు.
• దిగ్గజ నటుల సమక్షంలో ఆయన నటనకు గొప్ప ప్రశంసలు పొందారు.
• ప్రస్తుతం పలు తెలుగు సినిమాలు, వెబ్ సిరీస్‌లలో నటిస్తున్నారు.

'సినిమా బండి'లో మరిడేష్ బాబు పాత్రలో ప్రేక్షకుల్ని ఆకట్టుకున్న నటుడు రాగ్ మయూర్ (Rag Mayur). ఆ తర్వాత 'కీడా కోలా' నుంచి 'శుభం', 'పరదా', 'మిత్ర మండలి' వరకు... ప్రతి సినిమాలోనూ తన మార్క్ చూపించారు. సిల్వర్ స్క్రీన్‌కు పరిమితం కాకుండా డిజిటల్ (ఓటీటీ) స్క్రీన్ మీద కూడా సత్తా చూపించారు. 'మోడ్రన్ లవ్ హైదరాబాద్', 'సివరపల్లి' వెబ్ సిరీస్‌లలో నటించారు. 'సివరపల్లి'లో ఆయన నటనకు గాను నేషనల్ లెవల్ వేదికపై అవార్డు వచ్చింది.

ఉత్తమ నటుడిగా రాగ్ మయూర్...
నెక్సా స్ట్రీమింగ్ అకాడమీ అవార్డుల్లో!
ముంబైలో 'నెక్సా స్ట్రీమింగ్ అకాడమీ అవార్డ్స్' (NEXA Streaming Academy Awards) వేడుక ఘనంగా జరిగింది. అందులో 'సివరపల్లి' వెబ్ సిరీస్‌కు గాను ఉత్తమ నటుడిగా అవార్డును అందుకున్నారు రాగ్ మయూర్.

అమెజాన్ ప్రైమ్ వీడియో కోసం రూపొందిన ఒరిజినల్ వెబ్ సిరీస్ 'సివరపల్లి'. ఆ సిరీస్‌లో ఆయన నటన సహజంగా ఉందని స్ట్రీమింగ్ అయిన సమయంలో అటు ఆడియన్స్, ఇటు క్రిటిక్స్ నుంచి అప్లాజ్ వచ్చింది. ఇప్పుడు అవార్డు రావడం కూడా సంతోషంగా ఉందన్నారు రాగ్ మయూర్.

భారతీయ చిత్రసీమలో వివిధ భాషలకు చెందిన ప్రముఖులు హాజరైన వేడుకలో రాగ్ మయూర్ (Rag Mayur Awards)కు అవార్డు రావడం, అక్కడ ప్రముఖులు పలువురి చేత ప్రశంసలు అందుకోవడం విశేషం. మనోజ్ బాజ్‌పేయి, బోమన్ ఇరానీ వంటి దిగ్గజ నటులతో పాటు ప్రముఖ దర్శక ద్వయం రాజ్ (మా ఇంటి బంగారం రచయిత - నిర్మాత రాజ్ నిడిమోరు) & డీకేతో కలిసి రాగ్ మయూర్ వేదికను పంచుకున్నారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Indian Streaming Academy (@streamingacademy.in)

ప్రస్తుతం తెలుగులో రాగ్ మయూర్ మూడు నాలుగు సినిమాలు చేస్తున్నారు. యువ దర్శక రచయితలు ఆయన్ను దృష్టిలో పెట్టుకుని కథలు, క్యారెక్టర్లు చేస్తున్నారు. 'ది ఫ్యామిలీ మ్యాన్ 3'లో ఆయన అతిథి పాత్రలో మెరిశారు. త్వరలో మరో వెబ్ సిరీస్ కూడా చేయనున్నారని సమాచారం.