Aattam OTT: ఓటీటీలోకి మలయాళ సూపర్ హిట్ థ్రిల్లర్ ‘ఆట్టం’ - స్ట్రీమింగ్ ఎక్కడంటే?
Aattam OTT Release: మలయాళంలో థ్రిల్లర్ జోనర్లో తెరకెక్కి సూపర్ హిట్ను అందుకుంది ‘ఆట్టం’. రెండు నెలల క్రితం థియేటర్లలో విడుదలయిన ఈ చిత్రం ఇప్పుడు ఓటీటీలోకి ఎంటర్ అయ్యింది.
Aattam OTT Release Date: మలయాళ సినిమాలకు రోజురోజుకీ క్రేజ్ పెరిగిపోతోంది. దేశవ్యాప్తంగా ఉన్న మూవీ లవర్స్ను తమ కొత్త కథతో, కథనాలతో ఆకట్టుకుంటున్నారు మలయాళ మేకర్స్. చివరికి ఈ చిత్రాలను నేరుగా థియేటర్లలోనే చూసి, బ్లాక్బస్టర్ చేసేంత వరకు వెళ్లారు ప్రేక్షకులు. ఇక ఓటీటీలో కూడా మలయాళ చిత్రాలకు ప్రత్యేకమైన క్రేజ్ ఉండగా.. తాజాగా ఒక సూపర్ హిట్ సస్పెన్స్ మూవీ ఓటీటీలోకి అందుబాటులోకి వచ్చింది. అదే ‘ఆట్టం’. మామూలుగా మలయాళ మేకర్స్ ఎక్కువగా ఫీల్ గుడ్ కథలతోనే ప్రేక్షకులను కట్టిపడేస్తారు. కానీ ‘ఆట్టం’ అలా కాదు. ఇదొక సస్పెన్స్ థ్రిల్లర్.
స్ట్రీమింగ్ మొదలు..
సస్పెన్స్ థ్రిల్లర్ జోనర్లకు భాషతో సంబంధం లేదు. ఏ భాషలో అయినా ఈ జోనర్లో సినిమాలు చూడడానికి ఎంతోమంది ప్రేక్షకులు ఆసక్తి చూపిస్తారు. అలాగే మలయాళంలో కూడా ‘ఆట్టం’ చూడాలని చాలామంది ప్రేక్షకులు ఎదురుచూడగా.. ఇప్పుడు ఇది ఓటీటీలోకి వచ్చేసింది. అమెజాన్ ప్రైమ్లో ‘ఆట్టం’ స్ట్రీమింగ్ ప్రారంభించుకుంది. ఈ సినిమాను ఓటీటీలో చూసినవారు అప్పుడే దీనికి పాజిటివ్ రివ్యూలు ఇచ్చేస్తున్నారు. కానీ ప్రస్తుతం ఈ మూవీ కేవలం మలయాళ భాషలో మాత్రమే అందుబాటులో ఉంది. దీనిని చూడాలనుకునే ప్రేక్షకులు సబ్ టైటిల్స్తె మ్యానేజ్ చేయవచ్చు.
View this post on Instagram
నాటకం..
‘ఆట్టం’ అంటే తెలుగులో నాటకం అని అర్థం. ఈ మూవీని ఆనంద్ ఏకర్షి డైరెక్ట్ చేశాడు. వినయ్ ఫోర్ట్ ఇందులో హీరోగా నటించగా.. జరీన్ షిహాబ్ హీరోయిన్గా నటించింది. కళాభవన్ షాజాన్ కీలక పాత్రలో కనిపించారు. వీరితో పాటు అజీ తిరువంకులం, జాలీ ఆంటనీ, మదన్ బాబు, నందన్ ఉన్నీ, ప్రశాంత్ మాధవన్, సనోష్ మురళి, సెల్వరాజ్ రాఘవన్ తదితరులు కూడా ఈ సినిమాలో నటించారు. జాయ్ మూవీ ప్రొడక్షన్స్ బ్యానర్పై డాక్టర్ అజిత్ జాయ్ ఈ చిత్రాన్ని నిర్మించారు. ఈ సినిమా థియేటర్లలో విడుదల అవ్వకముందే ఎన్నో ఫిల్మ్ ఫెస్టివల్స్లో ప్రసారం అయ్యింది. ఎన్నో అవార్డులను కూడా అందుకుంది.
ఎన్నో అవార్డులు..
గోవాలో జరిగిన 54వ ఇంటర్నేషనల్ ఫిల్మ్ ఫెస్టివల్ ఆఫ్ ఇండియాలో ఓపెనింగ్ ఫీచర్ ఫిల్మ్గా ఎంపికయ్యింది ‘ఆట్టం’. దీంతో పాటు ఇండియన్ ఫిల్మ్ ఫెస్టివల్ ఆఫ్ లాస్ ఏంజెల్స్లో కూడా ఈ సినిమాకు గ్రాండ్ జ్యూరీ అవార్డ్ దక్కింది. ఇక ఈ సినిమా గురించి తెలుసుకున్న తర్వాత మలయాళ మూవీలను ఇష్టపడే వారు దీనిని చూడడానికి ఆసక్తి చూపిస్తున్నారు. 2024 జనవరి 5న ‘ఆట్టం’ థియేటర్లలో విడుదలయ్యింది. తెలుగు రాష్ట్రాల్లో కూడా పలు థియేటర్లలో ఈ సినిమా రన్ అయ్యింది. కానీ అప్పట్లో దీనికి ఎక్కువగా ప్రమోషన్స్ చేయకపోవడంతో ఎక్కువమందికి ‘ఆట్టం’ రీచ్ అవ్వలేకపోయింది. ఓటీటీ మాత్రం బ్లాక్బస్టర్ అందుకునే సూచనలు కనిపిస్తున్నాయి.
Also Read: కవలలకు జన్మనిచ్చిన మనోజ్ భార్య మౌనిక అంటూ వార్తలు - క్లారిటీ ఇచ్చిన మంచు హీరో
Before You Go
Dharmendra Receives Padma Vibhushan Award | ధర్మేంద్రకు పద్మవిభూషణ్ అవార్డు
టాప్ హెడ్ లైన్స్
ట్రెండింగ్ వార్తలు
