Dude OTT: ఆ ఓటీటీలోకి వస్తున్నా 'డ్యూడ్' - జస్ట్ వెయిట్ చెయ్యండి అంతే...
Dude OTT Platform: తమిళ స్టార్ ప్రదీప్ రంగనాథన్ రీసెంట్ రొమాంటిక్ కామెడీ ఎంటర్టైనర్ 'డ్యూడ్' హిట్ టాక్ సొంతం చేసుకుంది. ఈ మూవీ డిజిటల్ స్ట్రీమింగ్ హక్కులను ప్రముఖ ఓటీటీ సొంతం చేసుకుంది.
Pradeep Ranganathan's Dude Movie OTT Platform Locked: 'లవ్ టుడే', 'రిటర్న్ ఆఫ్ ది డ్రాగన్' మూవీస్ తర్వాత కోలీవుడ్ స్టార్ ప్రదీప్ రంగనాథన్ లేటెస్ట్ రొమాంటిక్ కామెడీ ఎంటర్టైనర్ 'డ్యూడ్'. శుక్రవారం ప్రేక్షకుల ముందుకు వచ్చిన ఈ మూవీ మంచి టాక్ సొంతం చేసుకుంది. ఇండియావ్యాప్తంగా ఫస్ట్ డే రూ.10 కోట్లకు పైగా వసూళ్లు సాధించగా... తెలుగు రాష్ట్రాల్లో రూ.3 కోట్లకు పైగా కలెక్షన్స్ సాధించింది. ప్రస్తుతం ఈ మూవీ ఓటీటీపై ఆసక్తి నెలకొంది.
ఎందులో స్ట్రీమింగ్ అంటే?
ఈ మూవీ డిజిటల్ స్ట్రీమింగ్ హక్కులను ప్రముఖ ఓటీటీ 'నెట్ ఫ్లిక్స్' సొంతం చేసుకుంది. దాదాపు రూ.25 కోట్లకు ఓటీటీ రైట్స్ సొంతం చేసుకున్నట్లు తెలుస్తోంది. థియేట్రికల్ రన్ పూర్తైన 4 నుంచి 6 వారాల తర్వాత ఈ మూవీ ఓటీటీలోకి వచ్చే ఛాన్స్ ఉంది. మూవీ హిట్ టాక్ సొంతం చేసుకోవడంతో స్ట్రీమింగ్ కొద్దిగా ఆలస్యం అయ్యే అవకాశాలు కనిపిస్తున్నాయి. ఇక శాటిలైట్ రైట్స్ 'Zee' సంస్థ సొంతం చేసుకోగా... 'జీ తెలుగు'లో ప్రీమియర్ కానుంది.
Also Read: ఇట్స్ అఫీషియల్... పవన్ 'OG' ఓటీటీ రిలీజ్ డేట్ ఫిక్స్ - ఎప్పటి నుంచి స్ట్రీమింగ్ అవుతుందంటే?
మూవీలో ప్రేమలు ఫేం మమితా బైజు హీరోయిన్గా నటించారు. కీర్తిశ్వరన్ దర్శకత్వం వహించగా ఆయనకు ఇదే ఫస్ట్ మూవీ. సీనియర్ నటుడు శరత్ కుమార్, రోహిణి, హృదు హరూన్, ద్రవిడ్ సెల్వం తదితరులు కీలక పాత్రలు పోషించారు. మైత్రీ మూవీ మేకర్స్ బ్యానర్పై నవీన్ యెర్నేని, వై.రవిశంకర్ మూవీని నిర్మించగా... సాయి అభ్యంకర్ మ్యూజిక్ అందించారు.
స్టోరీ ఏంటంటే?
రాష్ట్ర పశు సంవర్థక శాఖ మంత్రి ఆదికేశవులు (శరత్ కుమార్) కుమార్తె కుందన (మమితా బైజు). చిన్నప్పటి నుంచి ఆమెకు తన మేనత్త కుమారుడు గగన్ (ప్రదీప్ రంగనాథన్) అంటే ప్రేమ. గగన్కు మాత్రం ఆమె అంటే ఇష్టం ఉండదు. స్కూల్లో ఓ అమ్మాయిని, కాలేజీలో మరో అమ్మాయిని ప్రేమించి విఫలమవుతాడు. ఇలా వరుస బ్రేకప్స్ అయిన తర్వాత గగన్ను... కుందన పెళ్లి చేసుకోవాలని కోరగా రిజెక్ట్ చేస్తాడు. దీంతో డిప్రెషన్ నుంచి బయటపడేందుకు బెంగుళూరు వెళ్లిపోతుంది కుందన.
అయితే, ఎప్పుడూ తన పక్కనే ఉండే అమ్మాయి దూరం కావడంతో గగన్కు కుందన విలువ తెలుస్తుంది. తనలో ఆమెపై ప్రేమ బయటకు వచ్చే నేరుగా తన మామయ్య దగ్గరకు వెళ్లి కుందనతో తన పెళ్లి చేయాలని అడుగుతాడు. దీనికి ఆదికేశవులు సంతోషంగా అంగీకరిస్తాడు. అయితే, ఇదే టైంలో కుందన మరో వ్యక్తిని ఇష్టపడిందని గగన్కు తెలుస్తుంది. అసలు వీరిద్దరి పెళ్లికి వచ్చిన ఇబ్బందేంటి? మరదలి లవ్ స్టోరీ తెలిసిన బావ ఏం చేశాడు? వీరి లవ్ స్టోరీ పెళ్లి పీటలెక్కిందా? అనేది తెలియాలంటే మూవీ చూడాల్సిందే.
Before You Go
Gundenininda Gudigantalu Serial August 19 | ప్రభావతి, రోహిణిలకు ఊహించని షాక్
టాప్ హెడ్ లైన్స్
ట్రెండింగ్ వార్తలు
