MagellanTV Dream Job: క్రైమ్ డాక్యుమెంటరీలు ఎక్కువగా చూస్తారా - అయితే ఇది మీకోసమే - రూ.1.8 లక్షలు సంపాదించే అవకాశం!

క్రైమ్ డాక్యుమెంటరీలు ఎక్కువ చూసే వారికి గుడ్ న్యూస్. మాగెల్లాన్ టీవీ అనే స్ట్రీమింగ్ సర్వీస్ ఒక కొత్త తరహా ఉద్యోగాన్ని అందిస్తుంది.

మాగెల్లాన్ టీవీ లోగో (Image Credits: MagellanTV)

మీరు క్రైమ్ డ్రామాలు ఎక్కువగా చూస్తుంటారా? అయితే మీరు వాటిని చూస్తూ కూడా డబ్బులు సంపాదించవచ్చు. అవును... మీరు విన్నది నిజమే! 24 గంటల పాటు తమ క్రైమ్ షోలు చూసిన వారికి మాగెల్లాన్ టీవీ (MagellanTV) అనే స్ట్రీమింగ్ సర్వీస్ రూ.1.8 లక్షలు చెల్లించనుంది.

మాగెల్లాన్ టీవీ అనేది ఒక డాక్యుమెంటరీ స్ట్రీమింగ్ సర్వీసు. ఇందులో అన్ని డాక్యుమెంటరీలే ఉంటాయి. ఇందులో ఉన్న నిజమైన క్రైమ్ డాక్యుమెంటరీలను చూసిన వారికి కంపెనీ ఈ రూ.1.8 లక్షలను అందించనుంది. ఈ నగదు పొందడానికి ఆ డాక్యుమెంటరీలను చూడటంతో పాటు... దానికి సంబంధించిన ఎక్స్‌పీరియన్స్‌ను కూడా షేర్ చేయాల్సి ఉంటుంది.

మాగెల్లాన్ టీవీ ఈ తరహా జాబ్‌ను అందించడం ఇది మూడో సారి. గతంలో కూడా ఇలా నాన్‌స్టాప్‌గా వెబ్ సిరీస్‌లు చూసినందుకు గంటకు రూ.7,500 అందించింది. కంపెనీ వెబ్ సైట్ తెలుపుతున్న దాని ప్రకారం... నిజమైన క్రైమ్ డ్రామా ఫ్యాన్స్ కోసం మాగెల్లాన్ టీవీ వెతుకుతోంది.

ఎంతో దారుణమైన సీరియల్ కిల్లింగ్ డ్రామాలు, రక్తపాతం ఎక్కువగా ఉన్న కంటెంట్ చూసి కూడా తట్టుకునే వారి కోసం కంపెనీ వెతుకుతోంది. మీరు నిజంగా ఇటువంటి డ్రామాలను ఎంజాయ్ చేసే వారు అయితే మీకు రూ.1.8 లక్షలతో పాటు ఒక సంవత్సరం పాటు మాగెల్లాన్ టీవీ సబ్‌స్క్రిప్షన్ కూడా లభించనుంది. వీరితో పాటు మరో 100 మందికి ఉచితంగా సంవత్సరం పాటు మాగెల్లాన్ టీవీ సబ్‌స్క్రిప్షన్ అందించనున్నారు.

మాగెల్లాన్ టీవీ తన వెబ్‌సైట్లో మొత్తం 32 క్రైమ్ డాక్యుమెంటరీలను తన వెబ్ సైట్లో లిస్ట్ చేసింది. వీటి నిడివి 25 నిమిషాల నుంచి ఒక గంట వరకు ఉంది. వీటన్నిటినీ పూర్తి చేస్తే రూ.1.8 లక్షలు మీకు సొంతం అయ్యే అవకాశం ఉంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by CrimeCon (@crimecon)