Best Horror Movie On OTT: చిన్న బాటిల్‌తో అమెరికన్లను భయపెట్టిన ఇండియన్ అమ్మాయి - ఆ సీసా పగలగానే ఏమైంది? ఈ మూవీని ఒంటరిగా చూడొద్దు

ఆమె స్కూల్‌కు ఓ బాటిల్ తీసుకొస్తుంది. భయంతో వణికపోతూ.. ఆ సీసాతో స్కూల్ మొత్తం తిరుగుతుంది. చివరికి ఆ బాటిల్ పగిలిపోతుంది. ఆ తర్వాత దాన్ని పట్టుకున్న అమ్మాయి మాయమవుతుంది. ఇంతకీ ఆ బాటిల్‌లో ఏముంది?

It lives inside

అమెరికన్స్‌కు ఇండియన్ కల్చర్స్ అంటే చాలా ఇష్టం.. ఆసక్తి. అందుకే.. ఓ ఇండియన్ డైరెక్టర్ పూర్తిగా హాలీవుడ్ టెక్నిషియన్స్‌, ప్రవాస భారతీయులతో కలిసి.. ఓ భయానకమైన హర్రర్ మూవీని తెరకెక్కించారు. 2023లో విడుదలైన ఈ మూవీ.. అమెరికన్లకు తెగ నచ్చేసింది. ఈ సినిమాకు మంచి రేటింగ్స్ కూడా వచ్చాయి. ఇంతకీ ఆ మూవీ ఏమిటో తెలుసా? It lives inside.

ఇండియన్ కల్చర్‌కు సంబంధించిన కథలు వెస్టర్న్ ఆడియెన్స్‌కు పరిచయం చేయాలనుకున్నా.. ఈ ప్రయత్నం మంచి విజయాన్ని సాధించింది. హార్రర్‌కు కల్చరల్ మైథాలజీ తోడైతే ఎంత ఇంట్రెస్టింగ్‌గా ఉంటాయనేది.. ‘ఇట్ లివ్స్ ఇన్సైడ్’ మూవీ చూస్తే అర్థమవుతుంది.

‘ఇట్ లివ్స్ ఇన్సైడ్’ బిషాల్ దత్తా డైరెక్ట్ చేసిన తొలి చిత్రం. కల్చరల్ మైథాలజీని, ఒక ఇమ్మిగ్రెంట్ కుటుంబంలో కల్చర్స్ కి ఇమడలేకపోతున్న ఒక అమ్మాయి సమిధ స్టోరీ ఇది. ఈ పాత్రలో మేఘన్ సూరి అద్భుతంగా చేసింది. ఈమె ఒక టిపికల్ టీనేజర్ లాగే మొండిఘటం. అతిగా భరించే తల్లి, స్కూల్లో ఒక బోయ్ క్రష్. ఇంకా ఒకప్పటి బెస్ట్ ఫ్రెండ్ తమిరా. ఈ మూవీలో ఇవే కీలక పాత్రలు.

కథమేమిటీ?

చాలా సైలెంట్‌గా ఈ మూవీ మొదలవుతుంది. స్టార్టింగ్‌లోనే ఆసక్తి కలిగించేలా సీన్ ఉంటుంది. ఒక ఇంట్లోకి ప్రవేశించగానే.. భయానక దృశ్యాలు కనిపిస్తాయి. హాల్లో శవాలు పడి ఉంటాయి. దూరం నుంచి భయంకరమైన అరుపులు వినపడుతాయి. మెట్ల కింద కాలిపోయిన శరీరం నుంచి ఇంకా పొగలు వస్తుంటాయి. ఆ శవం చేయి ఒక గాజు జార్ వైపుకు చాచి ఉంటుంది. ఇంతకీ ఆ గాజు జార్‌లో ఏముంది? వారిని ఎవరు చంపారనే ప్రశ్నలు మదిలో మెదలుతాయి. 

నిద్రలేకుండా, తనలో తానే మాట్లాడుకుంటూ ఏదో గాజు జార్‌తో స్కూల్లో తిరుగుతూ కనిపిస్తుంది తమీరా. ఆమెను అలా చూసి స్కూల్ టీచర్ వర్రీ అవుతుంటుంది. దీంతో సమిధను ఆమెతో మాట్లాడమని చెబుతుంది. తోటి ఇండియన్స్‌తో ఉండేందుకు ఇష్టపడని సమిధ.. ఆ పిచ్చి బ్రౌన్ పర్సన్ తో నేను మాట్లాడను అని టీచర్‌కు చెబుతుంది. అయితే, తమీరా ఆ గాజు జార్ (బాటిల్)ను పట్టుకుని సమిధను కలుస్తుంది. తనకు హెల్ప్ చేయాలని కోరుతుంది. ఆ గ్లాస్ జార్ పట్టుకుని సమిధను సమీపిస్తుంది. దీంతో సమిధ కంగారులో ఆ జార్‌ను చేత్తో కొట్టడంతో తమీరా చేతి నుంచి జారిపోయి పగిలిపోతుంది. ఆ తర్వాత పొగలు కమ్ముకుని తమీరా కనిపించకుండా పోతుంది. ఏదో శక్తి ఆమెను లాక్కెళ్లిపోతుంది.

ఆ తర్వాత సమిధ ఇంట్లో వరలక్ష్మి వ్రతం పూజ జరుగుతుంది. కనిపించకుండా పోయిన తమీరాను కాపాడాలంటూ సమిధ దేవుడిని కోరుకుంటుంది. అయితే, సమిధకు కలలో భయానకమైన రూపం కనిపిస్తుంది. దీంతో ఉలిక్కిపడుతుంది. వెంటనే తల్లికి ఆ విషయం చెబుతుంది. తల్లి ఆమెకు కొన్ని మంత్రాలను చెబుతుంది. సమిధ వాటిని నేర్చుకుంటుంది. ఆ తర్వాత తమీరా కోసం వెతకడం మొదలుపెడుతుంది. ఇంతకీ సమిధ.. ఆమెను కనుగొంటుందా? ఆ బాటిల్ నుంచి వచ్చిన భయానకమైన దెయ్యంతో ఆమె పోరాడగలుగుతుందా? అనేది తెరపైనే చూడాలి. 

ఈ సినిమాలో సమిధ తన ఇండియన్ పేరుతో పరిచయం చేసుకోవటానికి ఇష్టపడదు. వైట్ టీనేజర్స్ తోనే మాట్లాడుతూ ఉంటుంది. ఎవరితోనూ కలవదు. ఎవర్నీ ఇంటికి పిలవదు. హిందీ ఎప్పుడో తప్ప అస్సలు మాట్లాడదు. ఇండియన్ కల్చర్స్ నచ్చవు. సాంప్రదాయాలను పాటించే తన తల్లితో ఎప్పుడూ విభేదాలు అవుతూ ఉంటాయి. అందుకే, ఆమె తోటి ఎన్ఆర్ఐ తమీరాతో కూడా మాట్లాడదు. అయితే, తమీరాకు ఆ డెవిల్ జార్ ఎప్పుడు, ఎక్కడ ఎలా దొరికింది? అందులో ఏం ఉంది? ఆ జార్‌కు ఈ కథకు సంబంధం ఏమిటీ? ఇలా ఎన్నో చిక్కుముడులు.. ట్విస్టులతో ఈ కథ సాగుతుంది. అనుక్షణం భయపెట్టే బ్యాక్ గ్రౌండ్ మ్యూజిక్ తో, సీన్లతో ఎక్కడా బోర్ కొట్టకుండా కథ సాగుతుంది. ఈ సినిమాకి పార్ట్ 2 కూడా ఉండబోతుందని టాక్. ప్రస్తుతం ఈ మూవీ Hulu యాప్‌లో స్ట్రీమ్ అవుతోంది. 

It lives inside ట్రైలర్: