Macherla Niyojakavargam: నితిన్‌తో కేథరిన్ థ్రెసా రొమాన్స్..

నితిన్ నటిస్తోన్న 'మాచర్ల నియోజకవర్గం' సినిమాలో ఇప్పటికే కృతిశెట్టిని హీరోయిన్ గా తీసుకున్నారు. తాజాగా మరో హీరోయిన్ ని ఎంపిక చేసుకున్నారు. 

నితిన్ తో బన్నీ హీరోయిన్ రొమాన్స్..

యంగ్ హీరో నితిన్ ఒకదాని తరువాత మరొక సినిమా చేస్తూనే ఉన్నారు. ఐటీవల 'మ్యాస్ట్రో' సినిమాతో ప్రేక్షకుల ముందుకు వచ్చిన నితిన్.. 'మాచర్ల నియోజకవర్గం' అనే మరో సినిమా అనౌన్స్ చేశారు. పూరి జగన్నాథ్ దగ్గర పని చేసిన  ఎస్‌ఆర్‌ శేఖర్‌ ఈ సినిమాతో దర్శకుడిగా వెండితెరకు పరిచయమవుతున్నారు. ఇందులో నితిన్‌కు జోడీగా కృతిశెట్టి కనిపించనుంది. శ్రేష్ఠ మూవీస్‌ పతాకంపై ఈ సినిమా నిర్మితమవుతోంది. 

ఈ సినిమాలో ఇద్దరు హీరోయిన్లు కనిపించబోతోన్నారు. కృతి శెట్టిని ఆల్రెడీ ఫిక్స్ చేశారు. తాజాగా కేథరిన్ థ్రెసాను మరో హీరోయిన్ గా చిత్రయూనిట్ ప్రకటించింది. ప్రస్తుతం జరుగుతున్న షెడ్యూల్లోనే కేథరిన్ థ్రెసా పాల్గొనబోతున్నారు. కేథరిన్ థ్రెసా, నితిన్లు కలిసి నటిస్తున్న మొదటి చిత్రం ఇదే. నితిన్ ను ఇది వరకెప్పుడూ చూడని కొత్త అవతారంలో దర్శకుడు ఎంఎస్ రాజశేఖర్ రెడ్డి చూపించబోతోన్నారు. ఇంకా ఈ చిత్రంలో ఎంతో మంది ప్రముఖ నటీనటులున్నారు. అద్భుతమైన సాంకేతిక బృందం ఈ సినిమా కోసం పని చేస్తోంది.

'భీష్మ', 'మాస్ట్రో' వంటి చిత్రాల తరువాత మూడోసారి మహతి స్వరసాగర్ తో కలిసి నితిన్ పని చేస్తున్నారు. ప్రసాద్ మూరెళ్ల కెమెరామెన్ గా, మామిడాల తిరుపతి మాటల రచయితగా, సాహి సురేష్ ఆర్ట్ డైరెక్టర్గా, కోటగిరి వెంకటేశ్వరరావు ఎడిటర్గా బాధ్యతలు నిర్వహిస్తున్నారు. ఇప్పటికే సినిమా మీద పాజిటివ్ బజ్ క్రియేట్ అయింది. ఈ చిత్రాన్ని ఏప్రిల్ 29న ప్రపంచ వ్యాప్తంగా విడుదల చేయబోతోన్నారు. 

Welcoming the Dazzling Actress @CatherineTresa1 on-board to #MacherlaNiyojakavargam 😍

In Cinemas Worldwide from April 29th, 2022! 🚩@actor_nithiin @IamKrithiShetty @SrSekkhar @mahathi_sagar #SudhakarReddy #NikithaReddy #RajkumarAkella @SreshthMovies pic.twitter.com/tkTvDHPlyQ

— Sreshth Movies (@SreshthMovies) November 16, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి