Nelson Dilipkumar: రజనీకాంత్‌ను అలా చూపించొద్దన్నారు, భయమేసినా వెనక్కి తగ్గలేదు: ‘జైలర్’ దర్శకుడు నెల్సన్‌

Nelson Dilipkumar: ‘జైలర్’ మూవీ గురించి దర్శకుడు నెల్సన్‌ దిలీప్‌ కుమార్‌ ఆసక్తికర విషయాలు వెల్లడించారు. ఈ సినిమాలో రజనీకాంత్ గెటప్ విషయంలో ఏమాత్రం కాంప్రమైజ్ కాలేదని చెప్పారు.

రజనీ, నెల్సన్(Photo Credit: Nelson Dilipkumar/Instagaram)

Nelson Dilipkumar About Rajinikanth’s Look in Jailer Movie: తమిళ సూపర్ స్టార్ రజనీకాంత్ నటించి లేటెస్ట్ బ్లాక్ బస్టర్ మూవీ ‘జైలర్’. వరుస పరాజయాలతో సతమతం అవుతున్న రజనీకి ఈ సినిమా మాంచి బూస్టింగ్ ఇచ్చింది. ఈ సినిమాతో ఆయన కెరీర్ మరింత సక్సెస్ ఫుల్ గా కొనసాగుతోంది. నెల్సన్ దిలీప్ కుమార్ తెరకెక్కించిన ఈ చిత్రంలో ఆయన ముత్తువేల్ పాండ్య‌న్‌గా కనిపించారు. తమ మార్క్ నటనతో అందరినీ ఆకట్టుకున్నారు. ఈ మూవీ రజనీకాంత్ కెరీర్ లోనే అత్యధిక వసూళ్లు సాధించిన చిత్రంగా నిలిచింది. తాజాగా ఓ ఇంటర్వ్యూలో పాల్గొన్న ‘జైలర్’ దర్శకుడు నెల్సల్  ఈ చిత్రం గురించి, ఈ సినిమా రజనీ గెటప్ గురించి పలు కీలక విషయాలు వెల్లడించారు.

భయం కలిగినా వెనక్కి తగ్గలేదు- నెల్సన్ దిలీప్ కుమార్

‘జైలర్’ సినిమా మొదలు పెట్టిన సమయంలో ఆయన అభిమానులతో పాటు పలువురు ప్రముఖుల నుంచి తనకు కొన్ని మెసేస్ లు వచ్చినట్లు నెల్సన్ తెలిపారు. ఆయనను సినిమాలో ఎలా చూపించాలో ఆ మెసేజ్ లలో సూచించినట్లు వెల్లడించారు. రజనీకాంత్ తో ఎలాంటి ప్రయోగాలు చేసినా ఫర్వాలేదు గానీ, ఆయన జుట్టును మాత్రం తెల్లగా చూపించకూదన్నారట. గత సినిమాల మాదిరిగానే ఆయన గెటప్ ఉండేలా చూడాలన్నారట. ఈ సందేశాలతో తనకు పెద్ద సవాల్ ఎదురవుతుందని భావించినట్లు చెప్పారు నెల్సన్. తాను రాసుకున్న కథ ప్రకారం రజనీకాంత్ ను పెద్ద వయసు వ్యక్తిగానే చూపించాలి. కానీ, ఫ్యాన్స్ నుంచి వస్తున్న ఒత్తిళ్లు తనకు ఇబ్బంది కలిగిస్తాయని భావించినట్లు చెప్పుకొచ్చారు. ఒకానొక సమయంలో ఆయనను పెద్ద వయసు వ్యక్తిగా చూపించి సక్సెస్ అవుతానా? అని భయం కూడా కలిగినట్లు చెప్పారు. ఏది ఏమైనా, ఎన్ని విమర్శలు వచ్చినా ఫర్వాలేదని ఫిక్స్ అయినట్లు చెప్పారు. తాను అనుకున్నట్లుగానే ‘జైలర్’ సినిమాలో రజనీకాంత్ ను చూపించినట్లు చెప్పారు. కొద్ది రోజులు షూటింగ్ అయ్యాక, తన మీద తనకు నమ్మకం కలిగిందన్నారు. సినిమా విడుదలయ్యాక తన నమ్మకం నిలబడింది” అని నెల్సన్ చెప్పుకొచ్చారు.

రజనీకాంత్‌, రమ్యకృష్ణ  ప్రధానపాత్రల్లో నటించిన ఈ చిత్రంలో మోహన్‌లాల్, శివరాజ్‌కుమార్ కీలక పాత్రలు పోషించారు. తమన్నా భాటియా,  జాకీ ష్రాఫ్, మర్నా మీనన్, సునీల్, నాగబాబు, యోగి బాబు, వసంత్ రవి ఇతర కీలక పాత్రల్లో నటించారు. ‘జైలర్‌’ను సన్ పిక్చర్స్ ప్రతిష్టాత్మకంగా నిర్మించింది. అనిరుధ్ రవిచందర్ అద్భుత సంగీతాన్ని అందించారు.

Thalaivar170లో నటిస్తున్న రజనీకాంత్

ఇక ప్రస్తుతం రజనీకాంత్ టీజే జ్ఞానవేల్ దర్శకత్వంలో ఓ సినిమా చేస్తున్నారు. Thalaivar170 వర్కింగ్ టైటిల్ తో ఈ సినిమా రూపొందుతోంది. ప్రస్తుతం ఈ సినిమా షూటింగ్ శరవేగంగా కొనసాగుతోంది. ఈ చిత్రంలో అమితాబ్‌ బచ్చన్‌, ఫహాద్‌ ఫాజిల్‌, రానా కీలక పాత్రలు పోషిస్తున్నారు. మంజు వారియర్‌, రితికా సింగ్‌, దుషార విజయన్‌ ముఖ్య పాత్రల్లో నటిస్తున్నారు. యథార్థ సంఘటనల ఆధారంగా రాసుకున్న కథతో ఈ మూవీ రూపొందుతోంది. ఈ సినిమాకు కూడా అనిరుధ్‌ మ్యూజిక్ అందిస్తున్నారు.