Akhanda Title Song Promo: ‘అఖండ’ టైటిల్ సాంగ్ ప్రోమో.. బాలయ్య విశ్వరూపం చూస్తే పూనకాలు ఖాయం!
బాలకృష్ణ హీరోగా నటిస్తున్న ‘అఖండ’ టైటిల్ సాంగ్ ప్రోమో వచ్చేసింది. ఫుల్ సాంగ్ కోసం ఈ నెల 8 వరకు వేచి చూడాల్సిందే.
బాలకృష్ణ, బోయపాటి శ్రీను కాంబినేషన్ అంటే.. అంచనాలు ఏ స్థాయిలో ఉంటాయో తెలిసిందే. ఈ కాంబోలో తాజాగా తెరకెక్కుతున్న ‘అఖండ’ చిత్రంపై కూడా అభిమానులు ఎన్నో ఆశలు పెట్టుకున్నారు. పైగా ఇందులో బాలకృష్ణ ఎన్నడూ కనిపించని భిన్నమైన పాత్రలో కనిపిస్తున్నారు. ఆయన లుక్ చూస్తుంటేనే ఫ్యాన్స్లో పూనకాలు వచ్చేస్తున్నాయి. మరి.. ఈ సినిమా హిట్ కొడితే బాలయ్య అభిమానులకు ఆనందానికి హద్దే ఉండదు. అయితే, చాలా రోజుల నుంచి బాలయ్య అభిమానులు ఈ సినిమా అప్డేట్ కోసం ఎదురుచూస్తున్నారు. దీపావళి సందర్భంగా.. చిత్రయూనిట్ ఎట్టకేలకు ‘అఖండ’ సినిమా టైటిల్ సాంగ్ ప్రోమోను వదిలారు. ‘‘భమ్ అఖండ.. భమ్ అఖండ.. రాగ జ్వాలమై.. పాతరా ధీనుల కళ్ల నిండా..’’ అనే ఈ సాంగ్ వింటే రోమాలు నిక్కబొడుచుకోవడం ఖాయం. ఈ పాట ప్రోమో విడుదల కావడంతో బాలయ్య ఫ్యాన్స్ పండగ చేసుకుంటున్నారు. అయితే, ఈ ఫుల్ సాంగ్ కోసం ఈ నెల 8 వరకు వేచి చూడాల్సిందే.
‘అఖండ’ చిత్రం షూటింగ్ పూర్తిచేసుకున్నా.. అనివార్య కారణాల వల్ల విడుదల తేదీ వాయిదా పడుతూ వస్తోంది. దీపావళికి విడుదల చేస్తారని భావించిన అభిమానులకు నిరాశే ఎదురైంది. కనీసం టీజర్ కూడా విడుదల కాకపోవడంతో విడుదల ఈ ఏడాదిలో ఉంటుందా లేదా అనే సందిగ్దం నెలకొంది. ఈ నేపథ్యంలో డిసెంబరు 2వ తేదీన ఈ చిత్రాన్ని విడుదల చేయాలనే ఆలోచనలో చిత్ర యూనిట్ ఉన్నట్లు తెలుస్తోంది. అయితే, దీనిపై అధికారిక ప్రకటన విడుదల కావాల్సి ఉంది. అయితే, అభిమానులను నిరాశపరచకుండా బోయపాటి ఎప్పటికప్పుడు ఈ సినిమాపై అప్డేట్స్ ఇస్తూనే అభిమానులను ఊరిస్తూ వస్తున్నారు.
మిర్యాల రవీందర్ రెడ్డి నిర్మిస్తున్న ఈ చిత్రంలో బాలయ్య అఘోరాగా, రైతుగా కనిపిస్తారని తాజా లుక్స్ బట్టి చెబుతున్నారు. అయితే, చిత్ర యూనిట్ మాత్రం ఎలాంటి లీకులు లేకుండా జాగ్రత్తపడుతున్నారు. ఈ చిత్రంలో బాలకృష్ణ సరసన ప్రగ్యా జైస్వాల్ హీరోయిన్గా నటించింది. నటి పూర్ణ మరో ముఖ్యపాత్రలో కనిపించనుంది. ఇందులో శ్రీకాంత్ విలన్గా కనిపించనున్నాడు. ఈ చిత్రంలోని భారీ యాక్షన్ సన్నివేశాలు ప్రేక్షకులను కట్టిపడేస్తాయని టాక్. ఈ చిత్రానికి తమన్ సంగీతం అందించాడు. గతంలో బాలయ్య- బోయపాటి కాంబినేషనల్లో వచ్చిన ‘సింహ’, ‘లెజెంట్’ తరహాలోనే ‘అఖండ’ కూడా మంచి విజయాన్ని సొంతం చేసుకుంటుందని అభిమానులు ఆశిస్తున్నారు.
Also Read: మెగాఫ్యామిలీతో బన్నీ సందడి... వైభవంగా దీపావళి వేడుకలు
Also Read: ‘టైగర్ నాగేశ్వరరావు’ ఎవరు? 1974లో ఆ దోపిడీ హైలెట్.. రవితేజ చిత్రం ఆసక్తికర విషయాలు
Also Read: పునీత్ ఆఖరి క్షణాలు.. ఇంటి నుంచి హాస్పిటల్కు వెళ్తున్న వీడియో వైరల్
Also Read: 'మంచి రోజులు వచ్చాయి' రివ్యూ.. మంచి నవ్వులు వచ్చాయి! కానీ...
ఇట్రస్టింగ్ వీడియోలు, విశ్లేషణల కోసం ABP Desam YouTube Channel సబ్స్క్రైబ్ చేయండి
టాప్ హెడ్ లైన్స్
ట్రెండింగ్ వార్తలు
and tablets