NBK109: అదిరిపోయే అప్డేట్ ఇచ్చిన మూవీ టీం - బాలయ్యకు విలన్గా 'యానిమల్' స్టార్
Bobby Deol Birthday: బాలయ్య NBK109 మూవీ నుంచి అదిరిపోయే అప్డేట్ వదిలారు మేకర్స్. ఈ సినిమాలో బాలయ్యకు పోటీగా 'యానిమల్' విలన్ను దింపుతున్నట్టు కొద్ది రోజులుగా ప్రచారం జరుగుతున్న సంగతి తెలిసిందే.
NBK109 Latest Update: నందమూరి బాలకృష్ణ క్రేజ్ గురించి ప్రత్యేకంగా పరిచయం అక్కర్లేదు. ఆయన పేరు వింటే చాలు ఆడియన్స్లో ఓ ఊపు, జోష్ వచ్చేస్తుంది. అంతగా తన నటన, డ్యాన్స్తో ఆకట్టుకుంటాడు బాలయ్య. ఫ్యాక్షనిజం నేపథ్యంలో మాస్ సినిమాలు చేస్తూ గాడ్ ఆఫ్ మాసెస్గా పేరు తెచ్చుకున్నాడు. తన డైలాగ్ డెలవరి, మాస్ మ్యానరిజంతో ప్రేక్షకుల్లో పూనకలు తెప్పిస్తాడు. ప్రస్తుతం 62 ఏళ్ల వయసులోనూ అదే జోరు, జోష్తో యంగ్ హీరోలకు గట్టి పోటీ ఇస్తున్నారు. ఈ మధ్య వరుస హిట్స్తో దూసుకుపోతున్న బాలయ్య బ్యాక్ టూ బ్యాక్ సినిమాలకు రెడీ అయ్యాడు. రీసెంట్గా భగవంత్ కేసరితో భారీ హిట్ కొట్టిన బాలయ్య బాబు ఇప్పుడు మరో భారీ ప్రాజెక్ట్కు రెడీ అయ్యాడు.
డైరెక్టర్ బాబీ దర్శకత్వంలో NBK109 సినిమా చేయబోతున్నాడు. ఇటీవల రెగ్యూలర్ షూటింగ్ను కూడా మొదలు పెట్టారు. అప్పటి నుంచి NBK109 నుంచి తరచూ ఏదోక అప్డేట్ బయటకు వస్తూ ఫ్యాన్స్లో క్యూరియసిటీ పెంచుతుంది. తాజాగా ఈ మూవీ నుంచి అదిరిపోయే అప్డేట్ వదిలారు మేకర్స్. ఈ సినిమాలో బాలయ్యకు పోటీగా 'యానిమల్' విలన్ను దింపుతున్నట్టు కొద్ది రోజులుగా ప్రచారం జరుగుతున్న సంగతి తెలిసిందే. ఇప్పుడు అదే నిజం చేస్తూ తాజాగా క్రేజ్ ప్రకటన ఇచ్చింది మూవీ టీం. ఈ సినిమాలో బాబీ డియోల్ నటిస్తున్నట్టు అధికారిక ప్రకటన వచ్చింది. ఈ రోజు బాబీ డియోల్ బర్త్డే. ఈ సందర్భంగా ఆయన అప్కమ్మింగ్ చిత్రాలపై అప్డేట్స్ వస్తున్నాయి.
Also Read: ఆహాలోకి వచ్చేస్తోన్న ‘పిండం’ - ఆ రోజు నుంచే స్ట్రీమింగ్
ఈ నేపథ్యలో NBK109 నుంచి కూడా అతడి అప్డేట్ వచ్చింది. బాబీ డియోల్ను మూవీ సెట్లోకి ఆహ్వానిస్తూ తాజాగా ఆయన ఫస్ట్లుక్ పోస్టర్ను రిలీజ్ చేశారు. "హ్యాపీ బర్త్డే బాబీ డియోల్. వెల్కమ్ టూ NBK109 సెట్" అంటూ అతడికి మూవీ టీం స్వాగతం పలికింది. ఈ అప్డేట్ చూసి నందమూరి ఫ్యాన్స్ ఫుల్ ఖుష్ అవుతున్నారు. నటసింహానికి.. సరైన విలన్ని దింపుతున్నారని, డైరెక్టర్ బాబీ ఈ మూవీని ఏ లెవల్లో ప్లాన్ చేశాడో బాబీ డియోల్ ఎంపికతో అర్థమైపోతుదంటున్నారు. ఇక థియేటర్లో నందమూరి ఫ్యాన్స్, ఆడియన్స్కి పూనకాలు ఖాయమంటూ తెగ సంబర పడిపోతున్నారు. కాగా సితారా ఎంటర్టైన్మెంట్స్, ఫార్చన్ ఫోర్ సినిమాస్, శ్రీకర స్టూడియోస్ బ్యానర్లపై సాయి సౌజన్య, నాగ వంశీ సంయుక్తంగా ఈ సినిమాను నిర్మిస్తున్నారు.
Welcome aboard #BobbyDeol garu, A great bundle of talent with enigmatic screen presence! ❤️🔥
— Bobby (@dirbobby) January 27, 2024
Happy Birthday sir, can't wait to see you unleash yourself with the Lion #NandamuriBalakrishna garu on Big Screens in our #NBK109 🔥@Vamsi84 #SaiSoujanya @SitharaEnts @Fortune4Cinemas… pic.twitter.com/zZmVoc46Kq
టాప్ హెడ్ లైన్స్
ట్రెండింగ్ వార్తలు
