Manjima Mohan: హీరోతో ప్రేమాయణం - అఫీషియల్ గా వెల్లడించిన నటి!
తన ప్రేమ విషయాన్ని అఫీషియల్ గా వెల్లడించింది మంజిమా మోహన్.
కోలీవుడ్ నటుడు గౌతమ్ కార్తిక్(Gautham Karthik), మంజిమా మోహన్(Manjima Mohan) ప్రేమలో ఉన్నట్లు చాలా కాలంగా ప్రచారం జరుగుతోంది. వీరిద్దరూ పెళ్లి కూడా చేసుకోబోతున్నట్లు కోలీవుడ్ మీడియాలో వార్తలొచ్చాయి. తాజాగా తమ ప్రేమ విషయాన్ని అఫీషియల్ గా వెల్లడించింది మంజిమా మోహన్. ఈ మేరకు ఇన్స్టాగ్రామ్ లో కొన్ని ఫొటోలను షేర్ చేస్తూ.. గౌతమ్ గురించి గొప్పగా రాసుకొచ్చింది.
Manjima Mohan announces her relationship with Gautham Karthik: 'మూడేళ్ల క్రితం నేను అన్నీ కోల్పోయిన పరిస్థితిలో ఉన్నప్పుడు గార్డియన్ ఏంజిల్ లా నువ్ నా లైఫ్ లోకి వచ్చావ్. జీవితంపై నా దృక్పథాన్ని మార్చావ్. నా లైఫ్ గందరగోళంగా అనిపించిన ప్రతీసారి ఆ పరిస్థితి నుంచి నన్ను బయటకు లాగడానికి ప్రయత్నించావ్. నా లోపాలను నేను అంగీకరించి లైఫ్ లీడ్ చేసేలా చేశావ్. నన్ను ఎంతగా ప్రేమిస్తావో నాకు తెలుసు. నువ్వే నాకన్నీ' అంటూ ఎమోషనల్ గా రాసుకొచ్చింది. ఈ పోస్ట్ చూసిన సెలబ్రిటీలు, అభిమానులు మంజిమా, గౌతమ్ లకు కంగ్రాట్స్ చెబుతూ కామెంట్స్ చేస్తున్నారు.
2019లో దేవరత్తమ్ సినిమా షూటింగ్ సమయంలో వీరిద్దరి మధ్య ప్రేమ చిగురించింది. అప్పటినుంచి వీరిద్దరూ చెన్నైలో కలిసే ఉంటున్నారని సమాచారం. ఇప్పుడు వీరి పెళ్లి ఇరు కుటుంబ సభ్యులు గ్రీన్ సిగ్నల్ ఇచ్చినట్లు తెలుస్తోంది. త్వరలోనే ఈ జంట పెళ్లిపీటలు ఎక్కబోతుంది.
అలనాటి హీరో నవరస నయగన్ కార్తీక్ తనయుడే గౌతమ్ కార్తీక్.మణిరత్నం దర్శకత్వంలో తెరకెక్కిన 'కడల్' అనే సినిమాతో గౌతమ్ హీరోగా పరిచయమయ్యారు. ఈ సినిమాను 'కడలి' అనే పేరుతో తెలుగులో డబ్ చేశారు. ఈ సినిమా కమర్షియల్గా సక్సెస్ సాధించలేకపోయినా.. గౌతమ్కు మాత్రం మంచి పేరు తీసుకొచ్చింది. ప్రస్తుతం 'పాతు తల' అనే సినిమాలో నటిస్తున్నారు గౌతమ్ కార్తీక్. ఇక మంజిమా మోహన్ విషయానికొస్తే.. 'సాహసం శ్వాసగా సాగిపో' సినిమా ద్వారా తెలుగు ప్రేక్షకులకు పరిచయమైంది. ఆ తరువాత 'ఎన్టీఆర్' బయోపిక్ లో కనిపించింది. ఎక్కువగా తమిళ, మలయాళ చిత్రాల్లోనే నటిస్తోంది.
Also Read: 'ఫ్యాన్స్ నన్ను కొడతారు' - ప్రభాస్తో సినిమాపై మారుతి కామెంట్స్!
View this post on Instagram
టాప్ హెడ్ లైన్స్
ట్రెండింగ్ వార్తలు
