SSMB28: త్రివిక్రమ్, మహేష్ సినిమా రిలీజ్ డేట్ ప్రకటించిన నిర్మాతలు - పెద్ద పండక్కి థియేటర్లలో మాస్ పండగ!
త్రివిక్రమ్, మహేష్ బాబుల కాంబినేషన్‌లో వస్తున్న #SSMB28 సినిమా 2024 జనవరి 13వ తేదీన విడుదల కానుంది.
త్రివిక్రమ్, మహేష్ బాబుల కాంబినేషన్‌లో వస్తున్న మోస్ట్ అవైటెడ్ ప్రాజెక్టు ‘#SSMB28’ విడుదల తేదీని నిర్మాతలు ప్రకటించారు. సంక్రాంతి సందర్భంగా 2024 జనవరి 13వ తేదీన ఈ చిత్రం థియేటర్లలో విడుదల కానుంది. ఈ విషయాన్ని నిర్మాతలు ఫస్ట్ లుక్ పోస్టర్ ద్వారా ప్రకటించారు. చేతిలో సిగరెట్‌తో మాసీ లుక్‌లో మహేష్ బాబును ఈ పోస్టర్‌లో చూడవచ్చు.
The Reigning Superstar @urstrulymahesh in an all new MASS avatar is all set to meet you with #SSMB28 in theatres from 13th January 2024 worldwide! 🤩#SSMB28FromJAN13 🎬🍿#Trivikram @hegdepooja @sreeleela14 @MusicThaman @vamsi84 #PSVinod @NavinNooli #ASPrakash @haarikahassine pic.twitter.com/qqXjnJphqH
— Haarika & Hassine Creations (@haarikahassine) March 26, 2023
సూపర్ స్టార్ మహేష్ బాబు (Mahesh Babu) కథానాయకుడిగా గురూజీ త్రివిక్రమ్ (Trivikram Srinivas) దర్శకత్వం వహిస్తున్న సినిమా చిత్రీకరణ శరవేగంగా జరుగుతోంది. ఇందులో మలయాళ నటుడు జయరామ్ (Actor Jayaram) ఓ పాత్రలో నటిస్తున్నారు. ఈ విషయాన్ని ఆయన కన్ఫర్మ్ చేశారు.
''థియేటర్లలో కృష్ణ గారి సినిమాలు చూస్తూ పెరిగాను. ఇప్పుడు ఆయన కుమారుడు, గొప్ప వ్యక్తి మహేష్ బాబుతో పని చేస్తున్నాను. ఇప్పుడు మరోసారి మా త్రివిక్రమ్ దర్శకత్వంలో నటించడం సంతోషంగా ఉంది'' అని జయరామ్ సోషల్ మీడియాలో పేర్కొన్నారు.
త్రివిక్రమ్ దర్శకత్వం వహించిన లాస్ట్ సినిమా 'అల వైకుంఠపురములో' జయరామ్ నటించారు. హీరో నిజమైన తండ్రి పాత్రలో, టబు భర్తగా కనిపించారు. ఆయనకు త్రివిక్రమ్ తన తాజా సినిమాలో కూడా అవకాశం ఇచ్చారు.
'అతడు', 'ఖలేజా' తర్వాత... సుమారు పదమూడు ఏళ్ళ విరామం తర్వాత మహేష్ బాబు హీరోగా గురూజీ త్రివిక్రమ్ (Trivikram Srinivas) సినిమా చేస్తున్నారు. లాస్ట్ ఇయర్ సినిమా గురించి అనౌన్స్ చేశారు. చిన్న షెడ్యూల్ చేశారు. అయితే, పూర్తి స్థాయిలో రెగ్యులర్ షూటింగ్ స్టార్ట్ చేసింది మాత్రం 2023లోనే. ప్రస్తుతం ఈ సినిమా షూటింగ్ శరవేగంగా జరుగుతోంది.
ఏప్రిల్ నెలాఖరుకు పాటలు, ఒక ఫైట్ మినహా మిగతా టాకీ పార్ట్ అంతా కంప్లీట్ చేసేలా షూటింగ్ చేస్తున్నారట. త్రివిక్రమ్ పక్కా ప్లానింగుతో ముందుకు వెళ్తున్నారు. ఈ మధ్య కాలంలో నాలుగు నెలల్లో మహేష్ సినిమా పూర్తైన దాఖలాలు లేవు. పూరి జగన్నాథ్ ఒక్కరే 'బిజినెస్ మేన్' సినిమాను చకచకా తీశారు.
ఇటీవల సోషల్ మీడియాలో మహేష్ బాబు రెండు ఫోటోలు పోస్ట్ చేశారు. ఆ రెండు చూస్తే... ఒక విషయం క్లారిటీగా కనబడుతుంది. ఆయన బైసెప్స్. స్లీవ్ లెస్ టీ షర్టులో మహేష్ కండలు చూపిస్తూ కనిపించారు.
హారిక అండ్ హాసిని క్రియేషన్స్ పతాకంపై సూర్యదేవర రాధాకృష్ణ (చినబాబు) ఈ చిత్రాన్ని నిర్మిస్తున్నారు. 'మహర్షి' తర్వాత మరోసారి మహేష్ బాబు సరసన పూజా హెగ్డే కథానాయికగా నటిస్తున్నారు. ఇందులో మరో కథానాయికగా శ్రీలీల నటిస్తున్నారు. ఈ చిత్రానికి తమన్ సంగీతం అందిస్తున్నారు.
టాప్ హెడ్ లైన్స్
ట్రెండింగ్ వార్తలు
