Love Me Release Date: ‘లవ్ మీ’ నుంచి క్రేజీ అప్ డేట్ - దెయ్యంతో ప్రేమకథ ప్రేక్షకుల ముందుకు వచ్చేది ఎప్పుడంటే?

దిల్ రాజు సోదరిడి కుమారుడు ఆశిష్ హీరోగా నటిస్తున్న తాజా చిత్రం ‘లవ్ మీ‘. ప్రస్తుతం శరవేగంగా నిర్మాణ పనులు జరుపుకుంటున్నది. ఈ నేపథ్యంలో మేకర్స్ కీలక అప్ డేట్ ఇచ్చారు.

‘లవ్ మీ‘ మూవీ(Photo Credit: Dil Raju Productions/twitter)

Love Me Release Date Announced: యువ హీరో ఆశిష్, 'బేబీ' ఫేమ్ వైష్ణవి చైతన్య జంటగా నటిస్తున్న లేటెస్ట్ మూవీ ‘లవ్ మీ‘. దర్శకుడు అరుణ్ భీమవరపు ఈ సినిమాను తెరకెక్కిస్తున్నారు. శిరీష్ సమర్పణలో దిల్ రాజు ప్రొడక్షన్స్ బ్యానర్ మీద హర్షిత్ రెడ్డి, హన్షితా రెడ్డి, నాగ మల్లిడి ఈ మూవీని నిర్మిస్తున్నారు. ఇప్పటికే ఈ సినిమా నుంచి విడుదలైన ఫస్ట్ లుక్ పోస్టర్లు, టీజర్ ప్రేక్షకులను బాగా ఆకట్టుకున్నాయి. సినిమాపై భారీగా అంచనాలు పెంచాయి.

ఏప్రిల్ 25న ‘లవ్ మీ‘ విడుదల

తాజాగా ఈ సినిమాకు సంబంధించి మేకర్స్ కీలక అప్ డేట్ ఇచ్చారు. ఈ సినిమా విడుదలకు సంబంధించి క్లారిటీ ఇచ్చేశారు. ఏప్రిల్ 25న ఈ సినిమాను ప్రపంచ వ్యాప్తంగా విడుదల చేయబోతున్నట్లు తెలిపారు. ఈ మేరకు సోషల్ మీడియా వేదిక ఓ పోస్టర్ విడుదల చేశారు. ఈ పోస్టర్ లో ఆశిష్, వైష్ణవి చైతన్య ప్రేమగా హగ్ చేసుకున్నారు. ఈ ప్రకటనతో సినీ అభిమానులు ఫుల్ ఖుషీ అవుతున్నారు. ఈ సినిమా కూడా ‘బేబీ‘ మాదిరిగానే మంచి సక్సెస్ అందుకుంటుందని ఆకాంక్షిస్తున్నారు.  

This summer is all about #GhostLove 💘#LoveMe - '𝑰𝒇 𝒚𝒐𝒖 𝒅𝒂𝒓𝒆', A love story that will haunt you, QUITE LITERALLY 🧟‍♀️ ❤‍🔥

In theatres from 𝐀𝐏𝐑𝐈𝐋 𝟐𝟓𝐭𝐡 𝐰𝐨𝐫𝐥𝐝𝐰𝐢𝐝𝐞 💓@AshishVoffl @iamvaishnavi04 @mmkeeravaani @pcsreeram #ArunBhimavarapu @artkolla… pic.twitter.com/hDsRAbHJrS

— Dil Raju Productions (@DilRajuProdctns) March 24, 2024

ఈ సినిమా ‘ఆర్య’ లాగే సక్సెస్ అవుతుంది - దిల్ రాజు

ఇక రీసెంట్ గా జరిగిన టీజర్ లాంచ్ ఈవెంట్ లో నిర్మాత దిల్ రాజు ఈ సినిమా గురించి ఇంట్రెస్టింగ్ కామెంట్స్ చేశారు. ఈ సినిమా కథను విన్నప్పుడు ‘ఆర్య’ సినిమా స్టోరీ గుర్తుకు వచ్చినట్లు చెప్పారు. “లవ్ మీ’ సినిమా కథ వినగానే ఓ ఇరవై ఏళ్లు వెనక్కి వెళ్లా. ఆర్య కథ విన్నప్పుడు ఎలా ఎగ్జైట్ అయ్యానో... మళ్లీ అలా ఎగ్జైట్ అయ్యాను. ఇదొక న్యూ ఏజ్ ఫిల్మ్. కథ చెప్పి నన్ను గెలిచారు. కొత్త వాళ్లతో ‘బలగం’ తీశాం. కొత్త వాళ్లని ఎంకరేజ్ చేయాలని దిల్ రాజు ప్రొడక్షన్స్ పెట్టాం. ఈ కథను చాలా మందికి చెప్పాం. అందరూ ఎగ్జైట్ అయ్యారు. ఓ స్క్రిప్ట్ ఈ రేంజ్‌లో ఎగ్జైట్ చేయించడం చాలా అరుదుగా చూస్తాం. ఇక సినిమా విడుదలై ప్రేక్షకుల నుంచి మంచి స్పందన రాబట్టుకుంటుందని నాకు నమ్మకంగా ఉంది. నాకు ఆర్య విషయంలో ఏం జరిగిందో.. మీ అందరికీ అదే జరగబోతోందనే వైబ్స్ వస్తున్నాయి. సినిమా టీంకు ఆల్ ది బెస్ట్’’ అన్నారు.

ఏప్రిల్ లో దిల్ రాజు బ్యానర్ నుంచి 2 సినిమాలు విడుదల

‘లవ్ మీ’ సినిమా ఏప్రిల్ 5న విడుదలకు రెడీ అవుతుండగా, ఏప్రిల్ 5న దిల్ రాజు నిర్మాణం అవుతున్న విజయ్ దేవరకొండ ‘ఫ్యామిలీ స్టార్’ ప్రేక్షకులు ముందుకు రానుంది. ఒకే నెలలో దిల్ రాజు బ్యానర్ నుంచి రెండు సినిమాలు రాబోతున్నాయి. ఈ రెండు సినిమాలపై భారీగా అంచనాలు నెలకొన్నాయి. ప్రేక్షకులను ఎలా ఆకట్టుకుంటాయో చూడాలి.