Salaar Movie: 'సలార్'లో ప్రభాస్ డ్యుయెల్ రోల్! తండ్రి, కొడుకు పాత్రల్లో కనిపించనున్నాడా?

ప్రభాస్ నటిస్తున్న తాజా చిత్రం ‘సలార్’. త్వరలో ఈ మూవీ ఫస్ట్ పార్ట్ రిలీజ్ కానుంది. రీసెంట్ గా ఈ చిత్రానికి సంబంధించి ఓ న్యూస్ వైరల్ అవుతోంది. ఇందులో ప్రభాస్ డ్యుయెల్ రోల్ చేస్తున్నట్లు తెలుస్తోంది.

Photo Credit: Hombale Films/twitter

పాన్ ఇండియన్ హీరో రెబల్ స్టార్ ప్రభాస్ నటిస్తున్న తాజా చిత్రం ‘సలార్’. సెప్టెంబర్ 28న ఈ సినిమా ప్రేక్షకుల ముందుకు రానుంది. పలు భారతీయ భాషల్లో పెద్ద ఎత్తున రిలీజ్ కానుంది. ఇప్పటికే ఈ సినిమాకు సంబంధించిన టీజర్ ను మేకర్స్ అఫీషియల్ గా విడుదల చేశారు. సినీ అభిమానుల నుంచి ఈ టీజర్ కు మంచి రెస్పాన్స్ వచ్చింది.  ఈ సినిమాపై దేశ వ్యాప్తంగా భారీగా అంచనాలు నెలకొన్నాయి. ఎప్పుడెప్పుడు ఈ మూవీ చూద్దామా? అని ప్రేక్షకులు ఎదురు చూస్తున్నారు. 

‘సలార్’లో ప్రభాస్ డ్యుయెల్ రోల్?

ప్రశాంత్ నీల్ దర్శకత్వం వహిస్తున్న ఈ సినిమాకు సంబంధించి రీసెంట్ గా ఓ కీలక విషయం బయటకు వచ్చింది. ఇందులో ప్రభాస్ డ్యుయెల్ రోల్ పోషిస్తున్నట్లు తెలుస్తోంది. తండ్రి, కొడుకు పాత్రల్లో ప్రభాస్ నటిస్తున్నట్లు సమాచారం. 1000 మంది ప్రత్యర్థులతో తండ్రి, కొడుకులు కలిసి పోరాడే యాక్షన్ సీన్లు సినిమాకే హైలెట్ గా నిలవనున్నట్లు తెలుస్తోంది. ఒక ప్రభాస్ ను వెయ్యి మంది శత్రువులు చుట్టుముట్టడంతో, అతడిని రక్షించడానికి మరో ప్రభాస్ వస్తాడని తెలుస్తోంది. శత్రువుల బారి నుంచి కాపాడుతాడని ఇండస్ట్రీలో టాక్ నడుస్తోంది.

రూ. 400 కోట్లతో రూపొందుతున్న ‘సలార్’

ఇక 'KGF' సిరీస్‌ సక్సెస్ తో దానికి మించిన విజయాన్ని అందుకునేలా దర్శకుడు ప్రశాంత్ నీల్ ఈ సినిమాను తెరకెక్కిస్తున్నారు.  హోంబలే నిర్మాణ సంస్థ ఈ చిత్రం కోసం భారీగా బడ్జెట్ సమకూర్చుతోంది. సుమారు రూ. 400 కోట్లతో ఈ సినిమాను రూపొందిస్తున్నట్లు నిర్మాత విజయ్ కిరగందూర్ తెలిపారు. ఈ హై-ఆక్టేన్ యాక్షన్ చిత్రం రెండు భాగాలుగా ప్రేక్షకుల ముందుకు రాబోతోంది. ఇప్పటికే తొలి భాగం షూటింగ్ పూర్తి చేసుకోగా, పోస్టు ప్రొడక్షన్ పనులు కొనసాగుతున్నాయి.  

'సలార్' పార్ట్ -1  సెప్టెంబర్ 28న ప్రపంచ వ్యాప్తంగా విడుదల

దర్శకుడు ప్రశాంత్ నీల్ ఈ సినిమాని మాఫియా, గ్యాంగ్ స్టర్ నేపథ్యంలో ప్రతిష్టాత్మకంగా తెరకెక్కిస్తున్నారు. ప్రభాస్ సరసన ఈ సినిమాలో శృతిహాసన్ హీరోయిన్ గా నటిస్తోంది. సినిమాలో శృతిహాసన్ 'ఆధ్య' అనే జర్నలిస్టు పాత్రలో కనిపించనున్నట్లు టాక్ వినిపిస్తోంది. హోంబలే ఫిల్మ్స్ పతాకంపై విజయ్ కిరగంధూర్ ఈ సినిమాను పాన్ ఇండియా స్థాయిలో తెలుగుతోపాటు హిందీ, తమిళ, కన్నడ, మలయాళ భాషల్లో నిర్మిస్తున్నారు. రవి బాస్రూర్ సంగీతమందిస్తున్న ఈ సినిమాలో సీనియర్ నటుడు జగపతిబాబు, మలయాళ అగ్ర హీరో పృథ్వీరాజ్ కుమార్ విలన్ పాత్రలు పోషిస్తున్నారు. ఇక రెండు భాగాలుగా 'సలార్' మూవీ రాబోతుందని తాజాగా విడుదల చేసిన టీజర్ లో స్పష్టం చేశారు మేకర్స్. 'సలార్' పార్ట్ -1  ప్రపంచ వ్యాప్తంగా సెప్టెంబర్ 28న విడుదల కానుంది. అటు ‘మహానటి’ దర్శకుడు నాగ్ అశ్విన్‌తో కలిసి ప్రభాస్ ‘Kalki 2898 AD’ లోనూ నటిస్తున్నారు. మరోవైపు మారుతి దర్శకత్వంలో ‘రాజా డీలక్స్’ చిత్రంలో యాక్ట్ చేస్తున్నారు.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.

Join Us on Telegram: https://t.me/abpdesamofficial