Illu Illalu Pillalu Serial Today December2nd: శ్రీవల్లి నగలు దొంగని తెలిసిన తర్వాత నర్మద, ప్రేమ ఏం చేశారు..? వాటిని రామరాజుకు ఎవరి ద్వారా అందజేశారు..?

Illu Illalu Pillalu Serial Today Episode December2: నగల దొంగతనం గురించి మామయ్యకు చెబితే చచ్చిపోతానని శ్రీవల్లి బెదిరించడంతో...ప్రేమ,నర్మద ఏం చేశారో ఈరోజు ఏపిసోడ్‌లోచూద్దాం

ఇల్లు ఇల్లాలు పిల్లలు సీరియల్ టుడే ఎపిసోడ్

Source : HOTSTAR

Illu Illalu Pillalu Serial Today Episode : భూమిలో దాచిపెట్టిన బంగారు నగలను శ్రీవల్లిబయటకు తీయడం చూసి ఇంత ఈజీగా దొరుకుతావు అనుకోలేదు అక్కా అంటారు  నర్మదా, ప్రేమ. ఈ నగలు నువ్వే కొట్టేశావని మాకు తెలుసని...నువ్వే వాటిని బయటపెట్టాలని బాబాతో నాటకం ఆడించామని చెప్పడంతో శ్రీవల్లి నోరువెళ్లబెడుతుంది. ఇన్నాళ్లు నువ్వు మోసకారివే అనుకున్నాం. కానీఇప్పుడు నువ్వు దొంగవని తేలిందంటారు.

               నా నగలన్నీ  రోల్డ్‌గోల్డ్‌ నగలని....మా అమ్మ మాత్రం నిజం బంగారమని చెప్పి ఇచ్చిందని మామయ్య గారు ఆ నగలను లాకర్‌లో పెట్టమని చెప్పినప్పుడు  ఆ నిజం బయటపడుతుందనే..ఇలా చేయాల్సి వచ్చిందని ఏడుపు లంకించుకుంటుంది. అంతే తప్ప...నేను కావాలనే దొంగతనం చేయలేదని చెబుతుంది. నీ తప్పులు బయటపడకుండా  చూసుకోవాడం కోసం నన్ను దొంగను చేస్తావా...నన్ను బలిపశువును చేస్తావా అంటూ ప్రేమ ఆగ్రహం వ్యక్తం చేస్తుంది. నా నగలు కొట్టేసిందే కాకుండా...నా భర్తే ఆ నగలుతీసున్నాడని  రామరాజు మామయ్యకు చెబుతావా అంటూ మండిపడుతుంది. ఇప్పుడే  నీ గురించి మామయ్యకు చెబుతామంటూ  వెళ్లబోతారు. దీంతో శ్రీవల్లి వారిద్దరి కాళ్లావేళ్లాపడి బ్రతిమాలుకుటుంది. ఇప్పుడు ఈ విషయం ఇంట్లో తెలిస్తే నన్ను పుట్టింటింకి తరిమేస్తారని...నా కాపురం కూలిపోతుందని ప్రాధేయపడుతుంది. దయచేసి ఈ  విషయం మామయ్యకు చెప్పొద్దని ఏడుస్తుంది. ఎదుటివాళ్ల కాపురం కూలిపోతుందని తెలిసినప్పుడు ఏమైంది ఈ ఏడుపంతా అంటూ నర్మదా ఆగ్రహం వ్యక్తంచేస్తుంది. ప్రేమ నగలు నువ్వు కొట్టేయడమేగాక....ధీరజ్‌ ఆ నగలు ప్రేమ చదువుకోసమే తీసిఉంటాడని చెప్పినప్పుడు వాళ్లు ఎంత బాధపడి ఉంటారని అంటుంది. కాళ్లమీదపడి ఏడ్చినా ప్రేమ ఊరుకోదు.ఆరోజు నర్మద అక్క చెప్పడం వల్లే నీ నిజస్వరూపం తెలిసినా మామయ్యగారికి చెప్పలేదని...ఈరోజు మాత్రం అలాంటి తప్పు చేయలేనని ప్రేమ అంటుంది. దీంతో శ్రీవల్లి ఇంట్లోకి వెళ్లి కిరోసిన్ క్యాన్ తీసుకుని వస్తుంది. మీరు నన్ను దాటి ముందుకు వెళితే ఖచ్చితంగా కాల్చుకుని చస్తానని బెదిరిస్తుంది. దీంతో నర్మదా కొంత కరిగిపోతుంది. ప్రేమ మాత్రం ససేమిరా అంటుంది. చాలా తెలివిగా నాటకం ఆడుతుందని చెబుతుంది. ఈ ప్రాబ్లం నువ్వు సృష్టించావు కాబట్టి దీన్ని నువ్వు సాల్వ్‌ చేయాలని అంటుంది. మీరు మామయ్యకు నా గురించి చెప్పకుండా ఉంటే...మీరు చెప్పినట్లు చేస్తానని బ్రతిమాలుకుంటుంది.
                             

                           అప్పుడు శ్రీవల్లి ఆ నగలు తీసుకుని తిరుపతి బాబాయి ఇస్తుంది. వాటిని మీరు మామయ్యగారికి అందజేయాలని చెబుతుంది. ఇవి ప్రేమ నగలని చెప్పి ఇవ్వబోతుంది.ఈనగలు ఇన్నిరోజులు నీ దగ్గరే ఉన్నాయని చెప్పి...రామరాజు మామయ్యకు ఇవ్వాలని కోరుతుంది.  ఆరోజు ప్రేమ నగలు నువ్వేవాళ్లకు ఇవ్వలేదని...వాటి స్థానంలో రోల్డ్‌గోల్డ్ నగలు నువ్వే ఇచ్చావని చెప్పాలని కోరుతుంది. ఈ విషయం చెప్పగానే నన్ను చంపేస్తాడని చెబుతాడు.అసలు ఈ నగలు ఎక్కడ నుంచి వచ్చాయని తిరుపతి ప్రశ్నిస్తాడు. అవన్నీ అడగొద్దని చెప్పడంతో...ఈ విషయం వెంటనే బావ చెవిలో ఊదేస్తానని తిరుపతి అంటాడు. అప్పుడు శ్రీవల్లి నిజం చెబుతుంది.  ఈ నగలు నేనే తీసి దాచిపెట్టానని తిరుపతితో అంటుంది. ఎందుకు అంటే....ప్రేమ కోసమే ఇలాంటి పనిచేశానని చెబుతుంది. వాళ్ల పుట్టింటి నగలు ఆమె వద్దే ఉండాలన్న స్వార్థంతో ఈ పనిచేశానని చెబుతుంది. తను చేప్పేది నిజమేనా అని తిరుపతి బాబాయి ప్రేమను అడుగుతాడు. దీనికి ఆమె ఏమీ మాట్లడలేదు. దీంతో నావల్ల కాదని  తిరుపతి అంటాడు. అయినా సరే ఏదోవిధంగా తిరుపతిని శ్రీవల్లి ఒప్పిస్తుంది. దీంతో ఆ నగలు తీసుకుని రామరాజుకు ఇవ్వడానికి తిరుపతి వెళ్తాడు. వాటిని రామరాజుకు అందించడంతో ఈరోజు ఏపిసోడ్‌ ముగిసిపోతుంది.