అన్వేషించండి

Hrithik Roshan: హృతిక్ కొత్త గర్ల్ ఫ్రెండ్ ఎవరో తెలుసా..?

విడాకుల తరువాత హృతిక్ ఎవరితో ఎఫైర్ పెట్టుకోలేదు. ఎవరితో సన్నిహితంగా ఉంటున్నట్లు కూడా వార్తలు రాలేదు.

By : ABP Desam | Updated at : 30 Jan 2022 11:37 AM (IST)

హృతిక్ కొత్త గర్ల్ ఫ్రెండ్ ఎవరో తెలుసా..?

బాలీవుడ్ సూపర్ స్టార్ గా గుర్తింపు తెచ్చుకున్న హృతిక్ రోషన్ చాలా ఏళ్లుగా ఒంటరిగానే ఉంటున్నారు. తను ప్రేమించి, పెళ్లి చేసుకున్న చిన్నప్పటి స్నేహితురాలు సుసానేతో ఎనిమిదేళ్ల క్రితం విడాకులు తీసుకున్నారు హృతిక్ రోషన్. అయితే అప్పుడప్పుడు తమ పిల్లల కోసం వీరిద్దరూ కలిసి ట్రిప్ లకు వెళ్తూ ఉంటారు. 14 ఏళ్ల పాటు కలిసి ఉన్న ఈ జంట విడిపోవడం అప్పట్లో బాలీవుడ్ లో హాట్ టాపిక్ అయింది.

విడాకుల తరువాత హృతిక్ ఎవరితో ఎఫైర్ పెట్టుకోలేదు. ఎవరితో సన్నిహితంగా ఉంటున్నట్లు కూడా వార్తలు రాలేదు. కానీ ఇప్పుడు అతడు ప్రేమలో పడినట్లుగా బాలీవుడ్ మీడియా వార్తలు ప్రచురిస్తోంది. తాజాగా హృతిక్ ముంబైలోని ఓ ఫేమస్ జపనీస్ రెస్టారంట్ లో డిన్నర్ కు వెళ్లారు. అక్కడ నుంచి బయటకు వచ్చేటప్పుడు ఓ అమ్మాయి చేయి పట్టుకొని కనిపించారు హృతిక్.

ఆమెని దగ్గరుండి కారు వరకు నడిపించుకుని వెళ్లారు. వారిద్దరి మధ్య సాన్నిహిత్యం చూసి స్నేహితుల్లా అయితే అనిపించడం లేదనే కామెంట్స్ వినిపిస్తున్నాయి. ప్రస్తుతం దీనికి సంబంధించిన వీడియో వైరల్ అవుతుంది. హృతిక్ తో కలిసి కనిపించిన అమ్మాయి మాస్క్ వేసుకొని ఉండడంతో చాలా మంది గుర్తుపట్టలేదు. కానీ కొందరు నెటిజన్లు మాత్రం ఆమె సబా ఆజాద్ అని చాలా బలంగా చెబుతున్నారు.

ఈమె కూడా సినిమా ఇండస్ట్రీకి చెందినదే. 2011లో విడుదలైన 'ముజ్ సే ఫ్రెండ్షిప్ కరోగే' అనే సినిమాలో లీడ్ రోల్ పోషించింది. గతేడాది విడుదలైన 'ఫీల్స్ లైక్ ఇష్క్' అనే ఆంథాలజీ ఫిలింలో కనిపించింది. అలానే 'రాకెట్ బాయ్స్' సినిమాలో కీలకపాత్ర పోషించింది. కొద్దిరోజుల్లో ఈ సినిమా విడుదల కానుంది.