Ravi Teja Harish Shankar Movie : రవితేజతో పీరియాడిక్ డ్రామా పక్కా - 'ఉస్తాద్ భగత్ సింగ్' డైరెక్టర్ నెక్స్ట్ సినిమా

పవర్ స్టార్ ఫ్యాన్స్ ఎప్పట్నుంచో ఆతృతగా ఎదురుచూస్తోన్న ఉస్తాద్ భగత్ సింగ్ పై డైరెక్టర్ హరీష్ శంకర్ క్రేజీ అప్ డేట్ ఇచ్చారు. మాస్ మహారాజ్ రవితేజతోనూ ఓ భారీ పీరియాడికల్ డ్రామా తీయనున్నట్టు చెప్పారు

రవితేజతో హరీష్ శంకర్ (Image Courtesy : Harish Shankar Instagram)

Harish Shankar : టాలీవుడ్ లో కమర్షియల్ డైరెక్టర్ గా పేరు తెచ్చుకున్న దర్శకుల్లో ఒకరు హరీష్ శంకర్. హీరో రవితేజతో కలిసి 'షాక్', 'మిరపకాయ్' లాంటి మంచి సినిమాలను అందించిన ఆయన.. మరోసారి ఆయనతో సినిమా తీసేందుకు రెడీ అయ్యారు. అంతే కాదు పవర్ స్టార్ పవన్ కల్యాణ్ తో తీయనున్న 'ఉస్తాద్ భగత్ సింగ్' సినిమాపైనా ఓ క్రేజీ అప్ డేట్ ఇచ్చారు. దాంతో పాటు త్వరలోనే రవితేజతో  ఒక పీరియాడికల్ డ్రామా మూవీ చేయనున్నట్టు వెల్లడించారు. 

'గబ్బర్ సింగ్' సినిమాతో సినీమాతో పవర్ స్టార్ పవన్ కళ్యాణ్ ఫ్యాన్స్ ను తన ఫ్యాన్స్ గా చేసుకుని మోస్ట్ ట్రెండింగ్ టాప్ డైరెక్టర్లలలో హరీష్ శంకర్ ఒకరిగా నిలిచిపోయారు. టాలీవుడ్ లో మాస్ యాక్షన్ కమర్షియల్ సినిమాల దర్శకుడిగా ఆడియన్స్ నుంచి మంచి క్రేజ్ తెచ్చుకున్నారు. గతంలో 'మిరపకాయ్', 'సుబ్రహ్మణ్యం ఫర్ సేల్', 'గద్దలకొండ గణేష్ ' లాంటి సూపర్ హిట్స్ ను అందించిన ఆయన.. ప్రస్తుతం పవర్ స్టార్ పవన్ కల్యాణ్ తో 'ఉస్తాద్ భగత్ సింగ్' టైటిల్ తో మూవీ తీయనున్నారు. 

ఇక తాజాగా మాస్ మహారాజ్ హీరో రవితేజ సోషల్ మీడియా ద్వారా సినీ ప్రేక్షకులు, ఫ్యాన్స్ తో  మాట్లాడే ప్రయత్నం చేశారు. అందుకోసం ఓ చాట్ సెషన్ ను నిర్వహించారు. ఈ సంధర్భంగా ఓ అభిమాని అడిగిన ప్రశ్నకు ఆయన ఇంట్రస్టింగ్ సమాధానం ఇచ్చారు. హరీష్ శంకర్ తో మూవీ ఎప్పుడు చేస్తారు అన్న ప్రశ్నకు సమాధానంగా.. దర్శకుడు హరీష్ శంకర్ ని ట్యాగ్ చేస్తూ రవితేజ ఇన్ డైరెక్టుగా ప్రశ్నించారు. ఈ ప్రశ్నకు కాసేపట్లోనే హరీష్ శంకర్ ను మరో ఇంట్రస్టింగ్ ఆన్సర్ వచ్చింది.

ప్రస్తుతం తామిద్దరి కాంబినేషన్ లో ఓ 'భారీ పీరియాడికల్ డ్రామా' మూవీ కోసం కొంత వర్క్ జరుగుతోందని, త్వరలోనే ఆ సినిమా గురించి పూర్తి వివరాలు వెల్లడిస్తామంటూ ఆయన స్పష్టం చేశారు. ఈ సందర్భంగా ట్వీట్ లో పేర్కొన్న ఆయన..  అన్నయ్యతో సినిమా అంటే పనిచేయడానికి నిజంగా ఎప్పుడూ రెడీ ఉంటానని రాసుకొచ్చారు. త్వరలోనే హిస్టరీ రిపీట్ చేద్దామంటూ రిప్లై ఇచ్చారు. దాంతో పాటు రవితేజను ట్యాగ్ చేస్తూ.. ఎమోజీ సింబల్స్ ను షేర్ చేశారు. ఈ ట్వీట్ పై రవితేజ ఫ్యాన్స్ తో పాటు హరీష్ శంకర్ ఫ్యాన్స్ కూడా ఆనందం వ్యక్తం చేస్తున్నారు. మరోసారి వీరిద్దరి కాంబోలో సినిమా రాబోతుందంటూ ఆనందం వ్యక్తం చేస్తూ సోషల్ మీడియా లో కామెంట్స్ చేస్తున్నారు.

2006లో హరీష్ శంకర్, రవితేజ కాంబోలో వచ్చిన 'షాక్' బాక్సాఫీస్ వద్ద నిరాశ మిగిల్చింది. కానీ ఆ తర్వాత మరోసారి 2011లో వీరిద్దరి కాంబోలో వచ్చిన 'మిరపకాయ్' మాత్రం కాసుల వర్షం కురిపించింది. ఈ సినిమాలో హీరో రవితేజ క్యారెక్టరైజేషన్‌ ను మలిచిన తీరు ఆయన అభిమానులకు తెగ నచ్చేసింది. మళ్లీ ఆ తర్వాత వీరిద్దరి కాంబోలో సినిమా రాలేదు. ఇక తాజా ప్రకటనతో రవితేజ ఫ్యాన్స్ కు గుడ్ న్యూస్ చెప్పేశాడు. దీంతో పాటు హరీష్ శంకర్ ట్విట్టర్ వేదికగా ఓ వీడియోను షేర్ చేశారు. సూపర్ స్టార్ కృష్ణ సినిమాలోని 'ఎన్నాళ్లో వేచిన ఉదయం..' సాంగ్‌ను షేర్ చేస్తూ.. ఆ రోజు రానే వచ్చింది.. అంటూ హరీష్‌ శంకర్ ట్వీట్ చేశారు. దాంతో పాటు 'ఉస్తాద్ భగత్ సింగ్' అనే క్యాప్షన్ ను ట్యాగ్ చేశారు. ప్రస్తుతం ఈ వీడియో నెట్టింట్లో ట్రెండింగ్ అవుతోంది. 

ఇదిలా ఉండగా పవర్ స్టార్ పవన్‌ కల్యాణ్ రీసెంట్ గా ఢిల్లీ టూర్‌లో కొత్త లుక్‌తో కనిపించిన ఫొటోలు ఇప్పటికే సోషల్ మీడియాలో హల్‌ చల్‌ చేస్తున్నాయి. దీంతో 'ఉస్తాద్‌ భగత్‌సింగ్‌'లో పవన్ ఇదే లుక్‌లో కనిపించబోతున్నానంటూ ఇంటర్నెట్ లో తెగ ప్రచారం జరిగింది కూడా.. ఇదే హింట్ అంటూ మరికొందరు పవర్ స్టార్ ఫ్యాన్స్ ఆనందం వ్యక్తం చేశారు. ఇదిలా ఉండగా 'ఉస్తాద్ భగత్‌ సింగ్' సినిమా కోసం పవన్‌ కల్యాణ్‌ డేట్స్ ఇచ్చాడని.. ఈ షూటింగ్ కోసం ఆయన సుమారు 90 కేటాయించబోతున్నాడని ఇప్పటికే ఓ వార్త నెట్టింట హల్‌ చల్ చేస్తోంది. ఈ మూవీ కోసం ఆర్ట్‌ డైరెక్టర్‌ ఆనంద్‌ సాయి భారీ సెట్‌ కూడా వేశారనే వార్తలూ వినిపిస్తున్నాయి‌. ఇక పవర్ స్టార్ పవన్‌ కల్యాణ్‌ మరో సినిమాను సముద్రఖని దర్శకత్వంలో 'వినోదయ సీతమ్' రీమేక్‌లోనూ నటిస్తున్నారు. దీంతోపాటు సుజిత్ డైరెక్షన్‌లో 'ఓజీ' (OG) కూడా చేస్తున్నారు. ఈ సినిమా షూటింగ్ సైతం త్వరలోనే ప్రారంభం కానున్నట్టు సమాచారం.